என்னிடம் வாருங்கள்

என்னிடம் வாருங்கள்

என்னிடம் வாருங்கள்
உங்கள் உணர்வுகளுக்கு
ஒத்தடம் கொடுக்கிறேன்

என்னிடம் வாருங்கள்
மனதின் ரணங்களை
மயிலிறகால் வருடுகிறேன்

என்னிடம் வாருங்கள்
கலங்கி விட்ட நெஞ்சத்தில்
கல் தூண் நாட்டுகிறேன்

என்னிடம் வாருங்கள்
வெறுமையான உள்ளத்திலும்
விழா காலம் ஏற்படுத்துகிறேன்

என்னிடம் வாருங்கள்
உங்கள் கண்களின்
கண்ணீருக்கு கரை கட்டுகிறேன்

என்னிடம் வாருங்கள்
கசந்து விட்ட வாழ்கையிலும்
களிப்பூட்டுகிறேன்

என்னிடம் வாருங்கள்
இழந்து விட்ட நம்பிக்கையை
மீட்டுத் தருகிறேன்

என்னிடம் வாருங்கள்
உங்கள் கனவுக் கோட்டையில்
நிஜத்தில் கால் பதிக்க வழி காட்டுகிறேன்

நிங்கள் விரும்பினாலும்
விரும்பா விட்டாலும்
என்னிடம் வந்தே ஆக வேண்டும்

நான் யார் தெரியுமா
உங்கள் கண்களால் காண முடியா
காலம் நான.;