நிலா மலர்கள்

மரணம்

2011-09-05T10:57:00.001+04:00

மரணம் என்பது

உல்லாச வாழ்விற்கான

நுழைவுச் சீட்டு

எல்லையற்றப் பெருவெளியில்

ஏகாந்தமாய்

எந்தத் தேவையுமின்றி

வாழப் போகும்

வாழ்கையின்

துவக்கம்

பசியிலிருந்து

பந்தத்திலிருந்து

பாசத்திலிருந்து

பயத்திலிருந்து

விடுபடப் போகும்

விசேச நாள்

சுமையாய் சுமந்த

நினைவுகளை

இறக்கி வைக்கப் போகும்

இனிய நாள்

நான் என்ற பொய்

முகவரியை விட்டு

உண்மை அறியப் போகும்

உன்னத நாள்

மறந்து நின்றான்

2011-03-23T10:36:00.001+04:00

மனிதன்.
விண்ணில் சென்று
மண்ணில் மீளும்
விண்கலம் படைத்து
மகிழ்ந்து நின்றான்

வானில் ஏறி
வட்ட பூமியை
சுற்றி வந்தே
திட்டமிட்டான்

விண்ணை முட்டும்
கட்டிடம் கட்டி
கர்வ முற்றான்

இரவும் பகலாய்
ஓளிர்ந்து நிற்க
மின்னொளிப் படைத்து
கண்டு மகிழ்ந்தான்

விரலசைவில்
விரைந்து செல்ல
வாகனம் படைத்து
ஓடி மகிழ்ந்தான்

கண்ணசைவில்
இயங்கும் பல
கணினி படைத்து
களிபுற்றான்

எல்லாம் படைத்த
மனிதன் இன்று
படைத்த ஒருவனை
மறந்து நின்றான்

படைத்தவனோ
சில வினாடிகள்
அசைந்து
தன் இருப்பு தன்னை
அறிவித்தான்

கடலின் ஆழத்தில்
உளை வைத்தான்
கற்பனைக் கெட்டா
சேதங்களை
விளைவித்தான்

எல்லாம் மறந்து
மனிதனை
அழ வைத்தான்

பலம் அனைத்தும்
எனக்கே என்று
மீண்டும் மீண்டும்
நிரூபித்தான்.

விஞ்ஞானமும் மெய்ஞானமும்

2010-11-07T16:49:00.000+04:00

விஞ்ஞானம் என்பது காலம் காலமாக இந்த பூமியில் உள்ளதை கண்டுபிடித்துக் சொல்வது, விஞ்ஞானிகள் எதையும் உண்டாக்கவில்லை உள்ளதை கண்டுபிடித்துக் சொல்வதற்கே, நம் அறிவை எண்ணி நம்மை நாமே மெச்சிக் கொள்கிறோம், இவற்றையெல்லாம் உண்டாக்கி வைத்திருப்பவனின் பெருமையை, அறிவை சொல்வதே மெய்ஞானம்.

விஞ்ஞானம் என்பது மெய்ஞானத்தின் முன் மைக்ராஸ்கோப்பில் பார்க்கவேண்டிய பொருள், விஞ்ஞானத்தை கொண்டாடும் நாம் அதன் மூலம் கண்டுபிடித்தவற்றைப் படைத்தவனின் அறிவு பற்றி சிந்திப்பதில்லை அதைச் சொல்வது தான் மெய்ஞானம்.

இந்த பிரபஞ்சமே அந்த பிரம்மத்தின் அறிவு தான், உதாரணமாக நாம் இதைத் சொல்லலாம் ஒரு ஓவியன் வரைந்த ஓவியம் அது வரையப் படும் முன் எங்கிருந்தது? ஒரு கற்பனையாக அவன் அறிவில் இருந்தது, அதே போல் தான் இந்த பிரபஞ்சமும் அந்த பிரம்மனின் அறிவு.

தாமஸ் ஆல்வா கண்டுபிடித்த மின்சாரம் ஆண்டாண்டு காலமாய் இங்கு தான் இருந்தது, ஆல்பர் ஐன்ஸ்டின் சொன்ன, சக்தியில் இருந்து பொருளும் பொருளில் இருந்த சக்தியும் ஆண்டாண்டு காலமாய் இந்த பிரபஞ்சத்தின் இயல்பாய் நடந்து கொண்டிருந்து, டாலமி சொன்ன, வட்டப் பாதையில் கோள்கள் சுற்றி வருகின்றன என்பதும் நடந்து கொண்டுதானிருந்து, ஐசக் நியுட்டனின் புவி ஈர்ப்பு விசை கொள்கை அதில் தான் இந்த உலகமே இயங்கிக் கொண்டிருந்து, ஆனால் நமக்கு ஆச்சர்யமாக இருந்தது. இவற்றை எல்லாம் கண்டுபிடிக்க நமக்கு நூற்றண்டுகளை கடக்க வேண்டியிருந்து.

இன்றய எலக்ட்ரானிக்ஸ் யுகம் சொல்கிற எங்கோ நடப்பதை இங்கே பார்க்க முடியும் என்பதையும், உலகின் ஒரு மூலையில் பேசுவதை மறு மூலையில் கேட்க முடியும் என்பதையும் நம்ப நமக்கு இத்தனை நூற்றண்டுகளாயிற்று, இன்றய கண்டுபிடிப்புகளும் இனி வரும் கண்டுபிடிப்புகளும், இடமும் காலமும் என்று உண்டாயினவோ அன்றே உண்டாகிவிட்டது அதை உணர நம் அறிவு வளர இத்தனை காலங்களாயிற்று.

இவற்றையெல்லாம் படைத்து அதை உணர நமக்கு வேண்டிய அறிவையும் கொடுத்த அந்த பரம் பொருளை அது கொடுத்த சொற்ப அறிவை கொண்டு அறிய முற்படுவது விஞ்ஞானம். மெய்யறிந்து, மெய்யழிந்து, மெய்யில் மெய்யாகி உதிர்த்த மெய்யான வார்த்தைகளே மெய்ஞானம்;;.

விஞ்ஞானம் இன்று உபகரணங்களுடன் செய்து காட்டியதை, அன்றே உபகரணங்களின்றி செய்துகாட்டியது மெய்ஞானம், சிற்றறிவை அழித்து பேரரறிவில் ஐக்கியமாகி அறியப்பட்ட உண்மைகள் அவை.

இன்று சிற்றறிவைக் கொண்டு பேரரறிவை அளக்க முற்படுவது விஞ்ஞானம், இன்றும் விஞ்ஞானத்தால் விளங்க முடியா, விளக்க முடியா நிகழ்வுகள் பல உண்டு. விஞ்ஞானத்தை மெய்ஞானத்திற்கு எதிராக பயன்படுத்தாமல் மெய்ஞானத்துடன் விஞ்ஞானத்தையம் கலந்து அறிய முற்ப்பட்டால் வரும் காலங்களில் பல அறிய நிகழ்வுகள் நிகழலாம். அதுவரை மனிதன் தன் சொற்ப அறிவால் தன்னைத்தானே சூறையாடமல் இருக்க வேண்டும்.

இந்த நூற்றண்டின் மிக சிறந்த விஞ்ஞானியான ஆல்பர்ட ஐன்ஸ்டின் கூட, நான் எதையும் கண்டுபிடிக்கவில்லை எனக்குள் தோன்றியது என்று கூறியிருக்கிறார். அந்த தோன்றலைக் கூறுவது தான் மெய்ஞானம்.

பிறவிப் பயன்

2010-10-18T11:01:00.002+04:00

மனிதப் படைப்பு

உலகில் கோடானு கோடி ஜிவராசிகள் பிறக்கின்றன மரிக்கின்றன, அவைகள் தோன்றுவதும் மரிப்பதும் தானே அறியா ஒரு இயல்பு சுழற்சியாக இந்த உயிரின தோற்ற மறைவு பிரபஞ்சத்தில் நடந்துக் கொண்டிருக்கிறது. மனிதன் என்ற ஒரு அற்புதப் படைப்பு எல்லா உயிரினங்களிலிருந்தும் வேறுபடுகிறது.

காடு, மலை, கிரகம் முதல் விண்ணில் மண்ணில் உள்ள அனைத்து உயிரிகளும் தோன்றுவதற்கு முன் எதுவாக இருந்ததோ அதுவாகவே தோன்றிய பின்னும் இருக்கிறது. அதன் உருவங்கள் வேண்டுமானால் மாறி இருக்கலாம் ஆனால் அவற்றில் தனக்கென்று ‘சுயம்’ எதுவும் இருப்பதில்லை, உருவங்கள் வேறு வேறாக இருந்தாலும் அதன் உள்ளமை ஒன்றாகத்தான் இருக்கிறது மனிதன் உட்பட, ஆனால் மனிதனுக்கு தோற்றுவிக்கப் பட்ட ‘தான்’ என்ற மாய உணர்வு தன்னை தனியானவனாக உணரவைக்கிறது.

உண்மை நிலை

தன்னை மூலத்திலிருந்த பிரித்து உணர்வதே ‘தான்’ என்பது இதனையே அகங்காரம் என்கிறோம். இந்தப பிரபஞ்சத்தில் மனிதனையும், ஜின்னையும் தவிர வேறு எந்த படைப்பும் தன்னை பிரித்து உணர்வதில்லை. அதனால் மற்ற உயிரினங்கள் இறப்பைப் பற்றிய பயம், கவலைக் கொள்வதில்லை, எங்கிருந்து வந்ததோ அங்கேயே திரும்பி செல்கிறது. அவைகள் எங்கிருந்து வந்தோம் என்பதையும் அறிவதில்லை எங்கே போகிறோம் என்பதையும் அறிவதில்லை. ஆனால் ‘தான்’ என்ற உணர்வில் வாழும் மனிதனுக்கு மட்டும் தான் மரண பயம், இறைவன் தன் வேதமான திருமறையில் கூறுகிறான் ‘என்னிலிருந்தே வெளியானிர்கள் என்னிடமே மீளுவிர்கள்’ இதை மனித மனம் ஏற்றுக் கொள்வதில்லை நாம் இங்கேயே இப்படியே இருந்து விட வேண்டும் என்று விரும்புகிறோம், இங்கே தான் நாம் இருப்போம், ஆனால் இந்த உருவத்திலேயே நிலைத்திருக்க விரும்புகிறோம்.

நாம் இந்த உருவத்தைக் கொண்டாடுகிறோம் வேறு யாருடையதும் அல்ல நம் உருவத்தையே நாம் கொண்டாடுகிறோம் இதுவே இத்தன கஷ்டத்திற்கும் காரணம். மரணம் என்பது இல்லாமல் போவது அல்ல, அது ஒரு நிலை மாற்றமே, பஞ்ச பூதங்களின் கூட்டாக இருந்த நாம் மீண்டும் பஞ்ச பூதங்களாகிவிடுவோம், இந்த பிரபஞ்சத்தில் எதுவும் கூடுவதும் இல்லை குறைவதும் இல்லை, எதுவும் நிரந்தரமும் அல்ல, மாற்றங்கள் மட்டுமே நிகழ்ந்துக் கொண்டிருக்கின்றன.

நோக்கம்

இதையெல்லாம் ஆய்ந்து உணரும் சக்தி மனிதனுக்கு மட்டும் படைக்கப் பட்டிருக்கிறது, இதற்காகவே தன்னைப் பிரித்துணரும் அந்த அகங்காரமும் படைக்கப் பட்டது. ஆனால் இயல்பு நிலை என்னவென்றால், பிறக்கிறோம்,வளர்கிறோம், பொருளீட்டுகிறோம், சந்ததி உண்டாக்குகிறோம், எத்தனை கஷ்டம் இந்த உலகில் பட்டாலும் சந்தோசமாக வாழ்வதாக நம்மை நாம் நம்பிக்கொள்கிறோம், வாழ்ந்தது போதும் என்று வாழ்வின் எந்தக் கட்டத்திலும் எண்ணுவதில்லை.
சரி மற்ற ஜீவராசிகளுக்கு எந்த பிரச்சனையும் இல்லை, அவை அலங்காரத்திற்கு படைக்கப் பட்டவை, ஆனால் மனிதனின் தோற்றத்தின் அர்த்தம்? ஏன் பிறந்தோம்? நம் பிறப்பின் நோக்கம் என்ன? என்பதை சிந்திக்கத் தான் மனிதனுக்கு ஆறாம் அறிவு. ஆனால் இந்த ஆறாம் அறிவை கடவுள் சண்டையில் தொலைத்துவிட்டு மொழியும் மிருகங்களாகிவிட்டோம், தன்னை அறிந்தவனே தன் கடவுளையும் அறிந்தான் அதுவே பிறவி எடுத்ததன் நோக்கம்.

வழுக்கல்கள்

2010-10-05T14:19:00.004+04:00

வெளிச்சத்திலும்
இருண்டு கிடக்கும்
மனங்கள்
விளக்கை காணமலே
மாண்டு விடும்
விட்டில்கள்

இறக்கவே மாட்டோம்
என்பது போல்
வாழும் மனிதர்கள்
வாழவே இல்லை
என்பது போல்
இறக்கும் மனிதர்கள்

ஆசை எனும்
ஈரமான தலையில்
தேவை என்ற
பாரமான சுமைகளுடன்
சுகமாய் வாழ்வதாய்
நமக்குள் ஒரு
சொப்பனம்

விடிந்த பிறகும்
திறக்க மறுக்கும்
இமைகள்
அறிந்த பிறகும்
உணர மறுக்கும்
மனங்கள்.

இப்படி
வாழ்கை எனும்
பாதையில்
வழிநெடுக
வழுக்கல்கள்.

அமெரிக்காவின் (U.S.A) பொருளாதார வீழ்ச்சியும் சரியும் செல்வாக்கும்

2010-10-03T16:50:00.006+04:00

அமெரிக்காவின்(U.S.A) பொருளாதார வீழ்ச்சியும் சரியும் செல்வாக்கும்

யு.எஸ்.எ பொருளாதார வீழிச்சியை மட்டும் சந்திக்கவில்லை அதன் அரசியல்,தொழில் புள்ளியல் படி அது கடந்த பத்தாண்டுகளாக தன் ஆதிக்கத்தை இழந்து வருகிறது என்பது கண்கூடான உண்மை.

பிரேசில் அமெரிக்க கண்டத்தில் உள்ள வளர்ந்து வரும் நாடு, தற்போதைய கணிப்பின் படி நான்கு நாடுகள் (BRIC – Bracis,Russia,India,China) இவற்றின் கூட்டனியில் பிரேசில் முன்னனியில் இருக்கிறது. 2032 ல் அதன் பொருளாதாரம் நம்பர் ஒன்னாக இருக்கும்.

MARVINS (Mexico,Australia,vietnam,Indonesia,Nigeria and South Africa) எனறழைக்கப் படும் ஐந்த நாடுகள் கூட்டனியில் மெக்ஸிக்கோ அரசியல் சக்தியிலும் பொருளாதாரத்திலும் முன்னனியில் இருக்கிறது. கனடாவும் வெனிசூலாவும் எணணெய் வளத்தில் ஒரு நீண்ட எதிர்காலத்தைக் கொண்டிருக்கின்றன.

பெருவும், ச்சிலியும் தாதுவளத்தில் தன்னை முன்னிருத்திக் கொள்கின்றன, இந்த நாடுகள் யாவும் அமெரிக்காவின் பொருளாதார வீழ்ச்சியின் போது தன்னை மேம்படுத்திக் கொள்கின்றன. இந்த அறிகுறிகள் யாவும் அமெரிக்கா தன் பொருளாதாரத்திலும் செல்வாக்கிலும் பின் தங்கிக் கொண்டுவருகின்றன என்பதைக் காட்டுகிறது.

ஈரான் விசயத்தில் அமெரிக்காவின் வேண்டுகோளை நிராகரித்து விட்டது பிரேசில், ஹிலாரி கிளிண்டன் நேரிடையாக சென்று கூறியும், அமெரிக்காவிற்கு சாதகமாக ஈரானுக்கு எதிராக தடைவிதிக்க கூடாது என்று கூறிவிட்டது, ஹிலாரி வெறுங்கையுடன் தான் திரும்பினார். பிரேசில் ஈரானுடனும் அமெரிக்காயுடனும் நட்புறவாக இருக்க விரும்புவாதாக கூறிவிட்டது.

இன்று உலகின் நம்பர் ஒன் பணக்காரர் மெக்ஸிக்கோ நாட்டுக்காரர், அமெரிக்கன் அல்ல, கடந்த பதினாறு வருடங்களில் முதன் முறையாக ஒரு அமெரிக்கர் உலகப் பணக்காரர் இல்லை, மெக்ஸிக்கோ நாட்டுக் காரரான கார்லோஸ் ஸ்லிம் என்பவருக்கு போய்விட்டது. அவரின் சொத்து மதிப்பு 54 பில்லியன் அமெரிக்க டாலர் ஆகும்.

மூன்று வருடப் பொருளாதார வீழ்ச்சிக்கு பின் லத்தின் அமெரிக்க வேகமாக அதிலிருந்து மீண்டு வருகிறது. அமெரிக்காவின் முன்னேற்றம் ஆமை வேகந்தான், பல ஆயிரம் பேர் வேலையிழப்பும், பல தொழிற்ச்சாலைகள் மூடவேண்டிய கட்டாயமும் அமெரிக்கவில் ஏற்ப்பட்டுள்ளது.

1930களில் பொருளாதார விழ்ச்சி ஏற்பட்ட பொழுது மிகவும் பாதிக்கப் பட்டது ச்சிலி, பெரு, பொலிவியா ஆனால் தற்போது நிலைமையே வேறு, புள்ளியியல் படி மெக்ஸிக்கோ, பிரேசில், அர்ஜென்டைனா ஆகிய நாடுகள் பொருளாதார வீழ்ச்சியிலிருந்து மீண்டு வருகின்றன. அமெரிக்காவின் பொருளாதாரம் இன்னும் பலகீனமாகவே இருக்கிறது இதே நிலை நீடிக்குமானால் லத்தீன் அமெரிக்காவின் ஏற்றுமதி வேறு நாடுகளுக்கு மாறும்.

ச்சிலி அமெரிக்காவை விட 300 சதம் அதிகமாக தாமிரம் உற்பத்தி செய்கிறது, முன்பு தாமிர உற்பத்தியில் நம்பர் ஒன்னாக இருந்தது அமெரிக்கா, இன்று அமெரிக்காவின் தாமிர உற்பத்தி 1.2 மில்லியன் மெட்ரிக் டன், ச்சிலியின் தாமிர உற்பத்தி 5.4 மில்லியன் மெட்ரிக் டன்.

பிரேசில் அமெரிக்காவை விட நான்கு மடங்கு அதிகமாக இரும்பு தாது உற்பத்தி செய்கிறது 1892 ல் அமெரிக்காவில் மிகப் பெரிய இரும்ப சுரங்கம் கண்டு பிடிக்கப் பட்டு இரும்பு உற்பத்தியில் முன்னனியில் இருந்தது, தற்போது அமெரிக்காவின் இரும்பு தாது கையிருப்பு 2100 மெட்ரிக் டன், இதை விட 7 நாடுகளில் இரும்பு தாது கையிருப்பு அதிகமாக உள்ளது. பிரேசிலின் இரும்புத்தாது கையிருப்பு 8900 மெட்ரிக் டன், அமெரிக்கா உற்பத்தி செய்யும் இரும்புத்தாது வருடத்திற்கு 54 மெட்ரிக் டன், பிரேசிலின் உற்பத்தியோ 250 மெட்ரிக் டன்.

அடுத்து கனடாவும், வெனிசூலாவும் வரும் பத்தாண்டுகளில் எண்ணெய் உற்பத்தியில் முன்னனி வகிக்கப் போகின்றன, தற்போது அமெரிக்கா உற்பத்தி செய்யும் எண்ணெய் ஒரு நாளைக்கு 9 மில்லியன் பீப்பாய்கள், தற்போது அமெரிக்காவின் எண்ணெய் கையிருப்பு 21 பில்லியன் பீப்பாய்கள். வரும் பத்தாண்டுகளில் அண்டை நாடுகளின் எண்ணெய் உற்பத்தி 99 பில்லியன் முதல் 178 பில்லியன் பீப்பாய்கள் இருக்கும், எதிர்காலத்தில் அமெரிக்கா எண்ணெய் உற்பத்தியில் மிகவும் பின் தங்கிய நிலையில் இருக்கும்.

பிரேசிலின் தற்போதைய மாட்டு இறைச்சியின் உற்பத்தி அமெரிக்காவைக் காட்டிலும் இரண்டு மடங்காக உள்ளது, அமெரிக்காவின் மாட்டிறைச்சி உற்பத்தி 800000 மெட்ரிக் டன், பிரேசிலின் உற்பத்தி அளவு 2,200,000 மெட்ரிக் டன் ஆகும். பிரேசிலில், அமெரிக்க கனடா கூட்டுறவுடன் உலகிலேயே மிகப் பெரிய மாட்டிறைச்சி உற்பத்தி தொழிற்ச்சாலை குளிர் பதன வசதியுடன் தொடங்கப் பட்டுள்ளது.

நான்கு சக்தி மிக்க நாடுகளின் (பிரேசில், ரஸ்யா, இந்தியா,சீனா) பணத்தை பொதுவான பணமாக்கி புழக்கத்தில் கொள்ளலாம் என்ற பேச்சு வார்த்தை நடந்து வருகிறது அது வெற்றிகரமாக செயல் பாட்டில் வரும் போது அமெரிக்க டாலர் மதிப்பு வெகுவாக உலக சந்தையில் குறைந்துவிடும். ஏற்கனவே யுரோவின் வருகையால் பல நாடுகள் தன் வர்த்தகத்தை யுரோவிற்கு மாற்றிக் கொண்டுவிட்டன. டாலர் தொடர்ச்சியான வீழ்ச்சியை கண்டுவருகிறது.

இங்கு முக்கியமாக குறிப்பிடப் படவேண்டியது என்னவென்றால் உலகின் முக்கிய சக்திகள் தங்களுடன் நல்ல நட்புறவுடன் இருக்கிறது, உதாரணத்திற்கு சீனா, பிரேசிலுடன் மிகப் பெரிய ஒப்பந்தங்களில் கையெலுத்திட்டுள்ளது. மிகப் பெரிய தொழிற் சாலை, அதிவேக ரயில் ஆகியவை ஒப்பந்தத்தில் உள்ளவை.

ஒரு சர்வேயில் தெரியவந்திருப்பது, பிரேசில் சுற்றுச் சூழல் தூய்மைக்காக 0.37 சதம் முதலிடு செய்துள்ளது, கனடா 0.25 சதம் முதலீடு செய்துள்ளது, மெக்ஸிக்கோ 0.14 சதம் முதலிடு செய்துள்ளது அமெரிக்கா உலகில் 11வது இடத்தல் உள்ளது இதன் முதலீடு 0.13 சதம் ஆகும்.

இறுதியாக சி.ஐ.ஏ வின் செய்திக் குறிப்புபடி அமெரிக்க எதிர்பாளர்களான, ஜாக்கப் கால்மேன், பிடல் காஸ்ட்ரோ, மானுவல் நோர்கியா, சே குவாரா போன்ற பலரை அமெரிக்காவால் கட்டுக்குள் கொண்டுவரமுடியவில்லை, ஹியுகோ சாவேஸின் அமெரிக்க எதிர்ப்பை தடுக்க முடியவில்லை, 24 மணிநேரத்தில் பிடித்துவிடுவோம் என்று சொன்ன பின்லேடனை இதுவரை பிடிக்க முடியவில்லை.

பல உலக நாடுகளின் கலாச்சாரத்தையும், பொருளாதாரத்தையும் சீர்குலைத்த, சீர் குலைத்துக் கொண்டிருக்கிற அமெரிக்க பொருளாதார வீழ்ச்சியும், செல்வாக்கு சரிவும் கண்டு வருவது மட்டுமல்ல, உலக நாடுகளின் மத்தியில் ஒரு கேவலமான பார்வைக்கு ஆளாகியிருக்கிறது. தன் தரம்கெட்ட ஆட்சியாளர்களால் தான்தோன்றி தனமான ஆட்சியால் உலகின் மரியதையை இழந்து வருகிறது அமெரிக்கா, இதற்கு அமெரிக்க மக்களே பொறுப்பு ஏற்க வேண்டும்.

தினை விதைத்தவன் தினை அறுப்பான், வினை விதைத்தவன் வினை அறுப்பான்.

thanks for yahoo finance

விண்ணுலகப் பயணம்

2010-09-29T11:21:00.001+04:00

விண்ணுலகப் பயணம்
அகில உலகின் அருட்கொடை எம் பெருமான் முகம்மது(ஸல்) அவர்கள் தமக்கு நபித்துவம் கிடைத்தபின் மார்க்க அழைப்பு விடுத்துக் கொண்டிருந்தார்கள், ஏக இறைக் கொள்கையை அன்றய மக்கத்துக் காஃபிர் ஏற்க மறுத்துக் கொண்டிருந்தார்கள். பல இன்னல்களுக்கிடையே தளராமல் ஏகத்துவக் கொள்கையை ரஸீல் (ஸல்) அவர்கள் பரப்பி வந்தார்கள். அப்பொழுது தான் இறைவனிடமிருந்து விண்ணுலக அழைப்பு வந்தது. இறைவன் திருமறையில் பனி இஸ்ராயில் அத்தியாயத்தில் 17:1 ஆயத்தில் பெருமானாரின் விண்ணுலகப் பயணத்தைப் பற்றிக் கூறுகிறான்.
‘(அல்லாஹ்)மிகப் பரிசுத்தமானவன், (முகம்மது(ஸல்)) தன் அடியாரை (சிறப்புற்ற பள்ளியிலிருந்து(கஃபா) மஸ்ஜில் அக்ஸாவிற்கு ஓரிரவில் அழைத்துச் சென்றான்(அவ்வாறு அழைத்துக் சென்று) நாம் அதனை சூழ உள்ள பூமிகளை ஆசிர்வதித்துள்ளோம், நம்முடைய திருஷ்டாந்தாங்களைகளை அவருக்கு காண்பிப்பதற்க்காகவே (அழைத்துக் சென்றோம்) நிச்சயமாக (உமதிறைவனாகிய) அவனே செவியுறுவோனும், உற்று நோக்குபவனாகவும் இருக்கிறான்.
சர்வ வல்லமைப் படைத்த ரஹ்மான் நபி(ஸல்) அவர்களின் விண்ணுலக பயணம் பற்றிய நிகழ்வை இந்த ஆயத்தில் கூறுகிறான், நபி (ஸல்) அவர்களை மக்காவிலிருந்து 40 இரவுகள் ஒட்டகையை ஓட்டினால் கடக்கும் தூரத்திற்கு அழைத்துக் சென்று, அங்கிருந்து விண்பயணத்திற்கு அழைத்துக் சென்றிருக்கிறான், ரஸீல் (ஸல்) வாழ்ந்துக் கொண்டிருப்பது மக்கா, மார்கப் பிரச்சாரம் செய்துக் கொண்டிருப்பது மக்கா, அல்லாஹ் நினைத்திருந்தால் கஃபத்துல்லாவிலிருந்தோ, நபி (ஸல்) அவர்களின் வீட்டு வாசலிருந்தே விண்ணுலப் பயணம் அழைத்துக் சென்றிருக்க முடியும் அப்படியிருந்தும் ஏன் அவர்களை மக்காவிலிருந்து அவ்வளவு தூரம் அழைத்துச் சென்று விண்ணுலப் பயணம் நடந்து?
இதை நாம் கொஞ்சம் கூர்ந்து நோக்கினால், நுண்ணறிவாளனாகிய அல்லாஹ் ஒரு விசயத்தை உலக மக்களுக்கு தெளிவு படுத்த வேண்டி, என்ற உண்மை தெரிய வரும் நபி (ஸல்) அவர்களை ஜிப்ரயில் மூலம் ஏழு வானங்களையும் தாண்டி அழைத்துக் செல்கிறார்கள் இறைவனை சந்திப்பதற்கு, ஒவ்வொரு வானத்திலும் நடக்கும் நிகழ்ச்சிகளை நபி (ஸல்) அவர்கள் தெளிவாக ஹதிஸில் விளக்குகிறார்கள், அந்த நிகழ்வுகளையும் பெருமானாரின் விண்ணுலகப் பயணத்தையும் ஏற்க மறுக்கின்றனர்.
இது இயல்பு வானத்தில் நான் அதைப் பார்த்தேன், இதைப் பார்த்தேன் என்று சொன்னால் வானத்தை இதற்கு முன் யார் பார்த்திருகிறார்கள், அல்லாஹ்வும் அவனுடைய மலக்குகளும் நபி(ஸல்) அவர்களைத் தவிர யாரும் பார்த்தில்லை. அப்படியிருக்க அங்கு கண்டதை எப்படி நம்புவார்கள், இதை அறிந்து தான் அல்லாஹ் நபியவர்களை மக்காவிலிருந்து தொலை தூரம் இருக்கும் மஸ்ஜில் அக்ஸாவிலிருந்து அழைத்துக் சென்றான்.
அன்றய மக்கத்துக் காஃபிர்கள் வியாபார நிமித்தம் ஜெருசேலம் சென்றிருக்கின்றனர், நபியவர்கள் சில வினாடிகளில் அங்கு செல்வது சாத்திமே இல்லை,நபியவர்கள் தன் வாழ்நாளில் அங்கு சென்றவர்களுமல்ல. இது உண்மையா என்று அறிந்தக் கொள்ள அவர்கள் நபியவர்களிடம் அங்குள்ள சில அடையாளங்களைக் கேட்டனர் நபியவர்களும் சரியாகச் சொன்னார்கள், சில வினாடிகளில் இவர் இவ்வளவு தூரத்தை கடந்திருப்பாரானால் விண்ணுலகப் பயணும் சாத்தியமே என்பதை நிருபிக்க பிற்காலத்தில் ஒரு சாட்சி வேண்மென்தினால் தான் இறைவன் நபியவர்களை மஸ்ஜிதில் அக்ஸாவிலிருந்து விண்ணுலகப் பயணம் அழைத்துச் சென்றான்.
அல்லாஹ்வே மிக்க அறிந்தவனும் நுண்ணறிவாளனுமாக இருக்கிறான், மிக்க கிருபையுடையவனாகவும் இருக்கிறான்.

நீலத் திமிங்கிலம் (BLUE WHALE)

2010-09-27T14:27:00.006+04:00

நீலத் திமிங்கிலம் (BLUE WHALE)

இந்த பூமி கிரகத்தில் படைப்பினங்களிலேயே மிகப் பெரியது இந்த நீலத்திமிங்கிலம் டைனோசர்கள் என்படும் மிருகங்களைவிட இரண்டு மடங்கு பெரியது இந்த நீலத் திமிஙகிலங்கள்.

இதன் எளை 200 டன்கள், இது 25 ஆசிய யானைகளை விட கூடுதல் எடையாகும், இது 100 அடி நீளம், நீளவாக்கில் வளரக்கூடியது. இது இரண்டு பஸ்களை ஒன்றன் பின் ஒன்றாக நிற்க வைத்தால் வரும் நீளம் வரும். பாஸ்கட் பால் (BASKET BALL COURT) கோர்ட்டை விட நீளமானது.

இது ஒரு நாளைக்கு உட்கொள்ளும் உணவு 4 டன்கள் ஆகும் 64000 பர்கர்களுக்கு (BURGAR) சமம். இதன் இதயம் 450கிகி ஒரு மனிதன் அதன் இதய நரம்புகளுக்குள் ஊர்ந்து செல்ல முடியும்.

இது படைப்பினங்களிலேயே அதிக சத்தம் உண்டாக்கும் விலங்கு ஆகும், இதன் சத்தம் ஜெட் விமான இஞ்சின் சத்தத்தை விட அதிகமாக இருக்கும் (ஜெட் விமான இஞ்சின் சத்தம் 140 டெசிபல்) நீலத்திமிங்கிலம் எழுப்பும் சத்தம் 188 டெசிபல் ஆகும் இது தன் சக திமிங்கிலத்துடன் 1600 கிமீ தூரத்துடன் இருந்தாலும் தொடர்புக் கொள்ள முடியும்.
20 நிமிடங்களுக்கு ஒரு முறை தாவிக் குதிக்கிறது 100 மீட்டர் ஆழம் வரை சென்று வருகிறது, ஏறத்தாழ தன் வாழ்நாள் முழுவதும் கடலின் அடிமட்டத்திலேயே கழிக்கிறது.

கப்பல்கள் கடலில் மணிக்கு 10-15 கிமீ வேகத்தில் செல்கிறது, நீலத்திமிங்கிலங்கள் மணிக்கு 32 கிமீ வேகத்தில் செல்கிறது, ஆபத்து நேரங்களில் ஒரு நாளைக்கு 160 கிமீ துராத்திற்கு பயணம் செய்கிறது.

அது மேல் துளையின் மூலம் பிய்ச்சி அடிக்கும் தண்ணிர் இரண்டு மாடி கட்டிடம் உயரம் செல்லும்.

ஒரு வருட கர்பத்திற்கு பிறகு இது குட்டி ஈனுக்கிறது, அதன் எடை பிறந்த உடன் 2700 கிகி அது 8 மீட்டர் நீளம் இருக்கும், இது ஒரு நாளைக்கு 190 லிட்டர் பால் அருந்தும், 1 மணிக்கு 4.5 கிகி இதன் எடைக் கூடுகிறது, ஒரு நாளைக்கு கூடும் எடை 90 கிகி ஆகும்.

7 – 9 மாதங்களில் இது 15 மீட்டர் நீளத்திற்கு வளர்கிறது, சில நிபுணர்களின் கருத்து கணிப்பு 1 வருடத்தில் 50 சதவீதம் வளர்ச்சி அடைந்து விடுகிறது. இது பாலுறவுக்கு தயாராகும் வயது 5 – 10 ஆகும் இதன் கர்ப காலம் 1 வருடம் ஆகும். ஒரு ஆப்பிரிக்க யானையின் கர்ப காலம் 18 – 22 மாதங்களாகும்.
விலங்கினங்களிலேயே கர்பத்தில் அதிக வேகமாக வளரக்கூடியது இந்த நீலத்திமிங்கிலமாகும் 3 மாதங்களுக்கு பிறகு ஒரு நாளைக்கு 2.5 செ.மி நீளம் வளர்கிறது 7 மாதங்களில் தோரயமாக 3.5 மீட்டர் நீளம் வளர்ந்து விடுகிறது.

இது அட்லாண்டிக் கடலில் சுமார் 2000 மீன்கள் உண்டாகும் என்று கணக்கிடப்படுகிறது. இதை 1960 ஆண்டு Internation whaling commission இதை வேட்டையாடுவதை தடை செய்துள்ளது.

சாந்தி அளிக்கும் ஸலவாத்

2010-09-26T14:31:00.002+04:00

பிஸ்மில்லாஹ்

அகிலங்களின் அருட் கொடையான எம்பெருமான் நபிகள் கோமான் (ஸல்) அவர்கள் அகிலங்களுக்கெல்லாம் ஓர் அருட்கொடை என்று (ரஹ்மத்துல் ஆலமீன்) அகிலங்களின் இறைவன் (ரப்புல் ஆலமீன்) தன் திருமறையில் கூறுகிறான், பெருமானரை அல்லாஹ் இவ்வுலகிற்கு அனுப்பியதன் முக்கிய நோக்கம் மனிதனை மனிதனாக வாழச் செய்வதற்கே. மனிதன் மனிதனாக வாழ வேண்டும் என்றால் சாந்தி அவசியம்.

அல்லஹ் அவர்களுக்க அளித்த மார்கம் சலாம் என்ற சாந்தியை உள்ளடக்கியதான இஸ்லாம் என்ற அற்புத மார்கத்தை உலகிற்கு அளித்து மனித, ஜின் இனங்கள் சாந்தியாக வாழ வழி செய்தான். இந்த சாந்தியாகப்பட்டது அனைத்து ஜிவராசிகளாலும் தேடப்படுவது, இவ்வுலகில் மட்டும் அல்ல மறுஉலகிலும் மனிதனுக்கு சாந்தியாக வாழ வழி செய்யப்பட்ட மார்கம் தான் இஸ்லாம்.

இந்த மானிட,மற்றும் ஜின் இனங்களின் மீது அல்லாஹ் கொண்ட பெருங்கருணை காரணமாக ரஸீல் (ஸல்) அவர்களையும் அவர்கள் மூலம் சாந்தி மார்கத்தையும் நமக்கு அளித்ததன் நோக்கம் சாந்தி. எங்கும் எப்போதும் சாந்தி நிலவ வேண்டும் என்பதே அல்லாஹ் நோக்கம், மனித, ஜின் இனங்கள் இறை மார்கத்தை சரிவர கடைப் பிடித்தால் சாந்தி நிலவுவது திண்ணம்.

ஆனால் மார்கத்தை சரிவர கடைப்பிடிப்போர் நம்மில் குறைவு, என்றாலும் சாந்தி நிலவ வேண்டும் அதற்காகத்தான் மிக கிருபையாளனான அல்லாஹ் திருமறையில் நமக்கு ஒரு கட்டளையை இறக்குகிறான்; 33:56 ‘ நானும் மலக்குகளும் நபிபெருமான் மீது ஸலவாத் சொல்கிறோம் மூமின்களே நீங்களும் அவர்கள் மீது ஸலவாத் சொல்லுங்கள்’ என்று சொல்கிறான்.

ஸலவாத்தாவது ‘ஸல்லல்லாஹீ அலைகி வஸல்லம்’ இதன் அர்த்தம் நபி (ஸல்) அவர்கள் மீது சாந்தி உண்டாகட்டும் என்பதாகும் இது நம் அனைவரும் அறிந்ததே, ஆனால் இதை ஏன் அல்லாஹ்வும் மலக்குகளும் சொல்வதுடன் நம்மையும் சொல்லச் சொலகிறான் என்ற உள் அர்த்தத்தை நோக்கும் போது, ஹதிஸே குத்ஸியில் நபி (ஸல்) அவர்கள் சொல்கிறார்கள் ‘அன மின் நூரல்லாஹ் குல்லு மின்னுரி’ நான் இறையொளியிலிருந்தும் மற்றப் படைப்பினங்கள் எல்லாம் என் ஒளிpயிலிருந்து படைக்கப்பட்டன’ என்றும் ஆக ரஸீல் (ஸல்) அவர்கள் மீது கூறும் ஸலவாத் இந்த பிரபஞ்சம் முழுவதின் மீதும் சாந்தி உண்டாவதாக என்ற அர்த்தத்தை தாங்கி நிற்கிறது.

அகிலங்களின் அருட்கொடையான மானிடத்தின் மீது பேரன்பு கொண்ட ரஸீல் (ஸல்) அவர்களும் ‘என் மீது யார் ஒருவர் ஒரு ஸலவாத் சொல்கிறரோ அவர் மீது அல்லாஹ் பத்து முறை ஸலாவாத் சொல்வதாக’ சொல்கிறார்கள். நாமும், மலக்குகளும் நபி பெருமான் மீது ஸலவாத் சொல்ல சொல்ல அனைத்து ஜவராசிகளின் சாந்திக்காக துஆ செய்கிறோம். அல்லாஹ் ஸலவாத் சொல்வது இந்த பிரபஞ்சம் முழுவதும் சாந்தியுடன் இருக்க ஆசிர்வதிப்பதாகும்.

வேளிபடையாக நபிபெருமான் மீது ஸலாவாத் சொல்வது அல்லாஹ் அவர்கள் தரஜாவை மேன் மேன் உயர்த்த வேண்டி துஆ செய்வது. அந்தரங்கம்மான அர்த்தம் அனைத்து படைப்புகளுகும் சாந்தி வேண்டி துஆ செய்வது.
சாந்தி என்பது அல்லாஹின் மிகப் பெரும் அருட்கொடை அதை அல்லாஹ்வை அன்றி யாரும் கொடுக்க முடியாது. அதை நமக்கு அளிக்கவே நபி பெருமான் மீது ஸலவாத் சொல்ல சொல்கிறான்.

அல்லாஹ் நம் மீதும் இப்பிரபஞ்சத்தின் மீது பேரருள் புரிவானகவும், நபி (ஸல்) அவர்கள் மீது பாலை மணல்களின் எண்ணிக்கை அளவிலும் இறைவன் படைத்த ஜிவராசிகளின் எண்ணிக்கை அளவிலும் ஸலவாத் சொல்வோமாக ஸல்லல்லாஹீ அலா முகம்மது ஸல்லல்லாஹீ அலைகி வஸல்லம்.

நம்மைப் பற்றி நாம்

2010-09-25T12:16:00.005+04:00

நாம் இந்த உலகில் எத்தனையோ விசயங்களை அறிறோம், பல படைப்புகளை கண்டு பிரமிக்கிறோம், நாமே ஒரு மிகப் பெரிய அதிசயம் என்பதை நம்மை நாம் நோக்கினால் அறியப் பெறுவோம்.

1. மனிதனால் மட்டுமே நேரான கோடு வரைய முடியும்

2. ஒரு சராசரி மனிதன் தன் வாழ்நாளில் 450 மைல் நீளம் முடி வளர்கிறான்

3. மனிதன் சிரிக்கும் போது 17 தசைகள் இயங்குகின்றன.

4. மனித டி.என்.ஏ (D.N.A)யில் 800000 ஜீன்கள் இருக்கின்றன.

5. 4.2 அடிக்கும் குறைவாக உள்ள ஆண்களும், 3.9 அடிக்கும் குறைவாக உள்ள பெண்களும் குள்ளர்களாக கருதப்படுகிறார்கள்

6. மனித ரத்ததில் உள்ள வெள்ளை அணுக்கள் 2 முதல் 4 நாட்கள் வரை வாழ்கின்றன. சிவப்பு அணுக்கள் 3 முதல் 4 மாதம் வரை வாழ்கின்றன.

7. ஒவ்வொரு மனிதனும் 25 மில்லியன் தடைவ தன் வாழ்நாளில் விரல்களை மூடித்திறக்கிறான்.

8. maனித இதயம் அவன் கை முட்டி அளவு இருக்கும் சராசரி மனித இதயத்தின் எடை 0.5 எல்.பி.எஸ் (lbs)

9. மனிpத உடலில் நான்கு வகை மினரல்கள் உள்ளது 1. apatite, 2. oragonite, calcite and 3.chiristoba

10. மனித மூளை, உலகில் உள்ள எல்லா கைபேசிக்கும் ஆகும் மின்சாரத்தை ஒரு நாளில் உற்புத்தி செய்யும்.

11. மனித மூளையில் ஒரு நாளைக்கு ஒரு வினாடிக்கு 100000 வேதியல் மாற்றங்கள் நிகழ்கின்றன.

12. பிறக்கும் குழந்தைகள் (kneecap) எனும் கால் மூட்டு எலும்பு இல்லாமல் பிறக்சகின்றன, அது 2 முதல் 6 வயதில் வளர்ந்து விடுகிறது.

13. மனித நுரையிரல் விரிக்கப் பட்டால் ஒரு டென்னீஸ் கோர்ட் அளவு இருக்கும்.

14. பிறக்கும் குழந்தையின் மூளையில் 14 பில்லியன் செல்கள் இருக்கும், அது அந்த
மனிதன் இறக்கும் வரை கூடுவதே இல்லை, ஆனால் 25 வயதிற்கு பிறகு ஒரு நாளைக்கு 100000 செல்கள் வீதம் குறைக்கிறது, ஒரு நிமிடத்தில் ஒரு பக்கத்தை படிக்கும் போது 70 செல்கள் இறக்கின்றன. 40 வயதுக்கு பின் மூளையில் உள்ள நியுரான்கள் குறைய தொடங்குகின்றன, 50 வயதுக்கு மேல் நியுரான்கள் குறைப்பாட்டால் மூளையின் அளவு சுருங்குகிறது.

15. manitha (man) உடம்பில் உள்ள மொத்த பாக்டீரியாக்களின் எடை 4.4 lbs

16. saராசரி மனிதனுக்கு 2 மில்லியன் வியர்வை சுரப்பிகள் இருக்கின்றன.

17. 1 லிட்டர் வியர்வையில் 540 கலோரி இழப்பீடு ஏற்படுகிறது. பெண்ணை விட ஆணுக்கு 40 சதவீதம் அதிகம் வியர்வை சுரக்கிறது.

18. வலதுப்பக்க நுரையிரல் இடதுப்பக்க நுரையிரலை விட அதிக காற்று நிறைக்கிறது.

19. ஒரு மனிதன் ஒரு நாளைக்க சராசரி 23000 தடவை மூச்சு விடுகிறான்

20. நமது வாயில் 40000 பாக்டீரியாக்கள் இருக்கின்றன.

21. நாம் கண்ணை திறந்து கொண்டு ஒரு போதும் தும்ம முடியாது.

22. மனித உடலில் முதுகந்தண்டில் 33 முதல் 34 எலும்புகள் இருக்கின்றன.

23. ஆணைவிட பெண் இரு மடங்கு கண் சிமிட்டுகிறாள்.

24. மனித உடலில் மிகச்சிறிய செல் விந்துவில் உள்ளது.

25. குழந்தைகள் பிறக்கும் போது ஏறத்தாழ 300 எலும்புகளுடன் பிறக்கிறது. மனித உடலில் உள்ள சராசரி எலும்புகளின் எண்ணிக்கை 206.

26. நம் உடலில் 7 சோப்பு கட்டிகள் தயாரிக்கும் அளவு கொழுப்பு இருக்கிறது.

27. உணர்வுகளை மனித உடம்பிலில் நரம்புகள் வினடிக்கு 90 மீட்டல் வேகத்தில் மூளைக்கு கொண்டு செல்கிறது.

28. 37,843,200 தடவை இதயம் ஒரு வருடத்திற்கு துடிக்கிறது.

29. ஊதா நிறக்கண்களை உடையவர்கள் துல்லியமாக வலியை உணர்கிறார்கள்

30. கை நகம் கால் நகத்தைவிட 4 மடங்கு வேகமாக வளர்கிறது.

31. மனித உடலில் வாழ்நாளில் 1000 தடவை தோல் மாறி விடுகிறது.

32. மனித உடலில் உள்ள நரம்புகளின் நீளம் 46 மைல்கள்.

வாழ்க்கை எனும் பெருங்கனவு

2010-09-22T09:39:00.005+04:00

வாழ்க்கை எனும் பெருங்கனவு

உலகில் உயிரினங்கள அனைத்திலும் தனி சிறப்பு பெற்றது மனித இனம், இந்த பூமி உருண்டையை உல்லாசபுரி ஆக்கியதும் இந்த மனித இனம் தான், இரத்த வெள்ளமாக்குவதும் இந்த மனித இனம் தான், இந்த பூமி உல்லாசபுரி ஆவதற்கும், இரத்த வெள்ளம் பாய்வதற்கும் காரணம் ‘நான்’ என்ற அகங்காரம் தான்.

பூமியில் மனிதனைத் தவிர வேறு எந்த ஜீவராசியும் ‘தான்’ என்ற அகங்காரத்துடன் வாழ்வதில்லை, இது உண்மை. மயில் மற்றப் பறவைகளைப் பார்த்து எனக்கு தோகை இருக்கிறது உனக்கிருக்கிறதா என்பது போல் நடந்துக் கொள்வதில்லை, இதே போல் எந்த மிருகமும் நான் வெள்ளை, நீ கருப்பு, நான் உயரம், நீ குள்ளம், நான் அழகு, நீ அவலட்சணம் என்று மமதையுடன் நடந்துக் கொள்வதில்லை. இதற்கு இந்த மிருகங்கள் காரணம் அல்ல, அவை படைக்கப் பட்ட விதமே அப்படித்தான். மிருகங்கள் உணவுக்காக ஒன்று மற்றொன்றைக் கொள்ளும் அல்லது தான் தாக்கப் பட்டால் தற்காப்புக்கு மற்றதைக் கொள்ளும், இது மட்டுமே அதன் டி.என்.ஏ (D.N.A) யில் பதியப்பட்டிருக்கும்.

மனிதனைப் பொறுத்தவரை உடல் உறுப்புகளின் இயக்கம், முடி வளர்ச்சி, உடல் இயக்கம், போன்ற தகவல்கள் செயலியாக(Programe) எழுதப்பட்டு டி.என்.ஏ (D.N.A)யில் பொதியப் பட்டுள்ளது அது தலைமுறை, தலைமுறையாக பிரதி எடுக்கபட்டு மனித இனம் சீராக செயல்பட்டுக் கொண்டுகிறது. ஆனால் பிறக்கும் போது மனித மூளை மட்டும் எந்த நிகழ்வுகளும் பதியப் படாமல் இருக்கிறது, இன்றய ‘நாம்’ நம் மூளையில் பதியப்பட்ட நிகழ்வுகளே, வெறும் நினைவுகள் தாம் ‘நாம்’.

நாம் குழந்தையாய் இருக்கும் வரை நம் டி.என்.ஏ(D.N.A) யில் பதியப்பட்டுள்ளபடி இயக்கங்கள் இயல்பாய் நடக்கும் மலம், சிறுநீர் போன்றவை இயல்பாய் எந்த முன்னேற்பாடும் இன்றி நடக்கும் இதற்கு காரணம் ‘தான்’ என்ற அகங்காரம் இன்னும் மூளையில் பதியப்படவில்லை. ஆக ‘நான்’ என்பதே வளர வளர நாம் பாhக்கும் கேட்கும் விசயங்களின் தொகுப்புதான், மூளை என்ற வன் தகட்டில் (Hard Disk) உள்ள எல்லா நிகழ்வு பதிவுகளையும் பார்மேட்(formate) செய்து அழித்து விட்டோமானால் நாமும் பிரபஞ்சத்தில் தோன்றியுள்ள அனைத்துப் படைப்புகளும் இயங்குவது போல் இயங்குவோம் பசி வரும்போது உண்போம், உறக்கம் வரும்போது உறங்குவோம். நான் செய்தேன், என் வீடு, என் நாடு, என் படை, என் இனம் போன்ற உணர்வுகளே தோன்றாது, பெரியவன், சின்னவன், ஜாதி, மதம் எதுவும் இருக்காது.

இதில் ஒரு ரகசியம் என்னவென்றால் இந்த அகங்காரம் நமக்கு படைக்கப் படவில்லை என்றால் உலகம் இத்தனை நாகரிக வளர்ச்சியும் விஞ்ஞான வளர்ச்சியும் பெற்றிருக்காது, நாமும் மற்ற உயிரினங்கள் போல் உண்டு,உறங்கி,புணர்ந்து,எப்போது பிறந்தோம் எப்போது மரித்தோம் என்ற விவரங்கள்; ஏதும் அறியாமல் மரித்திருப்போம் உலகம் தோன்றியவிதமே இருந்திருக்கும்.

‘நான்’ என்பதே மூளையில் பதியப்பட்ட மாய நினவுகள் தான், எது நீ? கையா? காலா? தலையா? உடம்பா? என்னுடைய கை, என்னுடைய கால், என்னுடைய தலை என்று தானே சொல்கிறோம் இதில் ‘என்’ என்பது என்ன? நம் மூளையில் பதியப்பட்ட வெறும் நினைவு தான். நமக்கு என்று தனிபட்ட சக்தி எதுவும் இல்லை, மரங்கள் வளர எந்த சக்தி உதவுகிறதோ, மலைகள் வளர எந்த சக்தி உதவுகிறதோ, அலைகள் வீச எந்த சக்தி உதவுகிறதோ அதே சக்தி தான் இந்த உடல் வளரவும் உதவுகிறது. நமக்கு சுய சக்தி எதுவும் இருந்தால் நாம் அசைவற்ற நிலைக்கு (மரணம்) போகவே மாட்டோமே நம் சுய சக்தியை பயன் படுத்தி இயங்கிக் கொண்டே அல்லவா இருப்போம்.

இந்த ‘தான்’ என்ற எண்ணம் மனிதனுக்கு மட்டுமே வைக்கப்பட்டு மற்ற ஜீவராசிகளுக்கு மட்டுமல்ல மலை, கடல், கிரகம் எதற்குமே வைக்கப்படவில்லை அதனால் தான் மற்ற எல்லாவற்றையும் மனிதன் தன் கட்டுக்குள் கொண்டுவர முடிகிறது. ஒரு மலைக்கு அந்த உணர்வு இருக்குமானால் மனிதன் அதன் மீது ஏறும்போது உதறிவிடும் யார் நீ என் அனுமதி இல்லாமல் என் மேல் ஏறுகிறாய் என்று கேட்கும். இதைத் தான் குர்ஆன் கூறுகிறது ‘அனைத்தையும் மனிதனுக்கு வசப்படுத்திக் கொடுத்திருக்கிறோம்’ என்று.

மனம் என்ற மாய உறுப்பில் தோன்றும் எண்ணங்கள், மூளை என்ற உறுப்பில் பதியும் மாய எண்ணங்கள், இவை இரண்டிற்கும் ஆன்மாவே காரணம் ஆக இவை ஆன்மவிலிருந்தே தோன்றுகின்றன, ஆன்மாவிலேயே பதியப் படுகின்றன. இதில் தோன்றும் எண்ணங்கள் உடலால் நிறைவேற்றப் படுகின்றன. உதராணத்திற்கு சாப்பிடவேண்டும் என்ற எண்ணம் தோன்றுகிறது, அந்த தேவையை உடல் நிறைவேற்றுகிறது, சாப்பிட்ட நிறைவு ஆன்மாவில் பதிகிறது. இதுபோன்று எல்லா நினைவுகளும் ஆன்மாவில் பதியப்படுகிறது. மரணம் என்ற நிலை மாற்றம் நிகழும் போது உடல் வேறு நிலைக்கு மாறிவிடுகிறது, பதியப் பட்ட நினைவுகளுடன் ஆன்மா தன்னில் உள்ள நினைவுகள் முற்றும் நீங்கும் வரை அவதியுருகிறது இதையே நரகம் எனலாம். தன்னில் பதிந்த நினைவுகள் முற்றிலும் நீங்கிய ஆத்மா சாந்தி அடைகிறது இதை சொர்கம் எனலாம்.

இதை சிறிய உதாரணம் மூலம் அறியலாம் நம் வாழ்வில் நமக்கு(மனதுக்கு) மிகவும் வேதனை அளிக்கும் சம்பவம் ஒன்று நடந்து விட்டால் நடந்த மூன்று நாளைக்கு மிகவும் வேதனையாய் இருக்கும் மனம் ரணமாய் இருக்கும், ஏழு நாள் கழித்து அதைவிட கொஞ்சம் குறைவாய் இருக்கும், நாற்பது நாள் கழித்து அதைவிட கொஞ்சம் குறைவாய் இருக்கும் ஒரு வருடம் கழித்து மனம் கொஞ்சம் மறந்திருக்கும். அது வரை ஆன்மா படும் வேதனை இருக்கிறதே அது தான் நரக வேதனையாய் இருக்கும், இதே போல் தான் இறந்த பிறகும் எல்லா ஆன்மாக்களும் இதை அனுபவித்தே தீரவேண்டும், இதைத் திருக் குர்ஆன் 19:17 ல் ‘நரகை கடக்காமல் யாரும் (போக) முடியாது’ என்று கூறுகிறது. உடலை பிரிந்த எல்லா ஆன்மாக்களும் அந்த நினைகளுடன் பிரிகிறது அது முற்றிலும்மாக அதிலிருந்து விடுதலைப் பெறும் வரை அந்த வேதனையை அனுபவித்து தான் ஆக வேண்டும், இதற்காகத்தான் முன்னோர்கள் உடலைப் பிரிந்த ஆன்மாவுக்கு அதன் நினைவுகளிலிருந்து விடுதலை வேண்டி மூன்றாம் நாள், ஏழாம், நாற்பதாம் நாள் எல்லாம் அன்ன தானம் கொடுத்து எல்லோரையும் பிரார்த்திக்க சொல்லி அந்த பிரார்த்தனையை செய்வார்கள்.

ஆக உடலை பரிந்த ஆன்மா தன் வாழ்நாளில் பதிந்த அத்தனை நினைவுகளையும் உடனடியாக துறக்க முடியாது அதனதன் அறிவு தன்மைக்கு ஏற்ப வலிமைக்கு ஏற்ப அது தன் நினைவை துறக்கும். இதைத் தான் சிலர் மின்னல் வேகத்தில் நரகை கடப்பர், சிலர் குதிரை வேகத்தில் நரகை கடப்பர், சிலர் ஓட்ட வேகத்தில் நரகை கடப்பர் சிலர் அதில் வழுக்கி விழுந்துவிடுவர் என்று ஒரு நபி மொழியில் சொல்லப் படும். இந்த வாழ்வே ஒரு பெருங்கனவு தான் இதிலிருந்து எப்போது வேண்டுமானலும் நாம் விழித்துக் கொள்ளலாம் என்ற விழிப்புணர்வுடன் வாழ்பவன் ஞானி, இதுவே உண்மை என்று இந்த மாய வாழ்கையில் உலல்பவன் அஞ்ஞானி, ஆகவே தான் வாழ்வை தாமரையிலை தண்ணீர் போல வாழ வேண்டும் என்று சொல்வதன் அர்த்தம் இது தான் இலையை கவிழ்த்தால் இலையில் தண்ணீர் இருந்ததற்கான அடையாளம் கூட இருக்காது. அது போல் இந்த ஆன்மா உடலை விட்டால் எந்த நினைவும் அதில் பதியாமல் பார்த்துக் கொள்பவனே ஞானி.

ஆகவே தான் ஒரு நபி மொழியில் ‘மரணத்திற்கு முன் மரணம் அடைந்துவிடுங்கள்’ என்று சொல்லப் பட்டிருக்கிறது இதன் அர்த்தம் உடலை விட்டு ஆன்மா பிரிந்த பின் துறக்க வேண்டிய நினைவுகளை உடலுடன் இருக்கும் போதே துறந்து விடுங்கள் என்பதாகும். இதை அறிந்து எதிலும் பற்றில்லாமல் வாழ்பவன் இல்லறத் துறவி. எண்ணங்கள் ஆன்மாவில் பதிவதை துறப்பவன் தான் உண்மை துறவி.

கனவு காண்பவர்கள் யாரும் கனவு காண்பதாக காணும் நேரத்தில் உணரமாட்டார்கள், அதே போலத்தான் இந்த உலகில் வாழ்பவர்கள் வாழ்கையில் மூழ்கி இதை கனவு என்று ஏற்க மறுப்பார்கள் திடிரென்று ஒரு நாள் விழிப்பு வரும் உண்மை நிலைமை புரியும் ‘நான்’ என்ற நினைவு வெறும் குறுகிய கால நினைவு என்று அந்த ஆன்மா உணரும், வாழ்கையில் உருவாக்கி வைத்த ‘தான்’ என்ற நினைவுகள் நீங்காமல் அந்த ஆத்மா கஷ்டபடும்.

அல்லாஹ் நம் அனைவருக்கும் நம் பிற்கால வாழ்வை சுகமானதாக்கி வைப்பானாக ஆமின்.

ஏகத்துவம்

2010-09-09T09:32:00.001+04:00

தவ்ஹித்

தவ்ஹித் என்ற வார்தைக்கு அர்த்தம் தெரியாமலே தவ்ஹித் வாதிகள் என்று கூட்டம் புலம்பிக் கொண்டிருக்கிறது தவ்ஹித் என்றால் ஏகத்துவம். ஒன்றை தவிர ஒன்றும் இல்லை என்பது தான் இதன் உண்மையான அர்த்தம் தூய தமிழில் அத்வைதம் என்பார்கள்.
அவனே அனைத்துமாய் இருக்கிறான், சூரா ஹதிதில் இறைவன் சொல்கிறான், ‘அவனே ஆரம்பம் அவனே முடிவு, அவனே அந்தரங்கம் அவனே வெளிரங்கம்” 57:2 ஓன்று ஆரம்பமாகவும் முடிவாகவும் இருக்கும் போது இடையில் வேறு எது இருக்க முடியும், ஆக அதுவே அனைத்தும், இறைவன் தூணிலிமிருக்கிறான் துரும்பிழுமிருக்கிறான் என்ற வார்த்தை இந்த வசனத்தை அடிபடையாகக் கொண்டது.

இறைவனுக்கு நாற்காலி போட்டு வானத்தில் உட்கார வைத்திருப்பவர்கள் எப்படி ஏகத்துவ வாதிகளாக முடியும் இப்போது அதையும் தாண்டி இறைவனுக்கு உருவம் இருக்கிறது என்று மேடைப் போட்டு வாதம் செய்யக் கூடியவர்கள், அந்தரங்கத்திலும் பகிரங்கத்திலும் விக்ரக நிக்ரகம் செய்துவிட்ட இறைநேசர்களை தூசணம் செய்வது மிகவும் சிறுபிள்ளை தனமானது.

மற்றவர்களைப் பார்த்து இவர்கள் ஷிர்க் செய்கிறார்கள் என்று கூறும் பீஜை வாதிகள் இறைவனுக்கு உருவம் கொடுத்து மிகப் பெரிய ஷிர்க் செய்கிறார்கள் எந்த இறைநேசரும் இறைவனுக்கு உருவம் உண்டு என்று சொல்லவில்லை. இவர்கள் எப்படியாவது உருவ வழிபாட்டை கொண்டுவந்து விடலாம் ஒரு இந்து மதத்தைப் போல ஒரு கிறிஸ்த்துவ மதத்தைப் போல இஸ்லாத்தையும் ஆக்கி விடலாம் என்று கனா காணுகிறார்கள் என்றே தோன்றுகிறது.

அல்லாஹ் நம் அனைவரையும் பாதுகாக்க போதுமானவன்.

நபி மொழி

2010-06-30T11:53:00.000+04:00

1.உங்களின் உணவு விஸ்தீரணப்படுத்தப்பட வேண்டுமா?

உங்களின் வாழ்நாள் நீள வேண்டுமா?: தனது உணவு விஸ்தீரணப்படுத்தப்பட வேண்டுமென்று யார் ஆசைப்படுகின்றாரோ இன்னும் தன் வாழ் நாள் நீள வேண்டுமென்று ஆசைப்படுகின்றாரோ அவர் தன் இரத்த பந்தத்தை சேர்த்து நடக்கட்டும் என நபி(ஸல்) அவர்கள் கூறினார்கள். (புகாரி)

2.அல்லாஹ் உங்களை பாதுகாக்க வேண்டுமென்று விரும்புகின்றீர்களா?
:
யார் ஸுப்ஹுத் தொழுகையை தொழுகின்றாரோ அவர் (அன்றைய தினம்) அல்லாஹ்வின் பொறுப்பிலிருக்கின்றார் என நபி(ஸல்) அவர்கள் கூறினார்கள். (முஸ்லிம்)

3.உங்களின் பாவங்கள் அதிகமாக இருந்தாலும், அது மன்னிக்கப்பட வேண்டுமென்று விரும்புகின்றீர்களா? :

யார் ஒரு நாளில் நூறு தடவை سُبْحَانَ اللهِ وَبِحَمْدِهِ சுப்ஹானல்லாஹி வபிஹம்திஹி’ என ஓதுகின்றாரோ, அவரின் பாவங்கள் கடல் நுரையளவு இருந்தாலும், அது மன்னிக்கப்படும் என நபி(ஸல்) அவர்கள் கூறினார்கள். (புகாரி, முஸ்லிம்)

4.உங்களுக்கும் நரகத்துக்கும் மத்தியில் நாற்பது ஆண்டுகள் துலை தூரம் இருக்க வேண்டுமென்று விரும்புகின்றீர்களா?

யார் அல்லாஹ்வின் பாதையில் ஒரு நோன்பு நோற்கின்றாரோ, அல்லாஹ் அவரை நாற்பது ஆண்டுகள் தொலை தூரம் நரகத்திலிருந்து தூரமாக்கின்றான் என நபி(ஸல்) அவர்கள் கூறினார்கள். (புகாரி)

5.அல்லாஹ் உங்கள் மீது, அருள்புரிய வேண்டுமென நீங்கள் விரும்புகின்றீர்களா?

யார் என்மீது ஒரு தடவை ஸலவாத்து கூறுகின்றாரோ, அவருக்கு அல்லாஹ் பத்து தடவை ஸலவாத்து கூறுகின்றான் (அருள் புரிகின்றான்); என நபி(ஸல்) அவர்கள் கூறினார்கள். (புகாரி)

6.அல்லாஹ் உங்களின் அந்தஸ்தை உயர்த்த வேண்டுமென்று விரும்புகின்றீர்களா?

யார் அல்லாஹ்வுக்காக பணிந்து நடக்கின்றாரோ, நிச்சயமாக அல்லாஹ் அவரின் அந்தஸ்தை உயர்த்துகின்றான் என நபி(ஸல்) அவர்கள் கூறினார்கள். (முஸ்லிம்)

7.அல்லாஹ்விற்கு சமீபத்தில் இருக்க விரும்புகின்றீர்களா?

ஒரு அடியான் தன் இரட்சகனிடம் மிக சமீபமாக உள்ள நேரம், அவன் சுஜுது செய்யும் நேரமாகும். ஆகவே (அந்த நேரத்தில்) அதிகம் பிரார்த்தியுங்கள் என நபி(ஸல்) அவர்கள் கூறினார்கள். (முஸ்லிம்)

8.ஹஜ் செய்த நன்மையைபெற விரும்புகின்றீர்களா?

ரமளான் மாத்தில் உம்ரா செய்வது ஹஜ்ஜுக்கு சமமாகும் அல்லது என்னுடன் ஹஜ் செய்ததற்கு சமமாகும் என நபி(ஸல்) அவர்கள் கூறினார்கள். (புகாரி, முஸ்லிம்)

9.சுவர்க்கத்தில் வீடு கிடைக்க வேண்டும் என விரும்புகின்றீர்களா?

அல்லாஹ்விற்காக யார் ஒரு பள்ளியை கட்டுகின்றாரோ, அல்லாஹ் அவருக்காக அதுபோன்ற (வீட்டை) சுவர்க்கத்தில் கட்டுகின்றான் என நபி(ஸல்) அவர்கள் கூறினார்கள். (முஸ்லிம்)

10.அல்லாஹ்வின் திருப்தியை அடைய விரும்புகின்றீர்களா?

ஒரு கவள உணவை உண்டுவிட்டு அல்லாஹ்வை புகழும் அடியானையும், ஒரு வாய் தண்ணீர் அருந்திவிட்டு அல்லாஹ்வை புகழும் அடியானையும் நிச்சயமாக அல்லஹ் பொருந்திக் கொள்கின்றான் என நபி(ஸல்) அவர்கள் கூறினார்கள். (முஸ்லிம்)

11.உங்களின் பிரார்த்தனை ஏற்றுக் கொள்ளப்பட வேண்டுமென்று விரும்புகின்றீர்களா?

பாங்குக்கும் இகாமத்துக்குமிடையில் பிரார்த்தனை தட்டப்படுவதில்லை என நபி(ஸல்) அவர்கள் கூறினார்கள். (அபூதாவூத்)

12.ஒரு வருடம் முழுமையாக நோன்பு நோற்ற நன்மை கிடைக்க வேன்டுமென விரும்புகின்றீர்களா? :

ஓவ்வொரு மாதமும் மூன்று நோன்பு நோற்பது, வருடமெல்லாம் நோன்பு நோற்பதற்கு சமமாகும் என நபி(ஸல்) அவர்கள் கூறினார்கள். (புகாரி, முஸ்லிம்)

13.மலையளவு நன்மை கிடைக்க வேண்டுமென்று விரும்புகின்றீர்களா?

ஒரு ஜனாஸாவிற்கு தொழுகை நடத்தப்படும் வரை அந்த ஜனாஸாவில் யார் கலந்து கொள்கின்றாரோ அவருக்கு ஒரு கிராத்து நன்மையும், அந்த ஜனாஸா அடக்கம் செய்யப்படும் வரை யார் கலந்து கொள்கின்றாரோ அவருக்கு இரு கிராத்து நன்மையும் கிடைக்கும் என நபி(ஸல்) அவர்கள் கூறினார்கள். இரு கிராத்து என்றால் என்ன? என்று கேட்கப்பட்டது. இரு பெரும் மலை அளவு என நபி(ஸல்) அவர்கள் கூறினார்கள். (புகாரி, முஸ்லிம்)

14.சுவர்க்கத்தில் நபி(ஸல்) அவர்களுடன் இருக்க விரும்புகின்றீர்களா?

: நானும் அனாதையை பொறுப்பெடுப்பவரும் இவ்வாறு சுவர்க்கத்தில் இருப்போம் என, நபி(ஸல்) அவர்கள் தனது நடு விரலையும் ஆள்க்காட்டி விரலையும் சுட்டிக்காட்டினார்கள். (புகாரி)

15.அல்லாஹ்வின் பாதையில் போர் செய்யும் போராளியின் நன்மை போன்று பெற விரும்புகின்றீர்களா?

அல்லது விடாமல் தொடர்ந்து நோன்பு நோற்கும் நோன்பாளியின் நன்மை போன்று பெற விரும்புகின்றீர்களா? அல்லது இரவெல்லாம் நின்று வணங்கும் வணக்கதாரியின் நன்மை போன்று பெற விரும்புகின்றீர்களா? : விதவைக்கும் மிஸ்கீனுக்கும் உதவி செய்பவர் அல்லாஹ்வின் பாதையில் போர் செய்பவரைப் போன்றவராவார், இப்படியும் நபி(ஸல்) அவர்கள் கூறியதாக எண்ணுகின்றேன், அதாவது இரவெல்லாம் நின்று வணங்குபவரைப் போன்றும் விடாமல் நோன்பு நோற்பவரைப் போன்றும் என்று.(அறிவிப்பாளருக்கு ஏற்பட்ட சந்தேகம்) (புகாரி, முஸ்லிம்)

16.நபி(ஸல்) அவர்களே உங்களுக்கு சுவர்க்கத்தை பெற்றுத்தர விரும்புகின்றீர்களா?

யார் தன்னுடைய இரு தாடைகளுக்கு மத்தியிலுள்ளதையும், இரு கால்களுக்கு மத்தியிலுள்ளதையும் (ஹராத்திலிருந்து பாதுகாத்துக் கொள்வதாக) எனக்கு உத்தரவாதம் அளிக்கின்றாரோ, அவருக்கு சுவர்க்கத்தை வாங்கிக் கொடுப்பதற்கு நான் உத்தரவாதம் அளிப்பேன் என நபி(ஸல்) அவர்கள் கூறினார்கள். (புகாரி, முஸ்லிம்)

17.மரணத்துக்குப் பின்னும், உங்களின் நன்மைத்தட்டில், நன்மை எழுதப்பட வேண்டுமா?

ஒரு மனிதன் மரணித்தால் மூன்றைத்தவிர மற்ற எல்லா அமல்களும் துண்டித்து விடும், நிரந்தர தர்மம், பிரயோஜனம் உள்ள அறிவு, தனக்காக பிரார்த்தனை செய்யும் ஸாலிஹான பிள்ளை என நபி(ஸல்) அவர்கள் கூறினார்கள். (முஸ்லிம்)

18.சுவர்க்க பொக்கிஷங்களில் ஒரு பொக்கிஷம் உங்களுக்கு கிடைக்கவேண்டும் என விரும்புகின்றீர்களா?

: لاَ حَوْلَ وَلاَ قُوَّةَ إِلاَّ بِالله லா ஹவ்ல வலா குவ்வத இல்லா பில்லாஹ் என்று கூறுவது சுவர்க்க பொக்கிஷங்களில் ஒரு பொக்கிஷமாகும் என நபி(ஸல்) அவர்கள் கூறினார்கள். (புகாரி, முஸ்லிம்)

19.முழு இரவு நின்று வணங்கிய நன்மை கிடைக்க வேண்டும் என்று விரும்புகின்றீர்களா?

: யார் இஷாத் தொழுகையை ஜமாஅத்துடன் தொழுகின்றாரோ அவருக்கு பாதி இரவு நின்று வணங்கிய நன்மை கிடைக்கும், யார் சுப்ஹுத் தொழுகையையும் ஜமாஅத்துடன் தொழுகின்றாரோ அவருக்கு முழு இரவும் நின்று வணங்கிய நன்மை கிடைக்கும் என நபி(ஸல்) அவர்கள் கூறினார்கள். (முஸ்லிம்)

20.ஒரு நிமிடத்தில் குர்ஆனின் மூன்றில் ஒரு பகுதியை ஓதிய நன்மை கிடைக்க வேண்டும் என்று விரும்புகின்றீகளா?

: சூரத்துல் இக்லாஸை ஒரு தடவை ஓதுவது குர்ஆனின் மூன்றில் ஒரு பகுதிக்கு சமமாகும் என நபி(ஸல்) அவர்கள் கூறினார்கள். (முஸ்லிம்)

21.உங்களின் நன்மைத் தராசு, அதிகம் இடையுள்ளதாக ஆக வேண்டும் என விரும்புகின்றிர்களா?

: இரு வார்த்தைகள் ரஹ்மானுக்கு விருப்பமானது, நாவுக்கு இலகுவானது, தராசில் கனமானது (அவ்விரு வார்த்தை) سُبْحَانَ اللهِ وَبِحَمْدِهِ سُبْحَانَ اللهِ الْعَظِيْم சுப்ஹானல்லாஹி வபிஹம்திஹி, சுப்ஹானல்லாஹில் அளீம்’ என நபி(ஸல்) அவர்கள் கூறினார்கள். (புகாரி)

தந்தை சொல்மிக்க மந்திரமில்லை

2010-06-21T15:33:00.001+04:00

தந்தை சொல்மிக்க மந்திரமில்லை

நம் அனைவருக்கும் தாயின் பாசம் தான் தெரியும், நாம் வளர்ந்து நம் வேலைகளை நாமே செய்துக் கொள்கிற வரை நம்மை தாங்கி நிற்பவள் தாய். இந்த காலகட்டங்களில் நமக்கு, பொதுவாக எல்லோருக்குமே தந்தையிடம் பெரிதாக ஈடுபாடு இருக்காது, அம்மா சாப்பாடு ரெடியா? அம்மா என் டிரஸ் ரெடியா? அம்மா ஸ்கூலுக்கு போயிட்டு வரேன் அம்மா எனக்கு பாக்கெட் மணி கொடு, அம்மா அப்பாகிட்டே சொல்லு எனக்கு அது வேணும், இது வேணும் என்று அம்மாவே உலகமாக இருப்போம், அப்பாவிடம் பாசம் இருந்தாலும் ஒரு சிறிய இடைவெளியிருக்கும் அது வயதாக வயதாக பெரிதாகிக் கொண்டே போகும் ஒரு கட்டத்தில் தந்தையும் மகனும் பேசிக் கொள்வதே குறைந்து விடும். நம் தந்தையை நாம் புரிந்து கொள்வது எப்போது என்றால் நாம் தந்தையாகும் போது தான், இந்த சூழ்நிலையில் அப்பா எப்படி கஷ்டப் பட்டிருப்பார் என்பதை நாம் நம் வாழ்கையில் அனுபவிக்கும் போது தான் உணர்வோம்.

தந்தையின் தியாகமும் தாய் செய்யும் தியாகத்திற்கு குறைந்ததல்ல, குடும்பத்தில் அமைதியான, அழகான சுமுக நிலை நிலவ வேண்டுமானால் அதற்கு தந்தையின் பங்கு மிக முக்கியமானது. தந்தை ஒரு குடிகாரராகவோ, மற்ற ஏதும் கெட்டப் பழக்கம் உள்ளவராகவோ இருந்தால் பொருளாதார ரீதியாகவும் மன ரீதியாகவும் மனைவி மக்கள் எல்லாரும் பாதிக்கப்படுவர். வாழ்கைக்கு பொருளாதாரம் மிகவும் முக்கியமானது அது இருந்தால் தான் வாழ்வின் எல்லா நிகழ்வுகளையும் சுவைக்க முடியும். தந்தை சீரான பொருளாதார வசதி அளித்தால் தான் தாயால் அவள் கடமைகளை சரிவர செய்ய முடியும், குழந்தைக்கு பாலுட்டுவதிலிருந்து பள்ளி கல்லூரிக்கு பணம் கட்டுவது வரை. தந்தையின் பங்கு கட்டிடத்தின் அடியில் இருக்கும் அஸ்திவாரம் போல் வெளியே தெரிவதில்லை.

தாயின் பங்கு வெளிப்படையானது எந்த குழந்தையும் புரிந்து கொள்ளும் தாய் நமக்காக பாடுபடுகிறாள் என்று, ஆனால் தந்தையின் பங்கை புரிந்து கொள்ள நமக்கு வயதும் முதிர்ச்சியும் தேவைப்படுகிறது.

ஒரு தாய் தன் பிள்ளைகளை 10 மாதந்தான் சுமக்கிறாள் ஆனால் தந்தை தன் மனைவி மக்களை இறக்கும் வரை நெஞ்சில் சுமக்கிறான். தன் பிள்ளைகள் செய்யும் தவறுகளை தன்னை கடினமாக்கிக் கொண்டு கண்டிக்கும் போதே தந்தையின் தியாகம் தொடங்கி விடுகிறது. தன் பிள்ளைக்கு தன் மேல் வெறுப்பு வரும் என்று தெரிந்தும் தன் பிள்ளை வழி தவறி விடக்கூடாது என்பதற்காக அவ்வாறு நடந்துக் கொள்கிறார்.

ஒருவன் தந்தையாகிவிட்டப் பிறகு தனக்கென்று எதையும் சிந்திப்பதில்லை, இதை பிள்ளைக்கு வாங்கலாம் இதை மனைவிக்கு வாங்கலாம் என்று தனக்கான தேவைகளை முற்றும் குறைத்துக் கொள்கிறான், பொருளாதர வகையில் பாhத்தால் கூலித் தொழிளாலி தந்தை முதல் கோடீஸ்வரத் தந்தை வரை பல விதமான அழுத்தங்களை கஷ்டங்களை பொருளீட்டும் போது சந்திக்க வேண்டி வருகிறது, அனைத்தும் யாருக்கு மனைவி மக்கள் சந்தோசமாக இருக்க வேண்டும் என்பதே பெரும்பான்மையான தந்தையர்களின் பிரதான நோக்கமாய் இருக்கும்.

தந்தையைப் பற்றி நாம் உணரும் போது தந்தை நம்முடன் இருக்க மாட்டார், நாம் தந்தையாகும் போது தான் நம் தந்தையைப் பற்றி முழுமையாக உணர்வோம். எங்கோ படித்த ஒரு விசயத்தை உங்களோடு பகிர்ந்துக் கொள்கிறேன், 10 வயது வரை என் தந்தையை விட பலசாலி யாரும் இல்லை, என் தந்தைக்கு எல்லாம் தெரியும் என்று நினைக்கிறோம் (அதனால் தான் ரயில் எப்படி ஓடுகிறது, விமானம் எப்படி பறக்கிறது என்பது போன்ற கேள்விகள் கேட்கிறோம்) 15 வயசுக்கு பிறகு தந்தை இந்த காலத்துக்கு பொறுந்தாத ஆள் என்று நினைக்கிறோம், 20 வயதுக்கு மேல் என் தந்தைக்கு ஒன்றும் தெரியாது என்று நினைக்கிறோம், 30 வயதுக்கு மேல் தந்தையிடம் ஆலோசனைக் கேட்டால் நல்லது என்று நினைக்கிறோம், 40 வயதுக்கு மேல் இந்த பிரச்கனைக்கு தந்தை இருந்திருந்தால் நல்ல தீர்வு சொல்லியிருப்பார் என்று நினைக்கிறோம் இது ஒவ்வொருவர் வாழ்விலும் நடக்கும் விசயம்.

ஆக தந்தையை நாம் புரிந்துக் கொள்ள வயதும் அனுபவமும் தேவைப் படுகிறது. இன்று நாம் படித்து நல்ல வேவையிலோ, நல்ல தொழிலோ இருப்பதற்கு தந்தை என்ற அந்த ஏணியை பயன் படுத்தித் தான் வந்திருப்போம் (ஏணியை உதைப்பவர் எத்தனையோ பேர்) அதற்கு தான் முன்னோர்கள் சொன்னார்கள் ‘தந்தை சொல்மிக்க மந்திரமில்லை’ என்று. தந்தைக்கு நிகர் தந்தையே.

நிலா

2010-06-15T18:10:00.004+04:00

நிலா

அடி கள்ளி நிலவே
உன் திரு உருவை
திரைக்குள் மறைத்து
திரு முகம் மட்டும்
வெளிக்காட்டி
கையில் பூக் கணைகளுடன்
பூ உலகில்
பூ எறிய நீ
யாரைத் தேடுகிறாய்

உன் ஒளி முகத்தில்
விழிகளைத் தேடுகிறேன்;
உன் பால் முகத்தில்
பளிங்கு பற்களைத் தேடுகிறேன்
வேண்டாம்!
அதை மறைத்தே வைத்திரு

உன் முகம் பார்த்தே
முகவரி இழந்த நான்
உன் ஒளி விழியால்
மூர்ச்சையாகி விடுவேன்
உன் முகத்திற்கும்
முக்காடுட்டே வைத்திரு
அது தான் பாதுகாப்பு
உனக்கல்ல எனக்கு.

ராஜா கமால்

இழப்பதற்கு முன்

2010-04-21T12:00:00.002+04:00

இன்று நாம் சகல உறுப்புகளின் முழு வளர்சியுடனும் அதன் சிறப்பான உழைப்புத் திறனுடமும் ஆரோக்கியத்துடன் உலா வருகிறோம். ஓவ்வொரு மனிதனுக்கும் சிறந்த ஆரோக்கியம் இருக்கும் போது தான் அவனால் மற்ற விசயங்களில் கவனம் செலுத்த முடியும். ஆனால் மனிதனோ தான் ஆரோக்கியத்தில் கவனம் செழுத்துவதே இல்லை.

மனிதனிடம் விலை மதிக்க முடியாத வைரமே கையில் இருந்தாலும் அது தன்னிடம் இருக்கும் வரை அதன் மதிப்பு அவனால் கவனத்தில் கொள்ளப் படுவதில்லை. வைரத்தினும் பல கோடி மடங்கு மதிப்பு உள்ள வாழ்கை, ஆரோக்கியம் போன்றவை நம்மால் அலட்சியப் படுத்தப் படுகிறது. வாழ்கையின் இறுதியில் வீணடித்து விட்டோமே என்ற உணர்வு வருகிறது. நம்மால் எந்த பயனும் யாருக்கும் விளையவில்லையே என்று வருந்துவோரே மிக குறைவு.

ஆரோக்கியமும் அப்படித்தான் உடல் நலக்கேடு வந்த பின் தான் ஆரோக்கியத்தின் அருமை புரியும். நிழலின் அருமை வெயிலில் தெரியும், தண்ணீரின் அருமை தாகத்தில் தெரியும், இந்த உடல் இறைவனால் நமக்கு அளிக்கப் பட்ட அற்புதமான அருட்கொடை, இந்த உடலை உருவாக்குவதில் நமக்கு எந்த விதமான பங்கும் இல்லை, இந்த உடல் நம்மிடம் ஓப்படைக்கப் பட்ட ஒரு அனாமத்து பொருள் அதைப் போற்றி பாதுகாக்க வேண்டியது நம் தலையாய கடமை.

இந்த உடலை சேதப் படுத்தவோ அதன் உறுப்புகளை குழைப்பதற்கோ நமக்கு எந்தவித உரிமையும் இல்லை. இந்த உடல் உங்கள் ஆன்மா இந்த உலகத்தில் வாழ இறைவனால் அளிக்கப் பட்ட வீடு, இது முழுக்க முழுக்க இறைவனால் அளிக்கப்பட்ட நன்கொடை, இந்த வீட்டை சேதப் படுத்த நமக்கு அணுவளவும் உரிமையில்லை, இதை நாம் உணர்கிறோம் இல்லை நாம் குடியிருக்கும் வீட்டை நாம் அறிந்தோ அறியாமலோ சேதப் படுத்திக் கொண்டிருக்கிறோம்.

புகை பிடிக்கும் பழக்கம் இன்று நம்மில் பெரும்பாலோருக்கு இருக்கிறது, புகையிலையை பற்ற வைத்து அதன் கடுமையான புகையை உள்ளிழுத்து விடுகிறோம் நுரையிரலில் அதன் கழிவுகள் படிகிறது இதனால் ஏற்படும் விளைவுகளை இன்று மருத்துவம் கூறிக்கொண்டிருக்கிறது. இறைவன் நம்மீது புரிந்திருக்கும் கருணையைப் பாருங்கள், புறவெளியில் காற்றில் வேறு பல வகையான வாயுகளும் அசுத்தங்களும் கலந்திருக்கின்றன் என்பதற்;;காக நமக்கு வேண்டிய ஆக்ஸிஜனை மட்டும் அவற்றிலிருந்து பிரித்தெடுத்து இரத்ததிற்கு கொடுப்பதற்காக ஆயிரக்கணக்கான நுண்ணிய அறைகள் கொண்ட நுரையிரலை இறைவன் படைத்திருக்கிறான்.

நாம் என்ன செய்கிறோம் புகையிலையின் நச்சு புகையை உள்ளே செழுத்துகிறோம், அந்த நுரையிரல் வாயிருந்தால் நம்மை சபிக்கும் பாவி மனிதனே இதற்காகவா நான் படைக்கப் பட்டேன் என்று கூறும்.

குடிப்பழக்கமும் அது போல் தான் உடலுக்கு தேவையில்லாத திரவத்தை குடலுக்குள் இறக்குகிறோம் இதனால் கல்லிரல் பெருமளவு பாதிக்கப் படுகிறது. உடலில் சர்கரையின் அளவை இரத்ததில் சரியாக வைத்துக் கொள்ளவும், இரத்ததிலிருந்து நச்சுத் தன்மையை நீக்கவும், இரத்த உற்பத்திக்கும் பயன்படும் கல்லீரல் ஒரு கடுந்திரவத்தால் பாதிக்கப் படுகிறது. இது போன்று உடல் உறுப்புகளை சேதப்படுத்த நமக்கு எந்த உரிமையும் இல்லை.

சுண்டு விரலின் நகத்தைக் கூட நம்மால் உற்பத்தி செய்ய முடியாது என்ற நிலை இருக்கயில் நாம் ஏன் அப்படி செய்கிறோம் என்பது தான் விளங்கவில்லை. இன்னும் சில விசயங்கள் ஆச்சர்யத்தையும் அதிர்ச்சியையும் தருகிறது விலங்குகள் கூட செய்யாத கடுமையான செயல் கடுமையான போதைப் பொருட்களை மனிதன் உட்கொள்கிறான் ஒரு பத்திரிகையில் படிக்க நேர்ந்த விசயம் என்னை மிகவும் அதிர்ச்சிக்குள்ளாக்கியது போதைக்காக சில குறைந்த விசமுள்ள விச ஜந்துகளை நாக்கில் கொட்ட வைக்கிறார்களாம் இந்த உடல் எக்கேடு கெட்டால் எனக்கென்ன எனக்கு வேண்டியது இந்த அற்ப சுகம் என்ற நோக்கில் தான் மனிதன் செயல் படுகிறான்.

எங்கோ படித்த கதை ஒன்று ஞாபகத்திற்கு வருகிறது, முன்பொரு காலத்தில் ஒரு வழிப் போக்கன் தன் குதிரையில் பிரயாணம் செய்துக் கொண்டிருந்தானாம் ஒரு நாள் இரவு வேளையில் கடற்கரை வழியே பயணிக்க நேர்ந்ததாம் நிலவொளியில் பளிச் பளிச் என்று கடற்கரையில் கொட்டிக் கிடந்த கற்குவியல் மின்னியதாம் அழகாய் இருக்கிறதே என்று தன் சட்டை பைகளில் நிரப்பிக் கொண்டானாம் வழி நெடுக விளையாட்டாக அந்த கற்களை வீசிக் கொண்டே வந்தானாம்.

இறுதியில் ஒரு பட்டினத்தை நெருங்கிய போது பசி வயிற்றைக் கிள்ள உணவருந்த நினைத்தானாம் தன்னிடம் காசு ஏதும் இல்லாமல் போகவே தான் கடற்கரையில் கண்டெடுத்த ஒரு கல் மட்டும் எஞ்சியிருந்ததாம் அதை அங்கிருந்த ஒரு வணிகனிடம் கொடுத்து ஏதேனும் காசு கொடுக்கும் படி கேட்டானாம்.

அந்த வணிகனோ அந்த கல்லைப் பார்த்துவிட்டு இது மிகவும் விலை மதிப்புள்ள கல் இது பல ஆயிரம் வெள்ளிக் காசுகள் பெறும் என்றும் இது போன்று வேறு கற்கள் இருந்தால் தான் எடுத்துக் கொள்வதாகவும் கூறினானாம். வழிப்போக்கன் வேகமாக தன் சட்டைப் பைகளில் தேடினானாம் ஆனால் அவன் கையிpலிருந்ததே கடைசி கல்லாக இருந்ததாம், அந்த வழிப்போக்கன் மிகவும் மனம் வருந்தினானாம் விலை மதிப்புள்ள கற்களை இப்படி வீணடித்து விட்டோமே என்று.

நம் வாழ்நாளும் ஆரோக்கியமும் இப்படித்தான் அந்த விலைமதிப்புள்ள கற்கள் அதன் மதிப்பு கடைசி நாளின் போது தான் தெரியும்.

செய்ய மறந்தது மறப்பது

2010-04-19T13:23:00.002+04:00

செய்ய மறந்தது மறப்பது

நமக்கு வாழ்வில் எது முக்கியம் எது முக்கியமற்றது, எதை முதலில் செய்வது எதை இரண்டாவது செய்வது என்பன முடிவெடுப்பதில் வாழ்கை நெடுகிலும் தடுமாற்றம் இருந்து கொண்டே இருக்கிறது. வாழ்கை, ஆரோக்கியம், செல்வம், போன்றவை நம்மிடம் இருக்கும் போது அதன் மதிப்பு தெரிவதில்லை, அவற்றை நாம் இழந்த பின் தான் ஆகா இப்படி செய்திருக்கலாமே அப்படி செய்திருக்காலேமே என்று நினைப்பதுண்டு, இது மனித பலகீனம், நிரந்தர சந்தோசங்களை விட்டு விட்டு தற்காலிக சந்தோசங்களே நம்மை திருப்தி படுத்தி விடுகின்றன. அந்த காலங்களை கடந்த பின்பு இழந்துவிட்ட சந்தர்பங்களை எண்ணி வருந்துகின்றோம்.

என் மனதை தொட்ட கதை ஒன்றை இங்கே உங்களுடன் பகிர்ந்துக் கொள்கிறேன்.

நல்ல உடல் ஆரோக்கியமும் செல்வ செல்வாக்குடனும் வாழ்ந்த அரசனுக்கு நான்கு மனைவியர்கள் இருந்தனராம். அரசன் தன் நான்காவது மனைவிக்கு தேவைப்பட்ட ஆடை அணிகலன் எல்லாம் வாங்கிக் கொடுத்து அவளை அன்புடன் பார்த்துக் கொண்டானாம்.

தன் மூன்றாவது மனைவிடமும் அவன் மிகவும் அன்பு செழுத்தினானாம் அவளுடைய ஆசையையும் நிறைவேற்றி வைத்தானாம், ஆனால் அரசனுக்கு, தன்னை விட சிறந்தவன் அவளுக்கு கிடைத்தால் தன்னை விட்டு போய்விடுவாளோ என்ற அச்சமும் இருந்ததாம்.

அரசன் இரண்டாவது மனைவியையும் மனம் கோணாது பார்த்துக் கொண்டானாம் அவளின் தேவையையும் சிறப்பாக நிறைவேற்றி வைத்தானாம், அவளும் அவனிடம் அன்பாக இருந்தாளாம் அவன் தளாந்த சமயங்களில் அவனுக்கு நம்பிக்கையூட்டி கஷ்டமான சமயங்களில் தக்க ஆலோசனை வழங்கி அவனுக்கு மிகவும் உதவியாய் இருந்தாளாம்.

அரசனின் முதல் மனைவியோ மிகவும் நன்றி உள்ளவளாகவும் அரசனை ஆதரவுடன் கவனித்துக் கொள்பவளாகவும் அரசாங்க நிர்வாக சிக்கல்களில் உதவுபவளாகவும் அரசனை உள்ளார நேசிப்பவளாகவும் இருந்தாளாம். அரசனால் இதை உணர முடிந்தாலும் மற்ற மனைவிகளிடம் செலுத்தும் அன்பை செலுத்துவதில்லை முதல் மனைவியிடம் ஆர்வமும் காட்டுவதில்லை ஆனாலும் அவள் தன் கடமையை செய்து வந்தாளாம்.

ஒரு நாள் அரசன் நோயில் விழுந்தானாம், தன் இறுதி காலம் நெருங்கி விட்டதை உணர்ந்த அரசன் இவ்வளவு செல்வ செல்வாக்கோடு வாழ்ந்த நாம் இறப்பில் மட்டும் தனியாகி விடப் போகிறோமே என்ற உணர்ந்த அரசன் தன் நான்கு மனைவிகளையும் கூப்பிட்டு, நான் என் வாழ்நாளில் உங்கள் நால்வரையும் சிறப்பாக வைத்திருந்தேன் என் மரண காலம் நெருங்கி கொண்டு வருகிறது என் மரணத்தில் என்னுடன் வரப் போவது யார் என்று கேட்டானாம்.

நான்காவது மனைவி என்னால் முடியாது என்ற ஒரே வார்த்தையுடன் அங்கிருந்து அகன்று விட்டாளாம்;. அரசனின் இதயத்தில் கத்திப பாய்ந்து போன்று உணர்ந்தானாம்

மூன்றாவது மனைவியிடம் கேட்டப் போது அவள் சொன்னாளாம் வாழ்கை மிகவும் விலை மதிக்க முடியாதது உங்களுக்கு பின் நான் வேறோரு திருமணம் செய்துக் கொண்டு வாழ்வேன் என்று கூறி அகன்று விட்டாளாம். இதைக் கேட்டதும் அரசன் மிகவும் நொறுங்கி விட்டானாம்.

இரண்டாவது மனைவியோ என்னால் உங்கள் கூட கடைசி வரை வரமுடியாது உங்கள் கல்லரை வரை வந்து மலர் வைத்து திரும்பி விடுவேன் என்றாளாம். ஓன்றும் சொல்ல முடியாதவனாக அரசன் கண்ணீர் விட்டானாம்.

உண்மையை உணர்ந்த அரசன் தன்னால் ஒன்றும் செய்ய முடியவில்லையே என்று பரிதவித்தானாம்.

தன்னால் அதிகம் நேசிக்கப் படாத முதல் மனைவியிடம் அவன் எதுவும் கேட்க வில்லையாம் மௌனமாய் இருந்த அரசனிடம் முதல் மனைவி பேசினாளாம் நான் உங்களுடன் வருவேன் நிங்கள் எங்கு சென்றாலும் உங்களுடன் தான் இருப்பேன் உங்கள் சுக துக்கங்களை நான் பகிர்ந்து கொள்வேன் என்றாளாம்.

அரசன் கண்ணிருடன் அவளைப் பார்த்தானம்.

இங்கே நான்கு மனைவிகளாக உருவகப் படுத்தப் படுவது.

நான்காவது மனைவியாக உடலும்

மூன்றாவது மனைவியாக செல்வம், செல்வாக்கு, தகுதி

இரண்டாவது மனைவியாக குடும்பம், உறவினர்

முதலாவது மனைவியாக நம் ஆன்மா

நம் வாழ்நாளில் நம்மால் அதிகம் புறக்கணிக்கப் படுவது நமது ஆன்மா நிலையான நம் ஆன்மாவிற்கு நாம் செய்த நன்மைகள் என்ன? இந்த வாழ்கை, செல்வம், குடும்பம், சந்தோசம் அனைத்தையும் அனுபவிக்க மூலதாரம் இந்த ஆன்மா நாம் அதற்கு செய்தது என்ன என்று எண்ணிப் பார்ப்பது எத்தனைப் பேர். ஆன்ம அறிவே நித்திய, சத்திய அறிவு, மற்ற எல்லாம் உடலுடன் ஒழியும் மாயை. உண்மை அறிவோம் நன்மை பெறுவோம்.

நட்பு என்பது.

2009-11-21T15:31:00.006+04:00

நட்பு என்பது மிகப் பெரிய மலை, அதை பலர் பல கோணங்களில் பார்த்து பகரிந்து இருக்கின்றனா. நட்பு ஒரு அலாதியான ஒரு அதி அற்புதமான உணர்வுப் பூர்வமான ஒன்று, நட்பின் முதல் தகுதியே எதிர்ப்பார்பின்மை, அது ஒரு அலாதியான சுகம், நட்புக்கும் காதலுக்கும் சில கருக்துக் குழப்பங்கள் சிலரிடம் உண்டு.

ஆழமாக நோக்கினால் காதலில், காதலனிடமிருந்து காதலிக்கு ஒரு எதிர் பார்ப்பு, காதலனுக்கும் காதலியிடமிருந்து ஒரு எதிர் பார்ப்பு அங்கு ஒரு give and take இருக்கிறது கணவன் மனைவியும் அப்படித்தான், என்னை நீ பாதுக்காக்க வேண்டும் எனக்கு தேவையான உணவு உடை இருப்பிடம் எல்லாம நீ தரவேண்டும் நான் உன் தேவைகளைப் பூர்த்தி செய்வேன், உன் சுக துக்கங்களைப் பகிhந்து கொள்வேன் என்ற gentle man agreement தான் திருமணமும் அங்கும் ஒரு give and take இருக்கிறது.

மேலே சொன்னது எல்லாம் உண்மையான காதல், உண்மையான திருமண பந்தம், தற்போது எல்லாவற்றிக்கும் அர்த்தம் மாறிவிட்டது, சரி நட்புக்கு வருவோம் நட்பை இதனுடன் நாம் ஒப்பிட்டால், ஒப்பிடவே முடியாத உயரத்தில் நட்பு இருக்கும், இப்போதெல்லாம் உண்மையான நட்பு மிகவும் அருகி விட்டது அதன் இலக்கணங்களும் மாறி விட்டது.

ஒரு உண்மை நட்பின் சிறிய அளவுகோள் என்னவெனில், ஒரு சிறிய சந்தோசத் செய்தி என்றாலும் உடனே பகிர்ந்து கொள்ள வேண்டும் என்று உங்களுக்கு யாரின் முகம் ஞாபகத்துக்கு வருகிறதோ அவர் உங்கள் உண்மையான நண்பர், அதே முகம் உங்கள் வேதனையான கட்டத்தில் உங்கள் மனதில் தோன்றும் அவரிடம் பேசினால் மனம் லேசாகும் என்று தோன்றுகிறதோ அங்கு உண்மை நட்பு இருக்கிறது.

இது இரண்டு பக்கமும் சமமாக இருக்க வேண்டும் எந்த பக்கத்திலாவது குறைந்தால் நட்பு என்ற ரயில் வண்டி நின்று விடும், நம் குழந்தைப் பருவம் முதல் பல நட்புகளை தாண்டி வந்திருப்போம் அந்தந்த காலகட்டத்தில் இரண்டு பக்கமு பலமாக இருந்திருக்கும் சந்தர்ப்ப சூழ்நிலையால் அந்த நட்பு விடுப்பட்டு போயிருக்கும், நாம் வேறு வேறு புதிய டிராக்கில் பயணித்துக் கொண்டே தான் இருப்போம் இது வாழ்;க்கையின் இறுதி வரைத் தொடரும் ஒரு உறவு இந்த உறவு.

சில நேரங்களில் சில ஆயிரங்களுக்கும் சில லட்சங்களுக்கும் உறவுகளை உதறியிருப்போம் சற்று நிதானித்து பார்த்தோமானால் அந்த லட்சங்களைவ விட உறவுகள் மதிப்புள்ளது என்று உணர்வோம் நல்ல வியாபாரி நஷ்டப் பட விரும்ப மாட்டான் அது போலத்தான் இதுவும் அற்ப தொகைக்காக பெரிய உறவுகளை இழப்பது, நட்பும் அது போலத்தான் வள்ளுவன் கூறுவது போல் ‘ உடுக்கையிழந்தவன் கைப்போல ஆங்கண் இடுக்கண் களைவதாம் நட்பு” இதைத்தான் வேதங்களும் இதிகாசங்களும் கூடி வாழ்ந்தால் கோடி நன்மை என்று கூறுகிறது.

இங்கிலாந்து ராணி எலிசபெத்துடன்

2009-11-19T09:22:00.013+04:00

பதினொரு அமரிக்க ஜனாதிபதிகளை கண்ட பெருமை இங்கிலாந்து ராணி எலிசபெத்திற்கு உண்டு இது ஒரு ரிக்கார்ட் பிரேக்.

இங்கிலாந்து ராணி எலிசபெத்துடன் பாரக் ஒபாமா

இங்கிலாந்து ராணி எலிசபெத்துடன் ஜார்ஜ் டபிள்யு புஸ்

இங்கிலாந்து ராணி எலிசபெத்துடன் பில் கிளிண்டன்

இங்கிலாந்து ராணி எலிசபெத்துடன் ஜார்ஜ் புஸ்

இங்கிலாந்து ராணி எலிசபெத்துடன் ரொனால்ட் ரிகன்

இங்கிலாந்து ராணி எலிசபெத்துடன் ஜிம்மி கார்டர்

இங்கிலாந்து ராணி எலிசபெத்துடன் ஜெரால்ட் போர்ட்

இங்கிலாந்து ராணி எலிசபெத்துடன் ரிச்சர்ட் நிக்சன்

இங்கிலாந்து ராணி எலிசபெத்துடன் ஜான் எப் கென்னடி

இங்கிலாந்து ராணி எலிசபெத்துடன் டி ஐசன் ஹோவர்

இங்கிலாந்து ராணி எலிசபெத்துடன் ஹாரி எஸ் ட்ருமன்

அந்த தேவதைக்கு பெயர்

2009-11-14T16:59:00.007+04:00

அன்று இன்னும் சிறிது நேரத்தில் பிரசவிக்கப் போகும் ஒரு பெண்ணின் பிரசவத்திற்கான ஏற்பாடுகள் நடந்துக் கொண்டிருந்தன உறவினர்கள் எல்லாம் காத்திருக்க அந்த தாய் வலியில் கதறிக் கொண்டிருந்தாள்.

வயிற்றிலிருக்கும் குழந்தைக்கு வழக்கத்திற்கு மாறன சத்தம் ஏதேதோ கேட்டது நமக்கு என்ன நடக்கப் போகிறதோ என்ற குழப்பம் குழந்தையின் மனதில் ஊhசாடியது, அமைதியாக ஆனந்தமாக மிதந்துக் கொண்டிருந்த நமக்கு என்ன ஆகப்போகிறது, வழக்கமாக நாம் பேசும் கடவுளையே கேட்டு விடலாம் என்று குழந்தை கடவுளை அழைத்தது.

குழந்தை : இறைவனே என்னை எங்கு அனுப்பப் போகிறாய் வழக்கத்துக் மாறான ஏதேதோ சத்தம் கேட்கிறதே எனக்கு ஒன்றும் புரியவில்லையே.

கடவுள் : குழந்தாய் இனி நீ மனிதர்களுடன் வசிக்கப் போகிறாய்

குழந்தை : நான் இங்கு சந்தோசமாகத் தானே இருக்கிறேன் நான் ஏன் அங்கு போக வேண்டும்

கடவுள் : இல்லை குழந்தாய் நீ இங்கிருப்பது போலவே அங்கும் இருப்பாய் சென்று வா.

குழந்தை : என்னை நீ இங்கு பாhத்துக் கொள்வது போல் யார் என்னை அங்கு பார்த்துக் கொள்வார்.

கடவுள் : கவலைப் படாதே குழந்தாய் அங்கு உன்னைப் பார்த்துக் கொள்ள ஒரு தேவதையை ஏற்பாடு செய்திருக்கிறேன், அந்த தேவதை உனக்காக பாடும் உன் மீது அன்பு செழுத்தும் அந்த அன்பை நீ உணர்வாய்.

குழந்தை : மனிதர்களிடம் என்னை தனியாக அனுப்புகிறாய் நான் மிகச் சிறியவன் என்னால் நடக்க முடியாது என்னால் பேச முடியாது, இன்னும் அவர்கள் மொழியைக் கூட புரிந்துக் கொள்ள முடியாது.

கடவுள் : அது மிகவும் சுலபம் உனக்காக நான் ஏற்பாடு செய்திருக்கும் அந்த தேவதை எல்லாவற்றையும் கவனித்துக் கொள்ளும் உனக்கு பேசக் கற்றுக் கொடுக்கும், உனக்கு நடக்க கற்றுக் கொடுக்கும் நீ பயப்படத் தேவையில்லை.

குழந்தை : (அடுத்து என்ன கேட்பது என்று தெரியாமல் கடவுளையே பார்த்தது) ம்ம்ம்;;…. நான் உன்னோடு பேச வேண்டும் என்றால் என்ன செய்வேன்.

கடவுள் : (மென்மையாக சிரித்து) நான் ஏற்பாடு செய்திருக்கும் அந்த தேவதை இதையும் உனக்கு சொல்லிக் கொடுக்கும்.

குழந்தை : உலகில் கெட்ட மனிதர்கள் இருப்பார்கள் என்று இங்குள்ள தேவதைகள் பேசிக் கொள்கிறார்களே அவர்களிடமிருந்து என்னை யார் காப்பற்றுவார்.

கடவுள் : வாஞ்சையுடன் குழந்தையை தடவி) உனக்கு நான் ஏற்பாடு செய்திருக்கும் அந்த தேவதை தன்னுயிர் போனாலும் உன்னை பாதுகாக்கும்.

குழந்தை: (மிகவும் சோகமான முகத்துடன்) இனி நான் உன்னை பார்க்கவோ பேசவோ முடியாதா.

கடவுள் : (குழந்தையை அன்பாக அணைத்து) உனக்காக நான் ஏற்பாடு செய்திருக்கும் அந்த தேவதையிடம் நீ போனதுமே என் பெயர் உனக்கு சொல்லும் சதா என்னைப் பற்றி உன்னிடம் பேசும், என்னிடம் திருப்பி வரும் வழியையும் உனக்கு சொல்லித் தரும், நான் உன்னோடு தான் இருப்பேன் ஆனால் நீ என்னைப் பார்க்க மாட்டாய்.

உலகின் சத்தங்கள் அதிகமாக குழந்தைக்கு கேட்க தொடங்கின

குழந்தை : (மிகவும் கடவுளைப் பிரியும் சோகத்துடன்) இறைவனே இன்னும் கொஞ்ச நேரத்தில் உன்னை விட்டு பிரியப் போகிறேன் நீ எனக்காக ஏற்பாடு செய்திருக்கும் அந்த தேவதையின் பெயரையாவது சொல்

கடவுள் : குழந்தாய் தைரியமாக சென்று வா உனக்காக நான் ஏற்பாடு செய்திருக்கும் அந்த தேவதையின் பெயர் முக்கியமில்லை அவளை நீ அம்மா என்று அழைப்பாய்.

கடைசியாக உனக்கு ஒரு அறிவுரை நீ வளர்ந்து பெரியவனானதும் அந்த தேவதையின் மனம் புண்படும் படி எதுவும் பேசி விடாதே.

குழந்தை வீறிட்டு அழுதபடி உலகில் ஜனித்தது.

வெற்றிக்கு முன்

2009-11-12T16:43:00.002+04:00

வாழ்கையில் பல பெரிய மாற்றங்கள் நிகழு;வது நாம் எடுக்கும் முடிவுகளில் தான், அந்த முடிவு எடுப்பதில் தான் எல்லோருக்கம் பெரிய தடுமாற்றம் ஏற்படும் துணிச்சலாக இறங்கி செயலாற்ற தைரியம் இல்லாமல் நாம் பல காரணங்கள் சொல்லி காலத்தை கடத்துவோம் உண்மையில் நாம் நம் வாழ்கையில் ஒவ்வொரு நிமிசங்களையும் இழந்து கொண்டு வருகிறோம்.

நம்மில் பெரும்பாலனவர்கள் (என்னையும் சேர்த்துதான்) நேரம் இல்லை, நேரம் இல்லை என்ற ஒரு சொல்லை அதிகம் பயன் படுத்துவோம், ஆங்கில அறிஞர் ஜாக்சன் பிரவுன் கூறுகிறார், நேரம் இல்லை என்று சொல்லாதீர்கள் வாழ்கையில் சிகரங்களைத் தொட்டவர்கள் எல்லாருக்கும் நமக்கிருந்து நேரம் தான் இருந்து, ஹெலன் கெல்லர், மைக்கெல் ஆஞ்சலோ, லியாடனோ டாவின்ஸி, தாமஸ் ஜெபாசன், மதர் தெரஸா, ஆல்பர் ஐனஸ்டின் போன்றவர்கள் எல்லாம் அந்த நேரத்ததைப் பயன்படுத்தித் தான் சாதனைப் படைத்தார்கள.

நேரம் பறக்கிறது என்பது ஒரு வருத்தமான உண்மையெனில் அதன் விமானியாய் நாம் இருக்கிறோம் என்பது சந்தோசமான உண்மை என்று கூறுகிறார் ஆங்கில அறிஞர் மைக்கெல் ஆர்ட்லர்.

உங்களால் இயலும் வரை எதுவும் காலதாமதமில்லை என்கிறார் ஜார்ஜ் எலியட்.

உங்களை உங்களைத் தவிர யாரும் தோற்கடிக்க முடியாது என்கிறார் ரால்ப் மெர்சன்.

பெரும்பாலோனோர் தோற்பது திறமையின்மையால் அல்ல, சரியான முடிவெடுத்தலும், இலக்கு இல்லாமலும் தான் என்கிறார் பில்லி சண்டே என்ற அறிஞர்.

ஒரு செயலை செய்ய அதிக காலம் யோசிப்பது அதை செய்யாமல் போவதற்க்கான அறிகுறி என்றகிறார் ஈவா யங் என்ற அறிஞர்.

மனிதன் தன் மனநிலையை மாற்றிக் கொள்வதன் மூலம் தான் தன் வாழ்கையையே மாற்றிக் கொள்ளலாம் என்பதே இந்தத் தலைமுறையின் மிகப் பெரிய கண்டுபிடிப்பு என்கிறார் ஹார்வார்டு பல்கலைகழக மனநல நிபுணர் ஜேமஸ் வில்லியம்ஸ்.

இன்றே உங்களால் செய்ய முடிந்ததை ஒரு போதும் நாளை வரை தள்ளிப் போடாதீர்கள் என்கிறார் அறிவியல் மேதை பென்ஜமின் ஃபிராங்ளின்.

நமக்கு நம் மீதே நம்பிக்கை குறையும் போது தான் அததற்கு நேரம் வரவேண்டாமா என்ற சப்பைக்கட்டு கட்டுகிறோம் அது உண்மையல்ல, நம்மால் இயலாது என்று தோற்றுவிக்கப் படும் மாயை பிரமண்டமாகத்தான் இருக்கும், துணிச்சலாக தொட்டால் நம்மிடம் அது தோற்றுவிடும்.

காரியங்கள் செய்ய காலம், வயசு ஒரு தடையே இல்லை உறுதியான மனசு தான் வேண்டும்

1 இந்திய சரித்திரத்தில் இடம் பெற்ற போது பகத் சிங்கிற்கு வயது 23

2.புத்தர் ஞானம் பெற அரண்மனையை விட்டு வெளியேறிய போது வயது 27

3.ஜான்ஸி ராணி வெள்ளையனை எதிர்த்து போரிட்டப் போது வயது 26
4. திருப்பூர் குமரன் சுதந்திரப் போரட்டத்தில் கலந்து கொண்ட போது வயசு 26

5. மாவீரன் அலெக்சாண்டர் பாரசிகத்தின் மேல் படையெடுத்த போது வயது 22

6. ஐசக் நியுட்டன் புவியீர்ப்பு விதியை கண்டுபிடித்தப் போது வயது 24

7. கலிலியோ தெர்மோ மீட்டரைக் கண்டுபிடித்த போது வயது 20

8. மார்க்கோ போலோ உலகை சுற்றி வர கிளம்பிய போது வயது 17

9. கிராஹாம்பெல் தொலைப் பேசியை கண்டுபிடித்த போது வயது 29

10. பாஸ்கல் கணக்கிடும் கருவியை கண்டுபிடிக்கும் போது வயது 19

11. கவிஞர் ஷெல்லி புகழ் பெற்ற ஆங்கில கவிதையை எழுதிய போது வயது 29

12. குற்றாலிஸ்வரன் கடலை நீந்து கடந்த போது வயது 11

13. மாண்டலின் சினிவாசன் புகழ் பெற்றபோது வயது 15

14. ஏ.ஆர் ரஹ்மான் சினிமாவில் புகழ் பெற்ற போது வயது 22

இவர்கள் எல்லாம் காலம் வயதைப் பார்க்கவில்லை முயன்றார்கள் வென்றார்கள்

நாமும் முயல்வோம் வெல்வோம்.

விண்வெளி ஓடம்

2009-11-10T09:59:00.040+04:00

டிஸ்கவரி விண்ணோடம் (Space Shuttle Discovery) என்பது ஐக்கிய அமெரிக்காவின் விண்வெளி ஆய்வு நிறுவனமான நாசாவின் தற்போது பாவனையில் உள்ள மூன்று விண்ணோடங்களில் ஒன்றாகும்.[1] மற்றைய இரண்டும் அட்லாண்டிஸ் மற்றும் எண்டெவர் ஆகியனவாகும். 1984இல் டிஸ்கவரி விண்ணோடம் முதன் முதலில் செலுத்தப்பட்டபோது அந்நேரத்தில் பாவனயில் இருந்த மூன்றாவது விண்ணோடமாக இருந்தது. தற்போது இதுவே பாவனையில் இருக்கும் பழமையான விண்ணோடம் ஆகும். டிஸ்கவரி விண்ணில் பல ஆய்வுகளையும் அனைத்துலக விண்வெளி நிலையத்தை அமைக்கும் பணியிலும் ஈடுபட்டுள்ளது. ஹபிள் தொலைநோக்குக் கருவி முதன் முதலில் டிஸ்கவரி மூலமே விண்ணுக்கு எடுத்துச் செல்லப்பட்டது.

[தொகு] கடைசிப் பயணம்
கடைசியாக டிஸ்கவரி வீண்ணோடம் அக்டோபர் 23, 2007 இல் விண்ணுக்குச் செலுத்தப்பட்டது. "ஹார்மனி மொடியூல்" (Harmony module) எனப்படும் சேதங்களைத் திருத்தும் கருவிகளடங்கிய தொகுதி ஒன்றை STS-120 என்ற விண்கப்பலில் பன்னாட்டு விண்வெளி நிலையத்துக்கு எடுத்துச் சென்றது. பன்னாட்டு விண்வெளி நிலையத்துக்கு அனுப்பப்பட்ட 23வது விண்ணோடப் பயணம் இதுவாகும். அக்டோபர் 25 இல் அனைத்துலக விண்வெளி நிலையத்துடன் வெற்றிகரமாக இணைந்தது[2]. தனது 15 நாள்-பயணத்தை இது வெற்றிகரமாக முடித்துக் கொண்டு நவம்பர் 7, 2007 இல் புளோரிடா திரும்பியது[3].

விண்வெளி ஓடம் ஒருங்கிணைக்கப்படும் படங்கள் உங்கள் பார்வைக்கு.

நான் - நீ

2009-11-08T15:35:00.002+04:00

அந்தி வரும் நேரமெல்லாம்
புன்னகை சிந்தி வரும்
புது மலரே - நான்
சிந்திக்கும் நேரமெல்லாம் - என்
சிந்தையிலே வரும் உருவே

உன் முழு மதி முகம்
காணும் போதெல்லாம்
நான் முதல்வனாய்
முடிசூட்டிக்கொள்வேன்
நீ வீதி உலா வரும்போது - நான்
பாதி நிலவாய் பாதையில் நிற்பேன்
ஒரே ஒரு பார்வை
பார்த்து விட்டு போ - என்
முகம் முழு நிலவாகிவிடும்

உன் சின்ன விழி
விண்மீனாய் சிரிக்கயில் - என்
இரவு பொழுது பிரகாசமடையும்
உன் பட்டு பார்வை
பட்ட பத்து நிமிடத்திற்கு
மனசுக்குள் பட்டாம் பூச்சி

உன் விடிவெள்ளிக் கண்களை
கண்டது முதல்
எனக்கு விழி மூடா
இரவுகள் பல
இந்த விடுகதைக்கு
விடை சொல் மலரே

விழுந்து விட்டேன்

2009-11-04T14:34:00.002+04:00

வாழ்கை எனும் பாதையிலே
வழி நெடுகப் பள்ளங்கள்- அதில்
அறிவுக் கண்; மூடிக் கொண்டு
அறியாமல் விழுந்து விட்டேன்

பள்ளிப் பருவத்திலே
விளையாட்டில் விழுந்து விட்டேன்

கல்லூரிக் காலத்திலோ
காதலிலே விழுந்து விட்டேன்

பொருள் ஈட்டும் காலத்தில்
பொழுது போக்கில்
விழுந்து விட்டேன்

புரியாமல் சில நேரம் பெண்ணின்
புன்சிரிப்பில் விழுந்து விட்டேன்

தெரிந்தே சில நேரம்
தேவைகளில் விழுந்து விட்டேன்

தேவைகள் நிறைவேற
தேடுதலில் விழுந்து விட்டேன்

நிறைவேறா தேவையினால்
வாடுதலில் விழுந்து விட்டேன்

சிந்தனை எனும் சிறகொடிந்து
சீர் கேட்டில் விழுந்து விட்டேன்

அஞ்ஞான பேரிருளில்
அறியாமல் விழுந்து விட்டேன்

விஞ்ஞான மாயையிலும்
வீணாக விழுந்து விட்டேன்

வழி நெடுகப் பள்ளங்களில்
விழுந்து விழுந்து அடிபட்டேன்
அடிபட்ட காயம் இன்னும்
ஆறாமல் நெஞ்சினிலே

விழுந்து விட்ட நான் இன்று
எழுந்து நிற்க முயலுகிறேன்
ஏற்றுக் கொள் என் இறைவா

ராசாத்திக்கு

2009-11-03T17:03:00.001+04:00

கண்ணுக்குள்ள ஒன்ன வச்சு
காலம் பூரா காத்திருப்பேன்
நெல்லுக்குள்ள அரிசிப் போல
நெஞ்சுக்குள்ள ஓன்ன வச்சு
காலம் பூரா பாத்திருப்பேன்

என் எள்ளுப் பூ ராசாத்தி
ஒரு சொல்லு ஒன்னு சொல்ல வேணும்
பக்குவமா பார்த்து சொல்ல
பாக்குத் தோப்பில் காத்திருப்பேன்

உன் கன்னங் கரு விழியும்
கன்னிப் பேசும் கிளி மொழியும்
நெஞ்சுக் குள்ள நீ விட்ட
ஏவு கணை ஆனதடி

மாலை வெயில் வேளையிலே
மயிலு வரும் சோலையிலே
சோடி தேடும் ஜாதிப் புறா
சோகமாக நிக்குதடி

சொன்ன வேளை வந்த பின்பும்
சொன்னவளை காணவில்ல
சோகம் வந்து நெஞ்சுக் குள்ள
சௌக்கியமா என்றதடி

வேதனையில் வார்த்த வல்ல
என்னவளை என்ன சொல்ல
உன் கன்னக் குழியினிலே
நான் தடுக்கி விழுந்து புட்டேன்
என் நெஞ்சக் குழியினிலே
ஒன்ன வச்சு மூடிப் புட்டேன்

ஒரு மல்லிகை பூ இங்க
மணந் தேடி நிக்குதடி
மனமிறங்கி நீ கொஞ்சம்
மனசெல்லாம் மணக்க வாடி
என் மனசெல்லாம் மணக்க வாடி

ஏன் அம்மா

2009-10-26T16:33:00.003+04:00

பிறந்த குழந்தை
எல்லாரும் குடிப்பது
தாய் பால்
எனக்கு மட்டும்
ஏனம்மா கள்ளிப் பால்
நான் பெண் என்பதாலா?
உன் அம்மா இப்படி
நினைத்திருந்தால்
நான் பிறந்திருக்க மாட்டேனே அம்மா.

இரு தலை ஓருடல்

2009-10-25T15:08:00.007+04:00

இறைவன் படைப்பில் எதுவும் நிகழலாம், இந்தப் படங்களை கண்டதும் அதிர்ந்தேன். இது உண்மையா பொய்யா தெரியவில்லை, இந்தப் படங்களை உங்களுடனும் பகிர்ந்துக் கொள்ள எண்ணி இங்கே பதிந்திருக்கிறேன் பார்த்துவிட்டு உங்கள் கருத்துக்களைப் பதியுங்கள்.

வனத்தில் ஒரு கைவண்ணம்

2009-10-21T16:16:00.017+04:00

கற்ச்சிலைகளைப் பார்த்திருப்போம், இதோ மரத்திலே வடிக்கப் பட்ட சிலைகள்

நாகரிக குகை மனிதன்

2009-10-18T09:09:00.015+04:00

ஆதிகாலத்தில் குகைகளில் வாழ்ந்த மனிதன், நாகரிக வளர்ச்சிக்கு பின் கட்டிடங்களில் தன் இருப்பிடத்தை அமைத்துக் கொண்டான், ஆனால் மீண்டும் பழைய ஞாபகம் வித்தியாசமாக வாழ்விடங்களை அமைத்துள்ள மனிதன் ரசனை மற்றும் தொழிழ் நுட்பங்களைப் பாருங்கள்

விந்துக்குள் விந்தை

2009-10-14T14:45:00.019+04:00

இறைவனுடைய படைப்பில் எல்லாமே அதிஅற்புதமும் விந்தைகளும் நிறைந்தது, அதில் விந்து ஒரு விந்தையானது, இதைத்தான் இறைவன் கூறுகிறான் உன் பிறப்பை பற்றி நீ சிந்தித்தால் என்னைப் பற்றி அறிந்துக் கொள்வாய் என்று கூறுகிறான். இதில் ஆழமான அர்த்தம் உள்ளது.

மனிதன் செழுத்தும் ஒரு சொட்டு விந்தில் பல்லாயிரக் கணக்கான உயிரணுக்கள் பெண்ணின் யோனியில் விடப்படுகிறது அங்கிருந்து ஃபிலொப்pயன் டியுப் வழியாக கரு முட்டையை சென்றடைகிறது. இந்த ஃபிலொபியன் டியுபிற்கும் விந்தணு கரு முட்டையை சென்றடைதற்கும் உள்ள தூரம் ஒரு மனிதன் 5 மைல் நீளம் ஆற்றை நீந்திக் கடப்பதற்கு சமமானது. ஒரு கூட்டமாக செல்லும் விந்தணுக்கள் ஒன்று அல்லது அதற்கு மேற்பட்டது கருமுட்டையை துளைத்து சென்று அடைந்ததும் மற்ற விந்தணுக்கள் வாழ்த்துச் சொல்லி திரும்பி விடுகிறது.

எதிர் நீச்சலும், மற்றவரை முந்தி செல்ல வேண்டிய நிர்பந்தமும் மனித உயிரணுக்கு அப்பொழுதே தொடங்கி விடுகிறது. உள்ளே செல்லும் நுண் உயிரியான அது தான் 6 அடி உயரமுள்ள மனிதனாக பரிணமிக்கிறது. என்னே இறைவனின் வல்லமை.

விந்தணு ஃபிலோபியன் டியுப் வழியாக கரு முட்டை நோக்கி செல்லும் போது.
ஒரே சமயத்தில் இரண்டு விந்தணுக்கள் கரு முட்டையை துளைத்து உள்ளேரும் போது.
Genetical material உயிரணுவின் தலையில் Store செய்யப்பட்டிருக்கிறது.
8 நாட்கள் ஆன Embryo, Mucous membrane என்ற tissue ஆல் போர்த்தப் படுகிறது.
22 நாட்கள் ஆன embryo யில் முதலில் உருவாவது மனித மூளை
24 நாட்களில் இதயம் உண்டாகி துடிக்கத் தொடங்குகிறது.
9 வாரங்களில் V வடிவ இரத்தக் குழாய் கள் உண்டாகி எலும்புகளும் உண்டாகின்றன.
10 வாரங்களில் 3 செ.மி நீளம் வளர்கிறது.
20 வாரங்களில் குழந்தை 20 செ.மி நீளம் வளர்கிறது.
36 வாரங்களில் குழந்தை முழு உருவம் பெறுகிறது
இரட்டை குழந்தை இருக்கும் விதம்

ஒரு கல்லிரலின் கடிதம்

2009-10-12T14:48:00.009+04:00

அன்பு மனிதர்களே நான் உங்கள் மீது எவ்வளவு அன்பு வைத்திருக்கிறேன் உங்களுக்காக நான் செய்யும் பணிகள் என்ன என்ன என்பதை உங்கள் பார்வைக்குத் தருகிறேன் பார்த்துவிட்டு நீஙகளும் என் மீது அன்பு செலுத்தினால் நாம் இருவரும் நலமாக இருக்கலாம்.

1. உங்களுக்கு தேவையான இரும்பு சத்துகளை சேமித்து வைக்கிறேன் அது மட்டுமில்லாமல் உடலுக்கு தேவையான ஊட்டச் சத்துகளையும் சேமித்து வைக்கிறேன்
நான் இல்லாமல் உங்களால் சக்தியாக இயங்க முடியாது

2. உங்கள் உணவு செரிப்பதற்கான திரவத்தை நானே சுரக்கிறேன்
நான் இல்லையேல் உங்கள் உணவு செரிமானமாகமல் உடலுக்கு தேவையான சத்துகளாக மாற்றப் படாது.

3. நச்சுத் தன்மை மிகுந்த இரசாயனங்கள் மது, போதைப் பொருட்கள் detoxify poisonous chemical போன்றவைகளை என்னுள் செலுத்துகிறீர்கள்.

நான் இல்லாவிட்டால் தவறான பழகங்கள் உங்களை கொன்று விடும்
4. தேவையான சக்தியை ஒரு battery cell போல் நான் சேமித்து வைத்துக் கொள்கிறேன் (carbo hydrates glucose and fat) உங்களுக்கு தேவையான அளவு இரத்தில் இருக்கும் படி பார்த்துக் கொள்கிறேன்.

நான் இல்லையேல் இரத்தில் சர்கரையின் அளவு கூடி நிங்கள் coma நிலைக்கு சென்று விடுவீர்கள்

5. நிஙகள் கருவாயிருக்கும் காலந்தொட்டு உங்கள் இரத்ததை உற்பத்தி செய்பவன் நான் தான்.

நான் இல்லையேல் நீங்கள் இல்லை.

6. உங்கள் உடம்பு நலமாக வளர்வதற்கு நானே புதிய protein களை உற்பத்தி செய்கிறேன்.
நான் இல்லையேல் நீங்கள் ஆரோக்கிய வளர்ச்சி பெற முடியாது.

7. நீங்கள் சுவாசிக்கும் காற்று மற்றும் நச்சு புகை போன்றவற்றால் ஏற்படும் நச்சு தன்மை உங்களை பாதிக்காமல் நானே உங்களை பாதுகாக்கிறேன்.

நான் இல்லையேல் நச்சு தன்மையால் உங்கள் மற்ற உறுப்புகள் பாதிக்கப் படும்

8. உங்கள் உடம்புகளில் ஏற்படும் வெட்டு காயங்களிலிருந்து வரும் ரத்தத்தை உறைய வைத்து நானே முழுவதும் வெளியேறாமல் நிறுத்துகிறேன்.இல்லையேல் ரத்தம் முழுதும் வெளியேறி இறக்க நேரிடும்

9. உங்கள் உடம்பில் செல்லும் வைரஸ்களை தாக்கி அழிக்கிறேன் cold gems and flu gems போன்றவற்றை நானே கொள்கிறேன்

நான் இல்லையேல் பல தொற்று நோய்களுக்கு ஆளாகி படுக்கையில் கிடக்க வேண்டி வரும்.

நான் உங்கள் மீது எவ்வளவு அன்பு வைத்திருக்கிறேன் பார்த்தீர்களா என் மீது அன்பு செழுத்தவும் என்னை பாதுகாக்கவும் நான் சில வழிகளை சொல்கிறேன்.

1. நீங்கள் மது, போதை உட்கொள்வதால் நான் cirrhosis என்ற நோய்க்கு ஆளாகிறேன்

2. Arosel spray (like painting smell)என்னை பாதிக்கும் அதை சுவாசிக்க வேண்டி வந்தால் மாஸ்க் அணிந்துக் கொள்ளுங்கள் ஜன்னல்களை திறந்து வையுங்கள்

3. அளவுக்கு அதிகமாக கொழுப்புள்ள பொருட்களை உண்ணாதீர்கள், நான் அதை சரியான அளவு வைத்துக் கொள்ள முயற்ச்சிக்கிறேன்.

4. தொடர்சியாக உண்ணாதீர்கள் எனக்கு இடைவேளை கொடுங்கள் அதுவே நான் சிறப்பாக பணியாற்ற உதவும்

5. நான் எந்நிலையிலும் பாதிக்கப் பட்டுள்ளேன் என்று தெரிவிக்க மாட்டேன் தெரிவிக்க முடியாது.

6. நான் எந்நிலையிலும் புகார் கூறாதவன் என்னை என் சக்திக்கு மேல் நிர்பந்திக்காதீர்கள்

7. இறுதியாக ஒரு வேண்டுகோள் என்னை மருத்துவரிடம் சோதித்துக் கொள்ளுங்கள் இரத்தப் பரிசோதனையில் என்னை தெரிந்துக் கொள்ளலாம்.

8. நான் மென்மையாக இருந்தால் நல்ல நிலைமையில் இருக்கிறேன், கடினமாகவோ வீங்கியோ இருந்தால் நான் பாதிக்கப் பட்டுள்ளேன் என்று அர்த்தம்

9. மருத்துவர் ultra sound and ct scan மூலம் என்னை அறிந்து கொள்வார்

10. என் வாழ்கையும் உங்கள் வாழ்கையும் உங்கள் கையில் உள்ளது நான் எவ்வளவு பாதுகாக்கிறேன் என்று அறிந்திருப்பீர்கள் அது போல் என்னையும் பாதுகாக்க வேண்டுகிறேன்

இப்படிக்கு

YOUR SILENT PARTNER AND
EVER LOVING LIVER

தாலிபான்களால் விடுதலை செய்யப்பட்ட பெண் பத்திரியாளர்

2009-10-11T15:32:00.005+04:00

தி வாஷிங்டன் போஸ்ட் பத்திரிக்கையில் சமீபத்தில் பிரிட்டனைச் சேர்ந்த சகோதரி யுவான் ரிட்லி எழுதிய கட்டுரை இது. இனி அவரது சொந்த நடையில்...

"நான் தாலிபான்களால் சிறைப் பிடிக்கப்படும் வரை புர்கா அணிந்த பெண்களை மிகவும் ஒடுக்கப்பட்ட படைப்பினமாகவே கருதி வந்தேன்.

செப்டம்பர் 2001-ல் அமெரிக்காவில் பயங்கரவாத தாக்குதல் நடைபெற்று சற்றே 15 நாட்களுக்குப் பிறகு ஒரு நீல நிற புர்காவில் என்னை மறைத்துக் கொண்டு ஆப்கானிஸ்தான் எல்லையைக் கடந்து உள்ளே புகுந்தேன். தாலிபான்களின் கொடுமையான ஆட்சியில் சராசரி மனித வாழ்க்கையைப் பற்றி நான் பணியாற்றிய பத்திரிகைக்கு செய்திகள் திரட்டுவது என் ரகசிய திட்டம். ஆனால் நான் கண்டுபிடிக்கப் பட்டு, கைது செய்யப்பட்டு, பத்து நாட்கள் சிறையில் அடைக்கப்பட்டேன். என்னைக் கைது செய்தவர்கள் முகத்தில் துப்பினேன், ஆக்ரோஷமாக எதிர்த்தேன். அதனால் அவர்கள் என்னை ஒரு 'கெட்டப் பெண்' என்று அழைத்தார்கள். ஆனால் நான் குர்ஆனைப் படிப்பதாகவும், இஸ்லாத்தைப் பற்றி தெரிந்து கொள்ளப் போவதாகவும் வாக்களித்த பிறகு என்னை விடுதலை செய்து விட்டார்கள். (உண்மையைச் சொல்லப் போனால் நான் விடுதலையானபோது யார் மகிழ்ந்தார்கள் என்று எனக்கு சொல்லத் தெரியவில்லை - நானா? அல்லது அவர்களா?).

எனது சொந்த ஊரான லண்டன் திரும்பிய பிறகு நான் தாலிபான்களுக்கு அளித்த வாக்குறுதியைக் காப்பாற்றுவதற்காக இஸ்லாத்தைப் பற்றி அறியத் துவங்கினேன். நான் படிக்கப் படிக்க இனம்புரியாத ஆச்சரியம் என்னை ஆட்கொள்ளத் துவங்கியது. குர்ஆனில் நான் மனைவிமார்களை எப்படி அடிப்பது என்றும், மகள்களை எப்படி அடக்கி ஒடுக்கி துன்புறுத்துவது என்றும் ஆண்களுக்கு உபதேசிக்கும் வசனங்கள் இருக்கும் என்று எதிர்பார்த்தேன். ஆனால் பெண்ணின விடுதலையை ஒங்கி ஒலிக்கும் திருக்குர்ஆனின் நல்லுபதேசங்களைக் கண்டு திகைத்துப் போனேன். எனது கைதுக்குப் பிறகு இரண்டரை வருடங்கள் கழித்து நான் இஸ்லாமை எனது வாழ்வியல் நெறியாக ஏற்றுக் கொண்டேன். எனது இந்த மாற்றம் எனது உறவினர்கள் மற்றும் நண்பர்கள் மத்தியில் திகைப்பு, ஏமாற்றம், உற்சாகம் போன்ற உணர்வுகளின் கலவையான நிலைமையை உண்டு பண்ணியது. இன்று! மத நல்லிணக்கத்திற்கு இடையூறாக இருக்கிறது என்று முஸ்லிம் பெண்களின் முகத்திரையைப் பற்றி பிரிட்டனின் முன்னாள் வெளியுறவுத்துறை அமைச்சர் ஜாக் ஸ்டிரா விமர்சனம் செய்திருப்பது என்னை ஏமாற்றமும், அச்சமும் கொள்ள வைக்கிறது. இவருக்கு பிரிட்டனின் பிரதமர் டோனி பிளேர், எழுத்தாளர் சல்மான் ருஷ்டி மற்றும் இத்தாலியப் பிரதமர் ரெமானோ ப்ரோடி ஆகியோர் வேறு அதரவளிக்கின்றனர் என்பதுதான் வேடிக்கையான வேதனை.

புர்காவுக்கு வெளியேயும், உள்ளேயும் இரண்டு மாறுபட்ட வாழ்க்கை முறையை உணர்ந்த ஒரு பெண் என்ற அடிப்படையில் சொல்கிறேன்: இஸ்லாமிய உலகில் வாழ்கின்ற முஸ்லிம் பெண்களின் அடக்குமுறையைப் பற்றி ஆரவாரமாக கவலைப்படுகிற கிட்டத்தட்ட அனைத்து மேற்கத்திய அரசியல்வாதிகளும் சரி, பத்திரிக்கையாளர்களும் சரி இஸ்லாத்தைப் பற்றியும், அது பெண்களுக்கு வழங்கியுள்ள உரிமைகள் பற்றியும் ஒன்றுமே தெரியாதவர்களாகத்தான் இருக்கின்றார்கள்.

ஹிஜாபைப் பற்றியும், பருவமடையாத மணப்பெண்கள் பற்றியும், பெண்கள் கத்னாவைப் பற்றியும், கௌரவக் கொலைகளைப் பற்றியும், கட்டாயத் திருமணங்கள் பற்றியும் இவர்கள் சகட்டுமேனிக்கு எழுதியும் பேசியும் வருகிறார்கள். இந்த வன்கொடுமைகள் அத்தனைக்கும் இவர்கள் இஸ்லாத்தைக் குற்றவாளி ஆக்குகின்றார்கள். இவர்களது இந்த வெறித்தனமானப் போக்கு இவர்களது அறியாமையைத்தான் பறைசாற்றுகின்றது.

மேற்கண்ட வெறுக்கத்தக்க விஷயங்கள் கலாச்சாரம் மற்றும் சமூக சடங்கு சம்பிரதாயங்களுக்கு உட்பட்டவை. இவற்றுக்கும் இஸ்லாத்திற்கும் எள்ளளவும் சம்பந்தம் இல்லை. திருக்குர்ஆனை கருத்தூன்றிப் படித்தால் ஒர் உண்மை விளங்கும். மேற்கத்திய பெண் விடுதலைப் போராளிகள் 1970-களில் போராடிப் பெற்ற அனைத்துப் பெண்ணிய உரிமைகளும் 1400 வருடங்களுக்கு முன்னரே முஸ்லிம் பெண்மணிகளுக்கு வழங்கப்பட்டிருக்கிறது. இஸ்லாமியப் பெண்கள் ஆன்மிகத்திலும், கல்வியிலும், சொத்துரிமையிலும் ஆண்களுக்கு நிகரான உரிமைப் பெற்றுத் திகழ்கின்றனர். ஒரு குழந்தையைப் பெற்றெடுத்து அதனை சரிவர வளர்க்கும் பெண்மணி பெரும் பாக்கியம் நிறைந்தவளாகக் கருதப் படுகின்றாள்.

இவ்வாறு இஸ்லாம் பெண்ணினத்திற்குத் தேவையான எல்லாவற்றையும் வழங்கி மேன்மைப்படுத்தி இருக்கும்போது, இந்த மேற்கத்திய ஆண்கள் ஏன் முஸ்லிம் பெண்களின் ஆடை விஷயத்தில் மட்டும் முதலைக்கண்ணீர் வடிக்கின்றனர்? பிரிட்டிஷ் அரசின் அமைச்சர்களான கோர்டன் பிரவுன் மற்றும் ஜான் ரீட் ஆகியோர் முஸ்லிம் பெண்களின் முகத்திரையைப் பற்றி தரக்குறைவாக விமர்சித்துள்ளனர். இதில் வேடிக்கை என்னவென்றால், இவர்கள் இருவருமே ஆண்கள் கூட பாவாடை அணியும் ஸ்காட்லாந்து நாட்டு எல்லையோரத்தைச் சேர்ந்தவர்கள்.

நான் இஸ்லாத்திற்கு மாறி முக்காடு அணியத் துவங்கியபோது மிகப்பெரிய அளவில் விளைவுகளை எதிர்கொள்ள நேரிட்டது. நான் செய்ததெல்லாம் எனது தலையையும், தலைமுடியையும் மூடிக் கொண்டேன், அவ்வளவுதான். ஆனால் உடனே நான் இரண்டாந்தர குடிமகளாக்கப்பட்டேன். ஏதோ கொஞ்சம் இஸ்லாமிய எதிர்ப்புணர்வுகளை சந்திக்க வேண்டியிருக்கும் என்று நினைத்திருந்தேன். ஆனால் அனைத்துத் தரப்பு மக்களிடமிருந்தும் இந்தளவிற்கு இனவெறியை நான் எதிர்பார்க்கவில்லை. 'வாடகைக்கு' என்ற வாசகத்தடன் என்னைக் கடந்து சென்று நின்ற டாக்ஸியிலிருந்து ஒரு வெள்ளைக்காரப் பெண் இறங்கினாள். நான் அந்த டாக்ஸியில் ஏறுவதற்காக எத்தனித்தேன். ஆனால் என்னைக் கூர்ந்து கவனித்த டிரைவர் என்னை நிராகரித்து விட்டு விருட்டென்று காரை ஒட்டிச் சென்று விட்டான். மற்றொரு டாக்ஸி டிரைவரோ என்னிடம் "பின் ஸீட்டில் வெடிகுண்டு எதையும் வைத்து விட்டுப் போய்விடாதே' என்றும் "பின்லேடன் எங்கே ஒளிந்து இருக்கிறான் தெரியுமா?' என்றும் கமெண்ட் அடித்தான்.

ஆம்! பெண்கள் கண்ணியமாக உடை உடுத்த வேண்டும் என்பது ஒர் இஸ்லாமியக் கடமை. நான் அறிந்தவரை பெரும்பான்மையான முஸ்லிம் பெண்கள் ஹிஜாப் - அதாவது முகம் மட்டும் வெளியில் தெரியும் வண்ணம் உடை அணிகின்றனர். வெகு சிலரே முகத்தையும் மறைக்கும் நிகாப் எனும் முகத்திரை அணிந்து வெளியில் வருகின்றனர். என்னைப் பொறுத்தவரை, ஒரு முஸ்லிம் பெண் கண்ணியத்திற்காக ஹிஜாப் அணிகிறாள், அவளுக்கு அந்த கண்ணியத்தைக் கொடுத்து விட்டுப் போங்களேன்! வால் ஸ்டிரீட்டில் இயங்குகின்ற ஒரு வங்கியின் அதிகாரி தன்னை ஒரு சீரியஸான பிஸினஸ்மேனாக பிறர் கருத வேண்டும் என்பதற்காகத்தானே கோட் சூட் அணிகிறார்! - அதுபோலத்தான் இதுவும்.

நான் ஒரு நேரத்தில் மேற்கத்திய பெண்ணிய வாதியாகத்தான் இருந்தேன். ஆனால் பிறகுதான் உணர்ந்தேன். முஸ்லிம் பெண்ணியவாதிகள் பிறரைவிட மிகத் தீவிரமாக பெண் விடுதலைக்காக போராடக் கூடியவர்கள் என்று! அநாகரீகமான அழகிப் போட்டிகளை நாம் வெறுக்கின்றோம். ஆனால் நமக்கு எரிச்சலூட்டும் விதமாக 2003-ல் நடந்த பிரபஞ்ச அழகிப் போட்டியில் ஆப்கானிஸ்தானிய பெண் ஒருத்தி நீச்சல் உடையில் பங்கேற்ற நிகழ்ச்சியை அந்தப் போட்டியின் நடுவர்கள் இஸ்லாமியப் பெண்களின் விடுதலைக்கான ஆரம்பம் இது என்று வர்ணித்தனர்.

ஹிஜாப் அணிவது சமூக உறவைப் பேணுவதற்கு மிகவும் தடையாக இருக்கிறது என்று இத்தாலியப் பிரதமர் ப்ரோடி கூறியிருக்கிறார். இந்த முட்டாள்தனமான வாதத்தைக் கேட்கும்போது எனக்கு அழுவதா அல்லது சிரிப்பதா? என்று தெரியவில்லை. இவர் சொல்வது சரியென்றால் இன்றைய விஞ்ஞான யுகத்தில் நாம் அன்றாடம் உபயோகிக்கும் செல்போன், சாதா போன், பேக்ஸ், எஸ்.எம். எஸ். தகவல்கள் மற்றும் ரேடியோ ஆகியவை அர்த்தமற்றவையாகி விடும். இந்த உபகரணங்களை தொடர்பில் இருப்பவர்களின் முகத்தைப் பார்த்துக் கொண்டா நாம் உபயோகிக்கிறோம்?

இஸ்லாத்தின் கீழ் நான் மதிக்கப்படுகின்றேன். எனக்குத் திருமணம் ஆகியிருந்தாலும், ஆகாவிட்டாலும் எனக்கு கல்வி கற்க உரிமை உண்டு என்றும், கல்வியைத் தேடிப்பெற வேண்டியது எனது கடமை என்றும் இஸ்லாம் எனக்கு சொல்லித் தருகின்றது. இஸ்லாத்தின் இந்த கட்டமைப்பிலும் பெண்களாகிய நாங்கள் ஆண்களுக்கு சமைப்பது, துவைப்பது, சுத்தம் செய்வது போன்ற சேவகங்கள் செய்துதர வேண்டும் என்று கட்டளையிடப்படவே இல்லை.

இன்னும் சொல்லப் போனால், பெண்களுக்கெதிரான வன்கொடுமைகள் ஒரு குறிப்பிட்ட மதத்தையோ, இனத்தையோ அல்லது தேசத்தையோ சார்ந்தது அல்ல. இது மதம், மொழி, இனம், கலாச்சாரம் ஆகிய அனைத்தையும் கடந்து பெண்ணினத்தை பாதித்து வரும் ஒர் உலகளாவிய பிரச்சினையாகும். உதாரணத்திற்கு சொல்ல வேண்டுமானால்... National Domestic Violence Survey நடத்திய ஆய்வில் அமெரிக்காவில் 12 மாத கால அளவில் 4 மில்லியன் பெண்கள் ஆண்களது கொடுமைக்குள்ளாகி வருகின்றனர். மேலும் ஒரு நாளில் மட்டும் 3 பெண்கள் தங்களது காதலன் அல்லது கணவனால் கொல்லப்பட்டு வருகின்றனர்.

ஆண்கள் தங்கள் மனைவிமார்களை கைநீட்டி அடிக்க அனுமதிக்கிறது இஸ்லாம் என்ற கூற்றை எடுத்துக் கொண்டால் - இது முற்றிலும் தவறாகப் புரிந்து கொள்ளப் பட்டுள்ளது. இஸ்லாத்தை விமர்சிப்பவர்கள் அடிக்கடி குர்ஆன் வசனங்களையும், நபிமொழி குறிப்புகளையும் மேற்கோள் காட்டுகின்றனர். ஆனால் அந்த வசனங்கள் மற்றும் நபிமொழிகளின் உள்ளர்த்தங்களை தவறாக விளங்கிக் கொள்வதால் எற்படும் விளைவுதான் இது. ஒர் ஆண் தனது மனைவியை அடிக்கத்தான் வேண்டுமாயின், அவளது உடலில் எவ்விதக் காயமோ அடையாளமோ இல்லாமல்தான் அடிக்க வேண்டும் என்று குர்ஆன் சொல்கிறது. இது குர்ஆனுக்கே உரிய தனித்துவமிக்க சொல்லாளுமையாகும். இதன் உள்ளர்த்தத்தை நெருக்கமாகச் சொல்லப் போனால்... முட்டாளே! உனது மனைவியை அடிக்காதே!! என்பதுதான்.

இதற்கு மேலும் இஸ்லாம் பெண்களை அடிமைப்படுத்தி வைக்கிறது என்று வாதிடுவோர்களின் கவனத்திற்கு ஒன்றைச் சொல்கிறேன்: அமெரிக்காவின் ஆன்மீகக் குரு ரெவரண்ட் பேட் ராபெர்ட்ஸன் 1992-ல் கூறிய கருத்து இதோ: "பெண் விடுதலை என்பது சமூக சீர்கேட்டை உருவாக்கி, குடும்ப பாரம்பரியத்தை சீர்குலைத்து, கணவர்களை விட்டு ஒடுகின்ற, தங்கள் குழந்தைகளைக் கொல்கின்ற, ஒரினச் சேர்க்கையில் பெண்களை ஈடுபடுத்துகின்ற ஓர் இயக்கமாகும்''. இப்போது சொல்லுங்கள்! யார் நாகரீகமானவர்கள்? யார் நாகரீகமற்றவர்கள்? என்று.''

(சகோதரி யுவான் ரிட்லி லண்டனில் இயங்கும் இஸ்லாம் சேனல் தொலைக் காட்சியின் அரசியல் எடிட்டர் மற்றும் 'In the Hands of Taliban: Her Extra ordinary Story' என்ற நூலின் இணையாசிரியர் ஆவார். இந்த நூலாசிரியரை hermosh at aol dot com என்ற இமெயிலில் தொடர்பு கொள்ளலாம். மேலும், 2001-ம் வருடம் இவர் தாலிபான்களிடம் சிக்கி இஸ்லாத்தின் மீது ஆர்வம் கொள்ள வைத்த சுவையான சம்பவம் குறித்து இவரது நேரடி பேட்டி அப்போது 'நியூஸ் வீக்' பத்திரிக்கையில் பரபரப்பாக வெளியாகி இருந்தது)

சிறந்தவர்களின் சிறந்த வரிகள்

2009-10-11T14:36:00.010+04:00

உலகில் சிறந்தவர்களாக கருதப்பட்டவர்களின் சிறந்த வரிகள் உங்கள் பார்வைக்கு.

ef="http://1.bp.blogspot.com/_gbJHkD_DM7U/StG6yG-hJeI/AAAAAAAAAWk/OSvWNzobjgQ/s1600-h/top+10.bmp">

என்னுள் நீ

2009-10-10T00:38:00.002+04:00

மணம் வீசும்
மலர்களிலே
மணம் எந்தப் பக்கம்
அது போல்
என் மனதினிலே
நீ எனக்கு
எந்தப் பக்கம்

ஒளி வீசும் நிலவினிலே
ஒளி எந்தப் பக்கம்
அது போல்
என் நினைவினிலே
நீ எனக்கு
எந்தப் பக்கம்

வீணையிலே
இனிய நாதம்
எந்தப் பக்கம்
அது போல்
என் சுவாசத்திலே
நீ எனக்கு
எந்தப் பக்கம்

ஆகாயத்தில்
நீல வண்ணம்
எந்தப் பக்கம்
அது போல்
என் ஆன்மாவில்
நீ எனக்கு
எந்தப் பக்கம்

மேகத்திலே
மின்னல் ஒளி
எந்தப் பக்கம்
அது போல்
என் தேகத்திலே
நீ எனக்கு
எந்தப் பக்கம்

கடல் நீரில்
உப்பு கள்
எந்தப் பக்கம்
அது போல்
என்னில் கரைந்தவளே
என்னுள் நீ
எந்தப் பக்கம்

விமானம் தாங்கி கப்பல்கள்

2009-10-08T13:10:00.009+04:00

உலகெங்கிலும் உள்ள விமானம் தாங்கி கப்பல்களில் சிலவற்றின் படங்கள் தாங்களின் பார்வைக்கு

கட்டணமா

2009-10-08T12:30:00.002+04:00

அந்த மாலை நேர மஞ்சள் என்ன
உன் நிறமா
நீ- நான் மனசுக்குள் பூட்டி வைத்த
வண்டினமா
துள்ளி வரும் கால்கள் என்ன
மானினமா
உன் மொழிப்பேசும் விழிகள் என்ன
மீனினமா
உன் விரித்து வைத்த கூந்தல் என்ன
மயிலினமா
உன் இனிமையான குரல் என்ன
குயிலினமா
உன் மேனி என்ன வாசம் விசும்
சந்தனமா
நீ மொத்ததில் பூத்து நிற்கும்
பூ மரமா
நித்தம் உன்னைக் காண வேண்டும்
சம்மதமா
உன் நினைவாலே ஆகிப் போனேன்
பைத்தியமா
கொஞ்ச நேரம் வந்து நில்லு
வைத்தியமா
உனக்கு தாலி ஒன்னு கட்டப் போறேன்
சீக்கிரமா
நான் சொன்ன வாக்கு மாறமாட்டேன்
சத்தியமா
இது சட்டென்று கலைந்துப் போக
சொப்பனமா
என்னையே நான் உனக்கு தரப்போறேன்
அர்பணமா
அடி எட்ட நின்று கேள்வி என்ன
சௌக்கியமா ?
உன்னை கிட்ட வந்து தொட்டுப் பார்க்க
கட்டணமா.

கேட்டேன் சொன்னாய்

2009-10-07T12:28:00.005+04:00

உறவைக் கேட்டேன்
பிரிவையும் தந்தாய்
காரணம் கேட்டேன்
உறவும், பிரிவும்
பிரிக்க முடியா
இரட்டையர் என்றாய்

அன்பைக் கேட்டேன்
வெறுப்பையும் தந்தாய்
காரணம் கேட்டேன்
அன்பும் வெறுப்பும்
இணை பிரியா
நண்பர்கள் என்றாய்

இன்பம் கேட்டேன்
துன்பமும் தந்தாய்
காரணம் கேட்டேன்
இன்பமும் துன்பமும்
பிரிக்க முடியா
கடலும் அலையும் என்றாய்

பொருளைக் கேட்டேன்
இழப்பும் தந்தாய்
காரணம் கேட்டேன்
பொருளும் இழப்பும்
பிரிக்க முடியா
உடலும் உயிரும் என்றாய்

சுகங்கள் மட்டும்
தனியாய் கேட்டேன்
சோகமும் கூட சேர்;த்தே தந்தாய்
காரணம் கேட்டேன்
சுகமும் சோகமும்
பிரிக்க முடியா
நீரும் மீனும் என்றாய்

வெளிச்சம் கேட்டேன்
இருளையும் தந்தாய்
காரணம் கேட்டேன்
வெளிச்சமும் இருளும்
பிரிக்க முடியா
மலரும் மணமும்; என்றாய்

குளுமைக் கேட்டேன்
உஷ்ணமும் தந்தாய்
காரணம் கேட்டேன்
குளுமையும் உஷ்ணமும்
பிரிக்க முடியா
நிலவும் வானும் என்றாய்

காசைக் கேட்டேன்
செலவையும் தந்தாய்
காரணம் கேட்டேன்
காசும் செலவும்
பிரிக்க முடியா
நீயும் நானும் என்றாய்

எண்ணிப் பாhத்தேன்
எல்லாம் இரண்டு
காரணம் கேட்டேன்
காதில் சொன்னாய்

இன்பம் அறிய
துன்பமும் வேண்டும்
இனிப்பு அறிய
கசப்பும் வேண்டும்
வெளிச்சம் அறிய
இருளும் வேண்டும்
அறிவே நீ
அறிந்தவன் நீ
அடிமை நான்
தலை நிலம் வைத்தேன்

அடிமை எனக்கொரு
வேண்டுதல் என்றேன்
புருவம் உயர்தி
என் முகம் பார்தாய்

இரண்டு இல்லா
ஒரு நிலை வேண்டும்
அடிமை எனக்கு
அருள் செய்ய வேண்டும்

முறுவலாய் பார்த்து
முக்தி என்றாய்
பெற்றதால் நானே
பெரு மகிழ்வடைதேன்.

அவள்

2009-10-06T12:25:00.003+04:00

நீங்கள் மொட்டுகள்
மலர்வதை பார்ததில்லையே
அவள் புன் சிரிப்பை பாருங்கள்

மீன்கள் சிறகடித்து
பார்ததில்லையே
அவள் கண்களைப் பாருங்கள்

நிலவுக்கு நாசி வைத்துப்
பார்ததில்லையே
அவள் முகத்தைப் பாருங்கள்

கொடி ஆடைக் கட்டிப்
பார்ததில்iயே
அவள் இடையைப் பாருங்கள்

தென்றலுக்கு கால் முளைத்து
பார்ததில்லையே
அவள் நடையைப் பாருங்கள்

சித்தாரின் சிணுங்கள்
கேட்டதில்லையே
அவள் சிரிப்பொலி கேளுங்கள்

ஒரு கவிதை கையசைத்துப்
பார்ததில்iயே
அவள் கையசைவைப் பாருங்கள்

வெண்ணிலா வீதி வந்துப்
பார்ததில்லையே
அந்தப் பெண்ணிலவைப் பாருங்கள்

பின்னலிட்ட மின்னலைப்
பார்ததில்லையே
அவள் வீட்டு ஜன்னலைப் பாருங்கள்

என் பக்கம் வீசாத என
ஏங்க வைக்கும் அவள்
ஒரு பாவடைக் கட்டிய
பருவக்காற்று

பார்வை பட்டாலே
மனதுக்குள்
மழை பெய்ய வைக்கும் அவள்
ஒரு மலர் வைத்த மழை மேகம்

அவளை
உங்களுக்கும் காட்ட ஆசைதான்
என்ன செய்ய
அவள் கனவு முடிந்ததும்
மறைந்துவிடும் மாயக் கன்னி

காகிதத் திருவிழா

2009-10-06T10:19:00.012+04:00

நம் நாட்டில் பல திருவிழாக்கள் உண்டு, அது போல் ஐரோப்பிய நாடுகளில் அவர்களின் திருவிழா மிகவும் வித்தியாசமாக இருக்கும் ஸ்பெயினில் தக்காளித் திருவிழா, நெதர்லாண்டில் பழங்களின் திருவிழா, அது போல் போர்ச்சுகிஸில் காகிதத் திருவிழா இதோ அவற்றின் படங்கள் சில கண்டு களியுங்கள்

அந்தரத்தில் நிற்கும் மனிதன்

2009-10-04T13:03:00.005+04:00

உலகின் சிலவிசயங்கள், விஞ்ஞானத்தையும், மனித அறிவின் எல்லைக்கு அப்பாற் பட்டும் நடந்துக் கொண்டுதானிருக்கிறது. அவற்றை இல்லை என்றும் கூறமுடியாது ஆம் என்றும் கூறமுடியாது.

அந்தக் காலத்தில் ரிஷிகளும், ஞானிகளும் வானில் பறக்கவும் அந்தரத்தில் நடக்கவும் சக்திப் பெற்றிருந்தார்கள் என்றுக் கூறுவர் இதை நம்புவதும் நம்பாததும் அவரவர் நம்பிக்கையைப் பொருத்தது. இதோ ஒருவர் ஜெர்மன் வீதிகளில் அந்தரத்தில் நிற்கிறார், விஞ்ஞான விதிகளையும் தாண்டி. நம்புவதும் நம்பாததும் அவரவர் இஷ்டம்.

இது என் தேசம்

2009-10-01T10:30:00.010+04:00

இது என் தேசம்

உலக நாடுகளில் மிக குறைந்த பொருளாதார நிலையில் உள்ள மேற்கத்திய நாடுகள், ஆசிய நாடுகளில் எல்லாம் போக்குவரத்திற்கு பயன்படும் சாலைகளை மிக அழகாக செய்துக் கொடுக்கிறது அந்தந்த நாட்டு அரசாங்கம்.

சாலைகளில் இருமருங்கிலும் மரங்கள் வளர்பதற்கும் அதனை பராமரிப்பதற்கும் ஒரு தொகையினi செலவு செய்கிறது அரசாங்கம், சாலைகள் சீராக இருப்பதால் விபத்துகள் தடுக்கப் படுகிறது பயணம் சுகமாக இருக்கிறது.

நம் இந்திய தேசம் கோடிக்கணக்கான ருபாய்களை வருமானமாகப் பெருகிறது, பொது மக்களின் அவசியத் தேவையாகிய சாலைகளைப் பற்றி கொஞ்சமும் கவலைப் படுவதில்லை, விண் கோள்களுகளுக்கும் அணுக் குண்டுகளுக்கும் செலவிடும் என் தேசம் என்று சாலைகளில் சந்தோசமாக பயணிக்கும் நாட்களை உருவாக்கும் என்று ஏக்கத்துடன் வல்லரசு இந்தியாவின் ஒரு குடிமகன்.

Dubai
Germany
Oman
Riyad
Singapur
இனி டைட்டில் தேவை இல்லை

நலமுடன் வாழ

2009-09-30T17:18:00.004+04:00

நலமுடன் வாழ

மூளை மனிதனை முழுவதும் கட்டுபடுத்துகிறது. ஓவ்வொரு உறுப்புக்கும் மூளையிலிருந்தே கட்டளைகள் செல்கின்றன. மூளை சரியாக செயல் படவிட்டால் உடல் உறுப்புகளும் செயல் இழந்து விடும். அன்றாட வாழ்வில் நாம் எடுக்கும் முடிவுகள் நம் வாழ்கையையே மாற்றி அமைத்து விடுகின்றன.

எனவே மூளை சோர்வாகவோ, அதிக உழைப்புக்கோ ஆட்பட்டு இருந்தால் நம்மால் மலர்ச்சியாக இருக்க முடியாது ஆகையால் இத்தகைய சிறப்புமிக்க மூளையை நாம் பாதுகாக்க வேண்டியது நம் கடமையாகும்.

மூளையை பாதிக்கும் சில விசயங்களை தொகுத்து தந்திருக்கிறேன்

1.காலை உணவு – Break Fast

காலை உணவு உண்ணாதவர்களின் இரத்ததில் சர்கரையின் அளவு குறைகிறது இதனால் மூளைக்குத் தேவையா சத்துப் பொருட்களை கொண்டு செல்வதில் பற்றாக்குறை ஏற்படுகிறது, மூளையின் இயங்கு திறன் குறைகிறது.

2. அதிகமாக உண்ணுதல் - Over Eating

இது மூளைக்கு இரத்தம் செல்வதை கடினப் படுத்துகிறது இதனால் மூளைத்திறன் குறைகிறது.

3. புகைத்தல் - Smoking
இது அதிக மூளை சுருக்கங்களை உண்டு பண்ணுகிறது இதனால் Alzheimer என்ற நோய் உண்டாகிறது

4. அதிக சர்கரை உண்ணுதல் - High Sugar consumption

அதிக அளவு சர்கரை உண்பது இரத்ததிலிருந்து Protein களையும் Neutrien களையும் மூளை பெறுவதில் தடை ஏற்படுகிறது.

5. சுத்தமற்றக் காற்று – Air polution

நம் உடலிலேயே அதிகம் Oxygen உட்கொள்வது நமது மூளையாகும் சுத்தமற்ற காற்று மூளையின் திறனைக் குறைக்கிறது.

6. தூக்கமின்மை – Sleep deprivation

நாம் நன்றாக தூங்கும் போதுதான் மூளைக்கு தேவையான ஓய்வு கிடைக்கிறது, மிகக் குறைவான தூக்கம் மூளையின் செல்கள் இறப்பதற்கு காரணமாக இருக்கிறது.

7. தூங்கும் போது தலையை மூழுவதும் மூடுதல் - Head covering while sleeping
தலையை சுற்றி துணியை சுற்றிக் கொண்டு தூங்கும் போது corbon dyoxide அதிகமாகவும் oxygen குறையவும் செய்கிறது இது மூளையை பாதிக்கிறது எழும் போது சோர்வு ஏற்படுகிறது.

8. உடற்சுகமின்றி இருக்கும் போது மூளைக்கு வேலைக் கொடுத்தல் - Working your brain while your illness

uடல் நலமில்லாத நேரங்களில் மூளைக்கு ஓய்வு கொடுப்பது நல்லது இல்லையேல் மூளையை பலஹினப்படுத்தும்

9. நல்ல எண்ணங்களை எண்ணாமை – Lacking in stimlating thoughts

தொடர்சியான நல்ல எண்ணங்கள், தியானம் போன்றவை மூளையை மலாச்சியா வைத்திருக்க உதவும் நல்ல எண்ணங்களின் குறைபாடு மூளையை இறுக்கப் படுத்துகிறது.

10. குறைவாக பேசுதல் - Rarely talking

குறைவாகப் பேசுதல் மூளைத்திறனை அதிகப் படுத்தும் - Intellectual conversation will promote the efficiency of the brain

நல்லதையே எண்ணுவோம் நல வாழ்வு வாழ்வோம்

ஹிரோசிமா நாகசாகி அன்றும் இன்றும்

2009-09-30T08:50:00.011+04:00

ஹிரோசிமா நாகசாகி அன்றும் இன்றும்
1945 ம் ஆண்டு இரண்டாம் உலகப் போரில் அமெரிக்காவால் ஜப்பானின் நகரங்களாகிய ஹிரோசிமா நாகசாகியில் இடப்பட்ட லிட்டில் பாய் அணட் ஃபாட் பாய் என்ற அணுக் குண்டு வீச்சுக்கு பின் பல்லாயிரக் கணக்கான மக்கள் இறந்தனர் 70 வருடங்களுக்கு புல் பூண்டு முளைக்காது என்று சொல்லப் பட்ட இரு நகரங்களின் இன்றய வளாச்சி உலகமே அதிசயக்கும் படி உள்ளது.
ஜப்பானியர்களின் தன்னம்பிக்கைக்கும் உழைப்புக்கும் இது முன்னுதரானமாகும்.
சுதந்திரம் கிடைத்து 50 ஆண்டுகளுக்கு மேலாகியும் நாம் அடைந்த முன்னேற்றம் என்ன ஓவ்வொரு இந்தியனும் சிந்திக்க வேண்டிய விசயம் குறிப்பாக அரசியல் வாதிகள், அவர்களின் சாதனையாக சுவிஸ் பாங்கில் மறைத்து வைத்திருக்கும் பணத்தைச் சொல்லலாம்.

புகை பிடிக்கும் குழந்தை

2009-09-29T15:30:00.007+04:00

புகை பிடிக்கும் குழந்தை
குழந்தைகள் எந்த நாட்டுக் குழந்தையாக இருந்தாலும் குழந்தை தான், அவர்களுக்கு பெற்றோர் தான் முன் மாதிரி, இதை பெரும்பாலன பெற்றோர்கள் உணர்வதில்லை, சிறு குழந்தைகள் முன்பாகவே புகைத்தல், குடித்தல் போன்ற விரும்பதாகத காரியங்களில் ஈடுபடுகிறோம் அது குழந்தைகள் மனதை வெகுவாக பாதிக்கிறது.

பெரியவர்கள் என்ன செய்கிறார்களோ அதை அப்படியே செய்து பார்பவர்கள் தான் குழற்தைகள். குழந்தைகள் ஒழுக்கமுள்ளவர்களாக வளர பெற்றோர்கள் முன் மாதிரியாக திகழ வேண்டும்

குழந்தைகளின் முதல் ஆசிரியர்கள் பெற்றோர்கள் தான் ஆகையால் குழந்தைகள் முன்பு தவறான வார்த்தைகள் உபயோகப்படுத்தல், கணவன் மனைவி சண்டை போன்றவைகள் நடக்காமல் பார்த்துக் கொள்ள வேண்டும்.

ASTRONOMY IN THE LIGHT OF AL QURON

2009-09-28T15:07:00.022+04:00

சூரியக் குடும்பம் உருவான காலகட்டத்தில் பூமியில் இரும்புக்கான தாதுப் பொருட்களே இல்லை என்றும் அதன் பின்னரே விண்கற்கள் மழையாகப் பொழியப்பட்ட காலத்தில் வானிலிருந்து இந்த இரும்புகள் பூமிக்கு வந்திருக்கின்றன என்று நவீன வானவியல் அறிஞர்கள் கூறுகிறார்கள். இதைப்பற்றி சிறிது விரிவாக பார்ப்போம்.

சூரியக் குடும்பத்தின் ஆற்றல் (Energy of Solar system) இரும்பை உறுவாக்கும் ஆற்றலைப் பெற்றிருக்கவில்லை. இரும்பின் ஒரு அணுவை உருவாக்குவதற்கு இந்த சூரியக் குடும்பத்தின் மொத்த ஆற்றலைப்போல நான்கு மடங்கு ஆற்றல் (Four Times energy of Entire solar System is Required to Produce a Single Atom of Iron) தேவைப்படுகிறது. எனவே பூமியில் உள்ள இரும்புகள் எங்கிருந்தோ வானத்திலிருந்து வந்திருக்க வேண்டும் என்கின்றனர் NASA விண்வெளி ஆராய்ச்சி நிலையத்தைச் சேர்ந்த ஆராய்ச்சியாளர்கள்.

தற்கால அறிவியலாளர்கள், தற்போது பூமியில் காணப்படும் இரும்புகள் 4.5 பில்லியன் ஆண்டுகளுக்கு முன்னால் சூரியனை விடப் பன்மடங்கு பெரிதாகவிருந்த ஒரு நட்சத்திரம் வெடித்துச் சிதறியதால் ஏற்பட்ட துகள்கள் சூரியக் குடும்பத்தில் உள்ள பூமியின் ஈர்ப்பாற்றலினால் இழுக்கப்பட்டு அதனோடு மோதி பூமியில் இரும்புக்கான தாதுப்பொருட்கள் பரவலாக கிடைக்க வழி வகுத்தது என்று கூறுகிறார்கள். (பார்க்கவும் வீடியோ)
இந் அறிவியலாளர்கள் மேலும் கூறுகையில், ஆரம்பத்தில் இளகிய நிலையில் இருந்த இந்த பூமி தற்போதுள்ள அளவை விட மிகச் சிறியதாக இருந்ததாகவும் இரும்பின் தாதுப்பொருட்கள் அடங்கிய மிகப்பெரிய ஆஸ்ட்ராயிட்ஸ் எனப்படும் விண்கற்கள் 10 க்கும் மேற்பட்டவைகள் பூமியில் மோதியதாகவும் ஒவ்வொரு தடவையும் மோதும் போது பூமி தன் அளவில் பெரியதாக ஆனதாகவும் கூறுகிறார்கள். (பார்க்கவும் வீடியோ)
பூமி, சந்திரன், சூரியன் இவைகளெல்லாம் மிகப்பெரிய வெடிப்பின் மூலம் (Big Bang) தோன்றியது என்பதை நாம் அறிவோம். இவ்வாறு வெடித்துச் சிதறியதால் பூமி, சந்திரன் மற்றும் சூரியன் தோன்றிய அதே நேரத்தில் பல்லாயிரக்கணக்கான சிறியதும், பெரியதுமான விண்கற்கள் (Asteroids and Meteoroids) தோன்றி அவைகளும் இப்பரந்த விண்வெளியில் சுற்றித் திரிகின்றன.

கற்கள் ஒன்றோடொன்று மோதிக்கொள்வதால் அவைகள் வெடித்துச்சிதறி புதிய புதிய கற்கள் தோன்றிய வண்ணம் இருக்கின்றன. அவைகள் அவ்வபோது பூமி, சந்திரன் ஈர்ப்பாற்றலினால் இழுக்கப்பட்டு இவைகளின் மீது மோதுகின்றன.
பூமி உருவான காலகட்டத்தில் பூமியின் மீது தொடர்ச்சியாக விண்கல்மாரிகள் பொழிந்தவண்ணமாக இருந்தது. இந்தக் காலகட்டத்தை (Bombardment Period) என்று கூறுவர். விழுந்த கற்களில் பல்வேறு தாதுப்பொருட்கள் இருந்தது. இவ்வாறு விண்ணிலிருந்து வந்த விண்கற்கள் மூலமாக கிடைத்ததே இந்த பூமியிலுள்ள இரும்புகள் அனைத்தும் என்கின்றனர் வல்லுனர்கள்.

தற்போது அவ்வபோது இந்த மாதிரி விண்ணிலிருந்து விண்கற்கள் மூலமாக இரும்புகள் பூமியை நோக்கி வந்தவண்ணம் இருப்பதாகக் கூறும் விஞ்ஞானிகள் இதற்கு ஆதாரமாக 1947 ஆம் ஆண்டு ரஷ்யாவில் விழுந்த விண்கல்லை (Meteorite) காட்டுகின்றனர். இக்கல்லில் நான்கு சதவிகிதம் நிக்கல் என்ற பொருளும் ஏனைய பெரும்பகுதி இரும்பாகவும் இருந்ததாகக் கூறுகின்றனர்.

புஉமியில் காணப்படும் இரும்புகள் அனைத்தும் பூமியில் தாமாகவே உருவாகவில்லை! மாறாக வானத்தில் வேறு எங்கிருந்தோ பூமியை நோக்கி வந்தது என்பது தற்காலத்தில் கண்டுபிடிக்கப்பட்ட விஞ்ஞான உண்மையாகும்.
ஆனால் இந்தப் பேருண்மையை 1400 ஆண்டுகளுக்கு முன்னரே அனைத்துலகங்களைப் படைத்த அந்த இறைவன் உலக மாந்தர்களுக்கெல்லாம் நேர்வழிகாட்டிட அவன் இறக்கியருளிய அவனுடைய சத்தியத் திருவேதத்திலே இதைக் குறித்து குறிப்பிட்டு மக்கள் சித்தித்து தெளிபெறுமாறு அறிவுறுத்துகிறான்.
அல்லாஹ் கூறுகிறான்: -

“நிச்சயமாக நம் தூதர்களைத் தெளிவான அத்தாட்சிகளுடன் அனுப்பினோம்; அன்றியும், மனிதர்கள் நீதியுடன் நிலைப்பதற்காக, அவர்களுடன் வேதத்தையும் (நீதத்தின்) துலாக்கோலையும் இறக்கினோம்; இன்னும், இரும்பையும் இறக்கினோம். அதில் கடும் அபாயம் இருக்கிறது; எனினும் (அதில்) மனிதர்களுக்குப் பல பயன்களும் இருக்கின்றன - (இவற்றின் மூலமாகத்) தனக்கும், தன்னுடைய தூதருக்கும் மறைமுகமாகவும் உதவி செய்பவர் எவர் என்பதையும் (சோதித்து) அறிந்து கொள்வதற்காக அல்லாஹ் (இவ்வாறு அருள்கிறான்); நிச்சயமாக அல்லாஹ் பலம் மிக்கவன், (யாவரையும்) மிகைத்தவன்” (அல்குர்ஆன்: 57:25)

ஞானி

2009-09-28T11:03:00.003+04:00

உடலையும் உள்ளத்தையும் தாண்டி
உயிரை உரசிப் பார்ப்பவன் ஞானி

உயிருக்குள் இறங்கி
முத்துக் குளிப்பவன் ஞானி

புறங்களின் போர்வையை
நீக்கிப் பார்பவன் ஞானி

அகம் புறம் இரண்டிலும்
விக்ரக நிக்ரகம் செய்தவன் ஞானி

ஆதி முதலாய் எதுவும் பாதி
இல்லை என்பதை ஓதி உணர்ந்தவன் ஞானி

இருப்பதற்கும் இல்லாமைக்கும்
இடைவெளி இல்லை என்பதை
அறிந்து கொண்டவன் ஞானி

ஞானம் என்பதை காட்டுக்குள்
தேடாமல் உடற் கூட்டுக்குள்
தேடுபவன் ஞானி

உள்ளுகுள் ஒளிந்திருக்கும்
சத்துக்குள் சம்பாசிப்பவன் ஞானி

ஞானம் என்பது இறைவன்
கொடுக்கும் தானம்

அதைப் பெற்றவன் உள்ளம்
எல்லை இல்லா வானம்

சிங்கார துபை

2009-09-27T13:21:00.015+04:00

சிங்கார துபை

சிங்கார துபையின் அழகுக்கு அழகு சேர்க்க, துபை மெட்ரோ ரயிலின் இயக்கம் தொடங்கி விட்டது. முதன் முதலாக முழுவதும் ஓட்டுனர் இல்லாத தானியங்கி ரயில் தொடங்கப் பட்டுள்ளது.

இதன் நிலையங்கள் முழுவதும் ஏர் கண்டிசன் செய்யப் பட்டுள்ளது, ரயில் வந்து நின்றதும் ரயிலின் கதவும் பிளாட்பாரக் கதவும் சேர்ந்து திறப்பது போல் வடிவமைக்கப் பட்டுள்ளது.

துபை அரசு, 2010 ல் சுமார் 1.5 மில்லியன் சுற்றுலா பயணிகள் இந்த ரயிலை பயன் படுத்துவார்கள் என்று எதிர் பார்கிறது. மேலும் இது தற்போதைய வாகன நெரிசல்களை குறைப்பதோடு, நகரின் முக்கிய இடங்களை இணைக்கிறது.

2005 ல் தொடங்கப்பட்டு 2009 ல் முடிக்கப்பட்ட (இன்னும் பணிகள் முடியவில்லை) இந்த மெட்ரோ ரயில் 12.45 மில்லியன் திர்ஹமில் தொடங்கப்பட்டு 28 மில்லியன் திhஹம் செலவை இது வரை எட்டியுள்ளது.

இதை ஜப்பானியக் கம்பெனிகளான மிட்சுபிசி ஹெவி இண்டஸ்ட்ரி, மிட்சுபிஸி கார்பரேசன், ஓபாயாசி கார்பரேசன், கஜிமா கார்பரேசன் துருக்கி நாட்டு யாப்பி மர்கசி, ஆகிய நிறுவனங்கள் இணைந்து செய்தன.

இதன் ரெட் லைன் எனப்டும் டிராக்கின் தூரம் 35 கீமி ராசிதியா முதல் ஜபல் அலி வரை, (இது தொடங்கப் பட்டு விட்டது) கிரின் லைன் எனப்படும் டிராக் அல் கிஸ்ஸஸ் முதல் அல் ஜத்தாஃப் வரை, இது 2010 மாhச்சில் தொடங்படும். மொத்தம் 70 கிமி நீளத்தில் 47 நிலையங்களுடன் இதில் 9 நிலையங்கள் அண்டர் கிரவுண்ட் உள்ளது.

இதில் ஒரு நாளைக்கு 27000 ம் பயணிகள் பயணிகள் பயணிப்பார்கள் என்று எதிர் பார்க்கப் படுகிறது இதன் வேகம் மணிக்கு 40 – 45 கிமி இருக்கும். ஜப்பானிய நிறுவனமான கிங்கி சரயவோ 87 பெட்டிகளை செய்து கொடுத்துள்ளது.

இதன் சிக்கனல் முழுவதும் தானியங்கி முறையில் அமைக்கப் பட்டுள்ளது அலுவலக கூட்டம் இல்லாத நேரத்தில் 7 நிமிடங்களுக்கு ஒரு முறையும், கூட்டம் உள்ள நேரங்களில் 3 நிமிடங்களுக்கு ஒரு முறையும ரயில் நிலையத்திற்கு வரும்.

கார் நிறுத்தும் வசதிகளும் எதிர்காலத்தில் செய்து தரப்படும், ராசிதியா நிலையத்தில் 3000 கார்கள் நிறுத்த வசதியும், ஜிமைரா ஐலண்ட் நிலையத்தில் 3000 கார்கள் நிறுத்தும் வசதியும், அல் கிஸ்ஸஸ் நிலையத்தில் 6000 கார் நிறுத்தும் வசதியும் செய்துக் கொடு;க்கப் படும்.

இது அமிரக மக்களுக்கு சிறந்த வரபிரசாதமாகும்.

ராஜா கமால்
துபை

நீண்ட நாள் வாழ் நிறைய வழிகள்

2009-09-27T08:54:00.001+04:00

நீண்ட நாள் வாழ் நிறைய வழிகள் உள்ளன. நம் வாழ்வை நாமே கெடுத்துக் கொள்ளாமல் இருப்பது முக்கியம்!

என்ன செய்தால் நீண்ட நாள் வாழலாம். சிலவற்றைத் தொகுத்துத் தந்துள்ளேன்!

1.நடுத்தர வயதுடைய நீங்கள் வாரம் 5 மணிநேரம் ஓடுகிறீர்களா? அப்படியானால் வயதானாலும் உங்களுக்கு உடல் வலிவுடன் இளமையும் சிந்தனைத் திறனும் இருக்கும். இதயக் கோளாறுகள், புற்றுநோய், நரம்பு வியாதிகள் வருவதும் குறைகிறது.

2.நார்ச்சத்துள்ள பழங்களை அதிகம் உண்ணுகிறீர்களா? உங்கள் கெட்ட கொழுப்பு குறையும், உடல் எடையையும் குறைக்கலாம். உடலில் இன்சுலின் சுரப்பும் நன்றாக இருக்கும்.

3.உங்களை நீங்கள் இளமையாக நினைத்துக் கொள்கிறீர்களா? உங்கள் எண்ணமே உங்களுக்கு சவால்களை எதிர்த்து வெற்றிகொள்ளும் மனதைக் கொடுக்கும். உடலும் நீங்கள் சொல்வதைக் கேட்கும்!

4.நவீன தொழில் நுட்பத்தில் ஆர்வமுடன் இருக்கிறீர்களா? பிளாக்கர், ட்விட்டர், ஃபேஸ்புக்,ஸ்கைப் ஆகியவற்றில் ஆர்வமுடன் பங்கு கொள்ளுங்கள். குடும்பத்தினர், நண்பர்களுடன் தொடர்பில் இருங்கள். புதிய செய்திகளைத் த்ரிந்துகொள்வதில் ஆர்வத்துடன் இருங்கள். இது உங்கள் மூளையைப் புத்துணர்ச்சியுடன் இருக்கச்செய்யும்.

5.உங்கள் உணவில் கவனம் செலுத்துகிறீர்களா? 1400-2000 கலோரிக்குள் தினமும் சாப்பிடுவது இதயத்துக்கு நல்லது. உங்கள் இதயம் உங்களைவிட 15 வயது இளையவர்களைப்போல் வலுவுடன் இயங்கும்.

6.மீன்களையும், கொட்டைகளையும் சாப்பிடுங்கள்! இவற்றில் ஒமேகா3 கொழுப்பு என்ற நல்ல கொழுப்பு இருப்பதால் இவை உடலுக்கு நல்லது! இவை ரத்த நாளங்கள் பழுதாவதைத் தடுக்கின்றன!

7.முழுதானிய உணவை உண்ணுங்கள்! இவற்றில் விட்டமின் ஈ, நார்ச்சத்து அதிகம்! முழு கோதுமை ரொட்டி, பஸ்தா, போன்றவை புற்றுநோயைக்கூடத்தடுக்கும்!!

8.100-200 முறை சிரித்தால் அது பத்து நிமிடம் ஜாகிங் செய்ததற்கு சமம் !! உண்மைங்க! அது உடலில் உள்ள ஸ்ட்ரெஸ் ஹார்மோன்களைக்குறைத்து உடலின் எதிர்ப்பு சக்தியை அதிகரிக்கும்!

9.ஒரு நாளில் எட்டு மணி நேரத்துக்கு மேல் தூங்க வேண்டாம்! அதே போல் நான்கு மணி நேரத்துக்குக் குறைவாகவும் தூங்கக்கூடாது! இந்த வகைத் தூக்கம் உள்ளவர்களில் இறப்பு அதிகம்!

10.நீண்ட மண வாழ்க்கை ஆயுளைக் கூட்டும். ஆண் பெண் இரு பாலருக்குக் இது பொருந்தும்.

11.தாய்தந்தையருடன் நெருக்கமாக இருக்கும் பிள்ளைகளுக்கு கொடிய நோய்கள் - இரத்த அழுத்தம், இதயக்கோளாறுகள் வருவது குறைவாம்!

12.உங்களுக்குப் பிடித்தமான விளையாட்டு ஏதாவது விளையாடுங்கள்! செஸ், சீட்டு, கேரம் என்று பிடித்த விளையாட்டை விளையாடுபவர்கள் உடல் நலமுடன் இருக்கிறார்களாம்!

13.பச்சைத் தேயிலைட்ட்டீ, கருப்பு டீ ஆகியவற்றில் இதயநோய் தடுக்கும். ஆகையால் தினம் ஒருமுறை சாப்பிடுங்கள்! குறிப்பாக மாரடைப்பு வந்தவர்கள் இதனை அருந்தினால் 28% அதிகம் உயிர் வாழ்கிறார்கள்!

14.ஆபீஸ் வேலையை வீட்டுக்குக் கொண்டு செல்லாதீர்கள். ஆபீஸ் வேலையை டென்சனை அங்கேயே விட்டுவிடுங்கள்! அதிக டென்ஷன் உங்களை சீக்கிரம் முதுமையடையச்செய்யும்!!

15.நாய், பூனை, மீன் என்று ஏதாவது வளருங்கள்! வளர்ப்புப் பிராணிகள் வளர்ப்பவர்களுக்கு இரத்த அழுத்தம் குறைகிறதாம்!

நிறைய நாம் படித்தவைதான். மீண்டும் மீண்டும் படித்துத் தெரிந்து கொள்வதால் அவற்றை நாம் பயன்படுத்தி நீண்ட நாள் வாழலாமே!!

எத்தனை

2009-09-25T20:25:00.004+04:00

நித்தம் பிறப்பெடுத்து
பிறவிப் பெருங்கடல்
நீந்துவோர் தான்
எத்தனை

சித்தம் தெளிந்து
சீர் கரை
சேருவோர் தான்
எத்தனை

வாழ்கை கடலினில்
வசதிக் கரை நோக்கி
நீந்துவோர் தான்
எத்தனை

அதை வாழ்கை
முடியுமுன்னே
வாய்க்கப்
பெற்றவர் தான்
எத்தனை

உலகம் என்ற
உருண்டைக்குள்ளே
மனிதன் அடிக்கும்
நீச்சல் தான்
எத்தனை

பசித்த வயிற்றுக்கு
உணவை சேர்க்க
அடிக்கும் நீச்சல் தான்
எத்தனை

பொய்மையிலிருந்து
உண்மைக்கு அடிக்கும்
நீச்சல் தான்
எத்தனை

இருட்டில் இருந்து
வெளிச்சத்திற்கு
அடிக்கும் நீச்சல் தான்
எத்தனை

தீமையிலிருந்து
நன்மைக்கு
அடிக்கும் நீச்சல் தான்
எத்தனை

இதயக் கடலில்
எண்ணங்களுடன்
அடிக்கும் நீச்சல் தான்
எத்தனை

பிறந்தது முதல்
இறக்கும் வரை
வாழ்வதற்கே
நாம் அடிக்கும்
நீச்சல் தான்
எத்தனை

இதில் நீந்தி
கரை சேர்ந்தோர் தான்
எத்தனை

ராஜா கமால்
துபை

கடலிலிருந்து வரும் காற்று பாலைவனத்தை சோலையாக்கும்

2009-09-22T15:37:00.000+04:00

கடலிலிருந்து வரும் காற்று பாலைவனத்தை சோலையாக்கும்

காற்று சக்தியையும், கடல் தண்ணீரையும் சேர்த்து மழையை உருவாக்கி பாலைவனங்களை பசுமையாக்கும் ஒரு புதிய தொழில்நுட்பம் கண்டுபிடிக்கப்பட்டுள்ளது.

எடின்பரா பல்கலைக்கழகத்தைச் சார்ந்த ஸ்டாபன் ஸால்டர் அவர்களது ஆராய்ச்சிக்குழு 40 மீட்டர் விட்டம் உடைய காற்றால் இயங்கும் டர்பைன்களை உருவாக்கி வருகிறார். இவை கடல்தண்ணீரை மிகச்சிறியதுளிகளாக மாற்று காற்றில் தெளிக்கின்றன. இது காற்றில் இருக்கும் ஈரப்பதத்தை அதிகரிக்கிறது. காற்றில் ஈரப்பதம் அதிகரிப்பது மழையை உருவாக்குகிறது. 'இது வேலை செய்தால், இதன் பயன் மிகவும் அதிகமாக இருக்கும். காட்டுத்தீயை கட்டுப்படுத்துவதிலிருந்து பாலைவனத்தை பசுமையாக்கும் வரை இதனை உபயோகப்படுத்தலாம் ' என்று ஸால்டர் கூறுகிறார்.

இந்த டர்பைன்கள் கட்டுமரம் போன்ற படகுகளில் ஏற்றப்பட்டு உலகத்தின் மிகவும் காய்ந்த பிரதேசங்களுக்குக் கொண்டு செல்லப்பட்டு அங்கு மழை உருவாக்குவதை அதிகரிக்கலாம்.

இந்த ஐடியாவில் ஏதும் பெரிய தவறு இருப்பதாகத் தெரியவில்லை என்று இந்த பொறியியல் பேராசிரியர் தெரிவிக்கிறார்.

டர்பைன் சுழற்றுவான்களின் மூலம் தெளிக்கப்படும் தண்ணீர் திவாலைகள் காற்றில் கலந்து டர்பைன் பின்னால் செல்லலாம். உபரி உப்பு கடலுக்குள் விழுந்துவிடும். ஈரப்பதம் ஏறிய காற்று நிலத்துக்குச் சென்று தாக்கும்போது மழை தோன்றும்.

இது பல உபரி தேவைகளைக் கொண்டிருக்கிறது. காற்று கடலிலிருந்து கடற்கரை நோக்கி அடிக்கவேண்டும். காற்று ஈரப்பதத்தை ஏற்றுக்கொள்ளும் அளவுக்கு சூடாகவும், நிலத்தை சேரும்போது அது நிலத்திலிருந்து மிக உயரத்துக்கு மேகம் அளவுக்குச் செல்லவேண்டும்.

கணினி மாதிரிகளைக் கொண்டு இந்த கருத்தை பரிசோதிப்பதாகவும் பேராசிரியர் தெரிவிக்கிறார்.

'ஈரப்பதம் ஏற்றப்பட்ட காற்று எங்கு செல்லும் என்று நமக்குத் தெரியாது. இது தட்பவெப்பம் குறித்த மிகவும் கடினமான கேள்வி. அதற்காக நாங்கள் கணினி மாதிரியை உபயோகப்படுத்துகிறோம் ' என்று கூறினார்.

மாதிரி வெற்றிகரமாக இருந்தால், இதனைக்கொண்டு ஒரு உண்மை நிலவரப் பரிசோதனை செய்யவும் திட்டமிட்டு இருக்கிறார்.

ஆனால் எல்லோரும் இந்த பரிசோதனைக்கு ஆதரவு தெரிவிக்கவில்லை.

பாலைவனங்கள் பாலைவனங்கள்தாம். ஏனெனில் இந்த நிலங்களில் இருக்கும் காற்று இறங்குகிறது. இறங்கும் காற்றின் மூலம் மழை வராது. எவ்வளவுதான் அவற்றுக்குள் ஈரப்பதம் ஏற்றினாலும், இறங்குமுகமான காற்றின் மூலம் மழை வராது ' என்று தட்பவெப்பவியலாளரும், டெலிகிராப் பத்திரிக்கை நிருபருமான பிலிப் ஈடன் கூறுகிறார்.

இந்த பரிசோதனையை 15 மாதங்கள் நடத்தவிருப்பதாகவும், இதன் மூலம் கிடைக்கும் பயன் இதனை சந்தேகப்படுபவர்களின் இழப்பைவிட அதிகம் என்றும் ஸால்டர் கூறுகிறார்.

டி.என்.ஏ. கணினிகள் எவ்வாறு பணிபுரியும் ?(TC)

2009-09-22T15:26:00.000+04:00

டி.என்.ஏ. கணினிகள் எவ்வாறு பணிபுரியும் ?(TC)

டாக்டர் இரா விஜயராகவன் பிடெக் எம்ஐஇ எம்ஏ எம்எட் பிஎச்டி

நாளொரு மேனியும் பொழுதொரு வண்ணமுமாக நுண்செயலிகளின் (microprocessors) விரைவுத்தன்மை வளர்ந்து கொண்டே போகிறது; அதற்கேற்ப சில்லுத் (chip) தயாரிப்பாளர்கள் போட்டிபோட்டுக் கொண்டு சில்லுகளைத் தயாரித்து வருகின்றனர். தற்போது சில்லுத் தயாரிப்புக்குச் சிலிகானைப் (silicon) பயன்படுத்துவோர், கணினி வேகத்தைக் கூட்டுவதற்கு விரைவில் வேறு பொருளைப் பயன்படுத்தவேண்டிய நிலைக்குத் தள்ளப்பட்டுள்ளனர். இந்த அடுத்த தலைமுறை நுண்செயலிகளை உருவாக்குவதற்குத் தேவையான பொருள் வேறெங்குமில்லை; ஆயிரமாயிரம் மீக்கணினிகளின் (super computers) விரைவுத்தன்மைக்கு இணையான ஆற்றல் கொண்ட நுண்செயலிச் சில்லுகள், மனித உடல் உட்பட வாழும் உயிரினங்களின் உடலிலேயே அடங்கியுள்ளன. நமது மரபணுக்களை (genes) உற்பத்தி செய்வதற்குக் காரணமான டி.என்.ஏ. (Deoxyribonucleic acid – DNA) மூலக்கூறுகளில், உலகின் மிக விரைவான மீக்கணினிகளின் செயல்பாட்டைப் போல் பன்மடங்கு விரைவுத் தன்மையுடன் செயல்படும் ஆற்றல் அடங்கியுள்ளது. டி.என்.ஏ.வினால் உருவாக்கப்படும் கணினிச் சில்லுகளை, சிக்கலான கணக்கீடுகளைச் செய்ய ஏற்கனவே பயன்படுத்தத் துவங்கிவிட்டனர். தற்போதைய கணினிகளில் உயர்ந்த அளவாகச் சேமிக்கப்படும் தரவுகளைப் (data) போல் பல கோடி மடங்கு தரவுகளைச் சேமிக்கும் டி.என்.ஏ. கணினிகள் உருவாக இருக்கின்றன. வருகின்ற பத்தாண்டுகளில், மரபணுப் பொருளைக் கொண்டு தயாரிக்கப்படவுள்ள கனினிகள், தற்போதைய சிலிகான் கணினிகளைப் புறந்தள்ளிவிடும் என்பது உண்மை.

வளர்ந்துவரும் தொழில்நுட்பம்

டி.என்.ஏ. கனினிகள் தற்போது சந்தைக்கு வரவில்லை என்பது உண்மையே; இதன் தொழில்நுட்பம் இப்போதுதான் வளர்ந்து வருகிறது; இத்தொழில்நுட்பத்திற்கு வயது பத்தாண்டு கூட ஆகவில்லை. 1994 ஆம் ஆண்டு லியோனார்ட் அடெல்மன் (Leonard Adelman) டி.என்.ஏ.வைக் கொண்டு சிக்கலான கணக்குகளுக்கு விடை காணும் கோட்பாட்டை அறிமுகப்படுத்தினார். தெற்கு கலிஃபோர்னியா பல்கலைக்கழகத்தில் கணினி அறிவியல் வல்லுநராகப் பணியாற்றும் அடெல்மன் அவர்கள், ஜேம்ஸ் வாட்சன் (James Watson) எழுதிய 'மரபணுவின் மூலக்கூறு உயிரியல் (Molecular Biology of the Gene) ' என்ற நூலைப் படிக்க நேர்ந்தது. அந்நூலைக் கற்றபின் டி.என்.ஏ.வுக்கு கணக்கிடும் ஆற்றல் உண்டு என்ற முடிவுக்கு வந்தார். உண்மையில் கணினியின் வன்வட்டு இயக்கி (Hard drive) போன்றே டி.என்.ஏ. வும் நமது மரபணுக்களைப் பற்றிய தகவல்களைச் சேமித்து வைக்கும் ஆற்றல் கொண்டதாகும்.

விற்பனையாளர் பயணப் பிரச்சினை (Traveling Salesman Problem)

அடெல்மன் அவர்கள்தான் டி.என்.ஏ. கணினியின் தந்தை என அழைக்கப்படுகிறார். 1994 ஆம் ஆண்டு அறிவியல் இதழில், ஒரு கணக்கீட்டுப் பிரச்சினையைத் தீர்க்க டி.என்.ஏ. கனினியை எவ்வாறு பயன்படுத்தலாம் என அவர் ஒரு கட்டுரை எழுதி இருந்தார். அப்பிரச்சினை விற்பனையாளர் பயணப் பிரச்சினை என்பதாகும். இப்பிரச்சினையின் நோக்கம் என்னவென்றால் பல நகரங்களில் பயணம் செய்ய வேண்டிய ஒருவர் எவ்வளவு குறைவாகப் பயணம் செய்து எல்லா நகரங்களுக்கும் ஒரு முறை சென்றுவர இயலும் என்பதைக் கண்டறிவதாகும். நகரங்களின் எண்ணிக்கை அதிகமாக அதிகமாக பிரச்சினையின் சிக்கலும் அதிகமாகும். அடெல்மன் ஏழு நகரங்களுக்கிடையே பயணம் செய்வதற்கான குறைந்த அளவு தூரத்தைக் கணக்கிடுவதற்கு முயன்றார்.

இக்கணக்கீட்டில் அடெல்மன் பெற்ற வெற்றி, டி.என்.ஏ. கணினியைச் சிக்கலான கணக்கீடுகளுக்குப் பயன்படுத்த முடியும் என்பதை நிரூபித்தது. ஆனால் அவரது டி.என்.ஏ. கணினியின் விரைவுத்தன்மை சிலிகான் கணினியின் வேகத்தோடு போட்டியிட இயலவில்லை என்பது உண்மையே. மேலும் அந்த டி.என்.ஏ. கணினிக்கு மனித உதவியும் தேவைப்பட்டது; தானியங்கியாகப் பணியாற்ற இயலவில்லை. மனித உதவியின்றி தனித்தியங்கக்கூடிய ஆற்றலுடன் டி.என்.ஏ. கணினியினை வடிவமைக்க வேண்டியிருந்தது.

ஏரண வாயில்கள் (Logic gates)

அடெல்மனின் ஆய்வு நடைபெற்ற மூன்றாண்டுகளுக்குப்பின் ரோசெஸ்டர் பல்கலைக்கழக (University of Rochester) ஆய்வாளர்கள் டி.என்.ஏ.வினாலான ஏரண வாயிலகளை உருவாக்கினர். நாம் ஆணையிடும் செயல்களைக் கணினி நிரைவேற்றுவதற்கு ஏரண வாயில்கள் இன்றியமையாதவை. இவ்வாயில்களே இருமக் குறியீடுகளைத் (binary codes) தொடர் சமிக்கைகளாக (signals) மாற்றிக் கணினியில் செயற்பாடுகளை நிறைவேற்றப் பயன்படுபவை. தற்போதைய கணினிகளில் சிலிகான் டிரான்சிஸ்டரிலிருந்து வரும் உள்ளீட்டு (input) சமிக்கைகளை வெளியீட்டு (output) சமிக்கைகளாக மாற்றிச் சிக்கலான செயற்பாடுகளைச் செய்யும் பணியை ஏரண வாயில்கள் மேற்கொள்கின்றன. டி.என்.ஏ. ஏரண வாயில்கள் ஏரணச் செயற்பாடுகளை, மின்சமிக்கைகள் மூலம் செய்வதற்குப் பதிலாக, டி.என்.ஏ. குறியீடுகள் வழி செய்ய முற்படுகின்றன. உள்ளீடாக (input) இடப்பெறும் மரபணுப் பொருளின் துண்டுகளை இணைத்துப் பின் வெளியீடாகத் (output) தர அவை உதவுகின்றன. எடுத்துக்காட்டாக உம்மை வாயில் (And gate) எனும் மரபணு வாயில் இரண்டு டி.என்.ஏ. உள்ளீடுகளை வேதியியல் முறைப்படி இணைக்கின்றது. இந்த ஏரண வாயில்கள் டி.என்.ஏ. நுண்சில்லுகள் (microchips) வழி இணைக்கப்பெற்று டி.என்.ஏ. கணினி உருவாகும் என ஆய்வாளர்கள் கருதுகின்றனர். டி.என்.ஏ. கணினியின் உறுப்புகளான ஏரண வாயில்கள் மற்றும் உயிரிச் சில்லுகள் (biochips) ஆகியவை உருவாகிச் செயல்முறைக்கு வர ஆண்டுகள் பல ஆகலாம். ஆனால் அத்தகையதோர் கணினி உருவானால், அது தற்போதைய கணினிகளைவிட மிகவும் கையடக்கமாகவும், துல்லியமான தாகவும், திறன் மிக்கதாகவும் விளங்குமென்பது மட்டும் உறுதி.

சிலிகானின் தொடர்ச்சி

கணினியின் இதயமாக விளங்கும் சிலிகான் நுண்செயலிகள் (microprocessors) கடந்த நாற்பது ஆண்டுகளாகப் பயன்பாட்டில் இருந்து வருகின்றன. கணினித் தயாரிப்பாளர்கள் நுண்செயலிகளில் மேலும் மேலும் மின்னணுச் சாதனங்களை நிரப்பி வந்தனர். மூர் (Moore) என்பவர் புகழ் பெற்ற இண்டெல் (Intel) நிறுவனத்தை உருவாக்கியவர்; அவரது விதியின்படி ஒவ்வொரு பதினெட்டு மாதங்களிலும் நுண்செயலிகளில் சேர்க்கப்படும் மின்னணுச் சாதனங்கள் இரு மடங்காகப் பெருகுகின்றன. அவரது மேற்கூறிய விதி கணினியின் விரைவுத்தன்மைக்கும், சிற்றளவுக்கும் ஈடு கொடுக்கமுடியாமல் முடிவுக்கு வந்துவிடும் என அறிஞர்கள் கருதுகின்ரனர். அந்நிலையில் டி.என்.ஏ. கணினிகள்தான் கைகொடுத்து உதவும் என்று எதிர்பார்க்கப்படுகிறது. சிலிகானுக்குப் பதிலாக டி.என்.ஏ.வைப் பயன்படுத்துவதில் பல்வேறு நன்மைகள் உள்ளன.

* உயிரணுவைக் கொண்ட உயிரினங்கள் (cellular organisms) இருக்கும்வரை டி.என்.ஏ.வுக்குப் பற்றாக்குறை ஏதுமிராது.

* ஏராளமான அளவில் டி.என்.ஏ. கிடைக்கும்போது, அது மலிவானதாகவும் இருக்கும்.

* இப்போது உள்ள நுண்செயலிகள் நச்சுத் தன்மையுடைய (toxic) பொருட்களாலானவை; ஆனால் டி.என்.ஏ. உயிரிச் சில்லுகள் தூய்மையானவை.

* இன்றைய கணினிகளைவிட டி.என்.ஏ. கணினிகள் உருவத்தில் பன்மடங்கு சிறிதாக இருக்கும்; ஆனால் அதே நேரத்தில் பன்மடங்கு அதிகமான தரவுகளை (data) டி.என்.ஏ. கணினிகள் ஏற்றுக்கொண்டு சேமித்து வைக்கும்.

* உலகத்தின் மிகச் சிறந்த ஆற்றல் வாய்ந்த மீக்கணினிகளைவிட, ஒரு சிறு கண்ணீர்த்துளி அளவேயுள்ள டி.என்.ஏ. கணினி அதிக ஆற்றல் உடையதாக விளங்கும். ஒரு கன செ.மீ. அளவுள்ள இடத்தில் 10 டிரில்லியன் (ஒரு டிரில்லியன் என்பது ஒரு லட்சம் கோடிக்குச் சமம்) டி.என்.ஏ. மூலக்கூறுகளை அடக்கலாம்; இதனைக் கொண்டு ஒரே நேரத்தில் 10 டிரில்லியன் கணக்கீடுகளைச் செய்யலாம்.

* இப்போதுள்ள கணினிகள் சங்கிலித் தொடர்போல ஒரு நேரத்தில் ஒரே செயலை மட்டுமே செய்யக்கூடியவை; ஆனால் டி.என்.ஏ. கனினிகள் ஒரே நேரத்தில் பல செயல்களைச் செய்யும் ஆற்றல் கொண்டவையாக விளங்கும். எனவே இப்போதுள்ள கணினிகளைக் கொண்டு நூறு ஆண்டுகளில் செய்யவேண்டிய சிக்கலான கணக்கீடுகளை, டி.என்.ஏ. கணினி வழியே ஒரு சில மணி நேரங்களில் செய்து விடலாம்.

முதலாவதாக வரப்போகும் டி.என்.ஏ. கனினிகளில் சொற்செயலிகள் (word processors), மின் அஞ்சல் போன்ற வசதிகள் இருக்கும் என்று கூற இயலாது. ஆனால் அவற்றின் கணக்கீட்டு வேகத்தைக் கொண்டு அரசாங்கத்திற்குப் புதிராக இருக்கும் ரகசியக் குறியீடுகளை (secret codes) விடுவிக்கலாம்; விமானங்களுக்கு வசதியான, ஆபத்தில்லாத வழித்தடங்களை அமைத்துத் தரலாம்; எல்லாவற்றுக்கும் மேலாக உலகத்தில் எதனாலும் வெற்றி கொள்ள இயலாத கணினியான மனித மூளையைப் பற்றிய புதிர்களை அறிந்து கொள்ளலாம்.

***

டாக்டர் இரா விஜயராகவன் Dr R Vijayaraghavan

பிடெக் எம்ஐஇ எம்ஏ எம்எட் பிஎச்டி BTech MIE MA MEd PhD

மொழிக் கல்வித் துறை (தமிழ்) Dept. of Language Education (Tamil)

வட்டாரக் கல்வியியல் நிறுவனம் Regional Institute of Education

மைசூர் 570006 Mysore 570006

thanks to thinnai.com

ஆதாம் ஏவாள் பற்றிய உண்மை

2009-09-22T15:15:00.000+04:00

ஆதாம் ஏவாள் பற்றிய உண்மை

பிபிஸியிலிருந்து

டி.என்.ஏவை வைத்து பல விஷயங்களை கண்டுபிடிக்க உபயோகிக்கலாம். வரலாற்று நிகழ்ச்சிகளையும், ஏன் சமீபத்தில் நடந்த குற்றங்களின் உண்மையையும் கண்டுபிடிக்க உபயோகிக்கலாம். ஆனால், டி.என்.ஏ வை வைத்து ஆதாம் ஏவாள் பற்றிய உண்மையைக் கண்டறிய முடியுமா ?

டி.என்.ஏ என்பது நமது மூதாதையர்களைப் பற்றி அறிய மிகவும் உபயோகமான கருவி. நமக்கும் நம் மூதாதையர்களுக்கும் இருக்கும் இணைப்பை நமக்கு பொதுவாக இருக்கும் டி.என்.ஏவைக் கொண்டு அறியலாம். பிரச்னை நடுவே பாலுறவு வருவதுதான்.

பாலுறவு நமது ஜீன்களை கலக்கிவிட்டுவிடுகிறது (recombination மூலமாக). ஒவ்வொருவரது ?ீன் அமைப்பும் தனிப்பட்டதாக வரும்படிக்கு, நம் பெற்றோரின் ?ீன்களை கலக்கி தாயின் ?ீனிலிருந்தும், தந்தையின் ?ீனிலிருந்தும் சிலவற்றை உதறி சிலவற்றை எடுத்துக்கொண்டு கலக்கிவிடுகிறது. நம்மிடம் நம் தாயிடமிருந்து பாதி, தந்தையிடமிருந்து பாதி வருகிறது. அது, நம் ஒரு தாத்தாவிடமிருந்து கால் பங்குதான் நமக்கு வருகிறது. ஒவ்வொரு தலைமுறைக்கும் இந்த பங்கு குறைந்து கொண்டே போகிறது.

அதிர்ஷ்டவசமாக, இந்த மேற்கண்ட சட்டத்துக்கு இரண்டு விதிவிலக்குகள் இருக்கின்றன.

மிட்டோகாண்டிரியல் டி.என்.ஏ

Y குரோமசோம்.

மிட்டோகாண்டிரியா என்பது நம் செல்களுக்குள் இருக்கும் இன்னொரு குட்டி செல். இது நம் செல்களுக்கு சக்தியைத் தரும் செல். இதற்கென்று தனியே ஒரு டி.என்.ஏ இருக்கிறது. உங்களிடம் இருக்கும் எல்லா மிட்டோகாண்டிரியல் டி.என்.ஏவும் தாயிடமிருந்தே வருகிறது. அவளும் தன்னுடைய எல்லா மிட்டோகாண்டிரியல் டி.என்.ஏவையும் தன்னுடைய தாயிடமிருந்தே (உங்களது பாட்டியிடமிருந்து) பெறுகிறாள். இது உடையாத சங்கிலியாக மூத்த மூத்த மூதாதையர் வரைக்கும் செல்கிறது.

மிட்டோகாண்டிரியல் டி.என்.ஏவும் வம்சாவம்சமாக வழிவழியாக மாறாமலேயே வருவதில்லை. எப்போதாவது ஒருமுறை, இந்த மிட்டோகாண்டிரியல் டி.என்.ஏவை பிரதி எடுக்கும்போது ஒரு எழுத்து விட்டுப்போய்விடுகிறது. இந்த தவறுகள் ஒரு நிலையான வேகத்தில் நம் மூதாதையர்களின் வம்சத்திலிருந்து இருக்கின்றன. இது ஒருவகை மூலக்கூறு கடிகாரம் போல, அறிவியலறிஞர்களுக்கு உதவுகின்றன.

வ்வாறு நடக்கும் பிரதிஎடுக்கும் தவறுகளை வைத்து( mutations) இரண்டு பேர்கள் எவ்வளவு காலத்துக்கு முன்னால் ஒரே மூதாதையர் தாயைப் பெற்றிருப்பார் என்று கணக்கிடலாம்.

1980இல் ஆலன் வில்ஸன் என்ற ஒரு அறிவியலாளர் இது போன்றதொரு ஒப்புமை வேலையை செய்தார். உலகம் முழுவதும் இருக்கும் 135 பெண்களிடம் இருக்கும் மிட்டோகாண்டிரியல் டி.என்.ஏவை எடுத்து, அவைகளில் ஒவ்வொருவரிடமிருந்து இன்னொருவர் எவ்வளவு தூரம் வம்சாவழியில் இருக்கிறார் என்பதை கணக்கிட்டார். அதே போல எல்லா பெண்களுக்கும் ஒரே தாய் இருந்திருந்தால் அவர் எவ்வளவு காலத்துக்கு முன்னால் இருந்திருப்பார் என்பதைக் கணக்கிட்டார்.

தாய்வழி முறையில் நாம் எல்லோரும் ஒரு பொதுவான தாயை சுமார் 150,000 ஆண்டுகளுக்கு முன் வாழ்ந்த பெண்ணிடம் பார்க்கிறோம்.

இன்னொரு வழியில் சொல்லப்போனால், ஒரு மனிதருடைய 10,000ஆவது முப்பாட்டி, நம் எல்லோருக்கும் 10,000ஆவது முப்பாட்டி.

வளை மிட்டோகாண்டிரியல் ஏவாள் என்று அறிவியலாளர்கள் அழைக்கிறார்கள்.

***

'ஏவாள் ' என்பவள் கறுப்பு முடியோடு, கறுப்பு தோல் நிறத்தோடு, சூடான புல்வெளிப்பாலைவனத்தில் உணவுக்காக அலைந்து கொண்டிருந்திருக்கலாம், பெரும்பாலும். அவள் நிச்சயம் மார்டினா நவரோத்திலோவா போல வலிமையான உடலோடும், விலங்குகளை தன் வெறும் கையாலேயே கிழிக்கக்கூடியவளாகவும் இருந்திருப்பாள் --- நியூஸ்வீக், 11 ஜனவரி 1988

***

இதற்குப் பொருள், அவள் வாழ்ந்தபோது அவள் ஒருபெண் மட்டும்தான் வாழ்ந்து கொண்டிருந்தாள் என்று பொருளல்ல. நம்மிடம் ஏராளமான பொதுவான தாய்மார்கள் இருந்தார்கள். அவர்களது ஜீன்கள் நிச்சயம் நம்மிடையே இருக்கின்றன. அவை நம் தந்தையர்வழியில் குழப்படி செய்யப்பட்டு, நம்மிடம் வந்திருக்கின்றன.

ஆதாம் விஷயம் என்ன ?

மிட்டோகாண்டிரியா போலவே, நம் தந்தையர் வழியை அறிய Y குரோமசோம் உதவலாம்.

Y குரோமசோம் தந்தை மூலமாக மகனுக்கு வருகிறது. ஆண்களுக்கு ஒரு X குரோமசோமும், ஒரு Y குரோமசோமும் இருக்கிறது. பெண்களுக்கு இரண்டு X குரோமசோம்கள் இருக்கின்றன. இந்த Y குரோமசோம் இருப்பதோ இல்லாததோதான் நீங்கள் ஆணா பெண்ணா என்பதை நிர்ணயிக்கிறது.

சமீபத்தில் அறிவியலாளர்கள், Y குரோமசோம் பிரதி எடுக்கப்படும்போது நிகழும் டி.என்.ஏ எழுத்துக்கள் தவறுகளைப் பற்றி ஆராய்ந்தார்கள். உலகெங்கும் இருக்கும் சுமார் 1062 ஆண்களது Y குரோமசோம்களை எடுத்து ஒப்பிட்டார்கள். நம் எல்லோருக்கும் பொதுவான மூத்த தாத்தா சுமார் 60,000 வருடங்களுக்கு முன்னால் இருந்தார் என்பதை அறிந்தார்கள். இவரை 'Y குரோமசோம் ஆதாம் ' என்று அழைக்கிறார்கள்.

பார்க்க வினோதமாக இருந்தாலும், மரபணு ரீதியில், இந்த ஆதாம், இந்த ஏவாளைச் சந்திக்கவே இல்லை. இவர்கள் சுமார் 85,000 வருடங்கள் இடைவெளி விட்டு வாழ்ந்தவர்கள்.

இது எப்படி இருக்க முடியும் என நீங்கள் கேட்கலாம். விடை எளியது. நமது மரபணு ஜீன் தொகுப்பில் இருக்கும் ஒவ்வொரு பகுதிக்கும் தனித்தனியே ஒரு பரிணாம வரலாறு இருக்கிறது. ஆகவே நமக்கு ஒன்றுக்கு மேற்பட்ட ஆதாம்களும், ஒன்றுக்கு மேற்பட்ட ஏவாள்களும் இருக்கிறார்கள். அது நீங்கள் நமது டி.என்.ஏவில் இருக்கும் எந்தப் பகுதியைப் பார்க்கிறீர்கள் என்பதைப் பொறுத்தது.

**

http://www.bbc.co.uk/science/genes/dna_detectives/adam_and_eve.shtml

***

ஒரு தொடர்பதிவு

2009-09-11T22:22:00.007+04:00

நண்பர் இஸ்மத் என்னை தொலைப் பேசியில் அழைத்து, ஒரு தொடர்பதிவுத் தொங்களில் என்னை மாட்டிவிட்டு விட்டார்கள் நான் உங்களையும் இதில் கோர்த்துவிட்டு விட்டேன் வாங்க வந்து நீங்களும் கொஞ்சம் தொங்குங்கள் என்று கொக்கியைப் போட்டுவிட்டார், பார்த்தேன் நம்ம மட்டும் தொங்கவில்லை நம்மோடு இன்னும் மூன்று பேர் தொங்கப் போகிறார்கள் என்ற சந்தோசத்தோடு ஆரம்பிக்கின்றேன் (நாங்க நாலுப் பேருக்கு கொக்கி ரெடி பண்ணிட்டோம்ல)

1.அழைத்தவரை அறிமுகம் செய்தல்.

2.விதிகளைப் பதிவிலிட வேண்டும்;

3.எல்லா ஆங்கில எழுத்தில் உள்ள கேள்விக்கும் பதில் அளிக்க வேண்டும்.

4.பதிவின் முடிவில் நான்கு பேரை மாட்டிவிட வேண்டும்.

5.அந்த நால்வருக்கும் ஓலை அனுப்பவேண்டும்.

6.அழைக்கப் பட்டவர்களையே அழைக்காமல் புதியவர்களை அழைக்க வேண்டும்

1. அன்புக்குரியவர்கள் : அன்பு செலுத்தக் கூடியவர்கள்

2. ஆசைக்குரியவர் : ஆசையாய் யாரையும் அணுகுவது கிடையாது

3. இலவசமாய் கிடைப்பது : அறிவுரை

4. ஈதலில் சிறந்தது : கல்வி

5. உலகத்தில் பயப்படுவது : மனசாட்சி

6. ஊமை கண்ட கனவு : மறைக்கப்ட்ட உண்மை

7. எப்போதும் உடனிருப்பது : நிகழ் காலம்

8. ஏன் இந்த பதிவு : உண்மை சொல்ல வாய்ப்பு

9. ஐஸ்வர்யத்தில் சிறந்தது : போதும் என்ற மனம்

10.ஒரு ரகசியம் : உன்னைத் தவிர வேறு இல்லை

11.ஓசையில் பிடித்தது : மழழையின் சிரிப்பு

12.ஔவை மொழி ஒன்று : மதியாதார் தலைவாசல் மிதியாதே

13.(அ)ஃறிணையில் பிடித்தது: குதிரை

1. A – Avatar (Blogger) Name / Original Name :: நிலாமலர்கள் - ராஜா கமால்

2. B – Best friend? : நட்புக்காக மட்டும் நட்புடன் இருப்பவர்

3. C – Cake or Pie? : Cake

4. D – Drink of choice? : இதமளிக்கும் எல்லாம்

5. E – Essential item you use every day? - அறிவு

6. F – Favorite color?: வெண்மை

7. G – Gummy Bears ;Or Worms : இந்த கேள்வி எனக்கல்ல

8. H – Hometown? – தஞ்சை

9.I – Indulgence? – அனுமதிக்கப் பட்ட எல்லாம்

10. J – January or February? – வருடத்தின் முதல், இரண்டாவது மாதங்கள்

11. K – Kids & their names.: ரொஃபினா, ஜிமானா, அஹ்மத்

12. L – Life is incomplete without? - மனைவி

14. N – Number of siblings? – விழி நீரை துடைக்கும் விரல்கள் எல்லாம்

15.O – Oranges or Apples?ஆப்பிள் (உரிக்காம சாப்பிடலாமே)

16. P – Phobias/Fears? - அநியாயம் ஆட்சி செய்யும் போது

17. Q – Quote for today? - சோதனைகள் தடைகற்கள் அல்ல, மாறக படிக்கற்கள்

18. R – Reason to smile? - வஞ்சமற்ற பிஞ்சுகளை காணும் போது

19. S – Season? - மழைக் காலம்

20. T – Tag 4 People? - வலைபதிவு நண்பர்கள், சையது, வாஹிது, சென்சி, செந்தில்

21.U – Unknown fact about me? – நான் ரொம்ப நல்லவங்க

22.V – Vegetable you don't like? – அப்படியெல்லாம் இல்லீங்கோ

23. W – Worst habit? – மெய்யாலுமே இல்லீங்கோ

24. X – X-rays you've had? – அவசியம் இல்லீங்கோ(சும்மா பார்த்தே சொல்லலாம்)

25. Y – Your favorite food? – அம்மா வக்கிற பருப்பு சாம்பார்